សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពព័ត៌មានពី Kitco News បានរាយការណ៍ថា ទីផ្សារមាសនៅតែបន្តនៅក្រោមតម្លៃ ១ ៩០០ ដុល្លារក្នុងមួយអោន ប៉ុន្តែវាអាចនឹងឡើងថ្លៃជាង ២ ២០០ ដុល្លារនៅពេលខាងមុខ ដោយសារភាពមិនច្បាស់លាស់នៃធនាគារកណ្តាល។
ប្រធានសេដ្ឋវិទូនៅ Degussa លោក Thorsten Polleit បាននិយាយថា មាសនឹងបន្តទទួលបានការចាប់អារម្មណ៍ពេញមួយឆ្នាំ២០២៣នេះ ដោយសារអ្នកវិនិយោគជាច្រើនកំពុងចាប់អារម្មណ៍លើវា ដើម្បីការពារអំណាចរបស់ពួកគេ និងការពារពីភាពមិនច្បាស់លាស់នៃសេដ្ឋកិច្ច។ នៅក្នុងការព្យាករណ៍តម្លៃមាសផ្លូវការរបស់គាត់ លោកបានបន្ថែមទៀតថា តម្លៃមាសនឹងឡើងដល់កម្រិតកំពូលប្រហែល ២ ២០០ ដុល្លារក្នុងមួយអោនជាមួយនឹងតម្លៃជាមធ្យម ២ ០០០ ក្នុងមួយអោន (១ អោន ស្មើរនឹង ២៨,៣៤ ក្រាម)។ ចំពោះប្រាក់អាចនឹងឡើងថ្លៃដល់កំពូលប្រហែល ២៩ ដុល្លារក្នុងមួយអោននៅឆ្នាំនេះជាមួយនឹងតម្លៃជាមធ្យម ២៦ ដុល្លារ។
មនុស្សជាច្រើននៅតែមានគំនិតវិជ្ជមានយ៉ាងខ្លាំងចំពោះមាស ខណៈដែលអតិផរណានៅតែជាការគំរាមគំហែងយ៉ាងសំខាន់ចំពោះអ្នកប្រើប្រាស់ និងសេដ្ឋកិច្ចពិភពលោក។ ជាមួយនឹងការធ្លាក់ចុះពីកម្រិតខ្ពស់តម្លៃទំនិញប្រើប្រាស់ ធនាគារកណ្តាលបានកាត់បន្ថយការផ្គត់ផ្គង់លុយ និងសាច់ប្រាក់ងាយស្រួលក្នុងសេដ្ឋកិច្ចពិភពលោក។
ការធ្លាក់ចុះនៃការផ្គត់ផ្គង់ហិរញ្ញវត្ថុមានផលប៉ះពាល់ដល់អ្នកប្រើប្រាស់ដូចគ្នាទៅនឹងបញ្ហាការឡើងថ្លៃទំនិញប្រើប្រាស់ ដោយសារការផ្គត់ផ្គង់ប្រាក់បានធ្លាក់ចុះ ដែលនាំឲ្យអត្រាអ្នកទិញមានតិចជាងកាលពីឆ្នាំមុន។ បន្ទាប់ពីបញ្ចេញសាច់ប្រាក់យ៉ាងច្រើននៅឆ្នាំ ២០២០ ដើម្បីទប់ទល់ទៅនឹងការរាតត្បាតសកលកូវីដ-១៩ ធនាគារកណ្តាលទូទាំងពិភពលោកកំពុងព្យាយាមកាត់បន្ថយការបញ្ជេញប្រាក់។ ចាប់តាំងពីចុងឆ្នាំ ២០១៩ មក ការផ្គត់ផ្គង់ប្រាក់របស់ធនាគារកណ្តាលអាមេរិក Federal Reserve បានកើនឡើង ៤០ ភាគរយ ខណៈដែលខាងធនាគារកណ្តាលអឺរ៉ុបបានកើនឡើង ២៥ ភាគរយ។
ស្របពេលដែលកំពុងមានវិបត្តិសេដ្ឋកិច្ចសកល និងការកំណត់កម្រិតអត្រាការប្រាក់របស់ធនាគារកណ្តាលកំពុងតែមិនមានភាពច្បាស់លាស់ គឺវាអាចនឹងប៉ះពាល់ដល់តម្លៃមាស។ បើសិនជាមាសអាចនឹងឡើងថ្លៃនាពេលខាងមុខ ប៉ុន្តែវានៅតែជាទ្រព្យមានតម្លៃដ៏ទាក់ទាញ៕
Account
Security
Favourite Content