សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Mining បានរាយការណ៍ថា តម្លៃមាសបានបន្តឡើងថ្លៃកាលពីថ្ងៃចន្ទ បន្ទាប់ពីមានការព្រួយបារម្ភអំពីការកើនឡើងហានិភ័យនៃភាពតានតឹងភូមិសាស្ត្រនយោបាយនៅមជ្ឈិមបូព៌ាដែលជាដើមចមជំរុញតម្លៃមាស។
តម្លៃមាសបានឡើងថ្លៃដល់កម្រិតខ្ពស់ ១,៤ ភាគរយ ឬ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ។ ថ្មីៗនេះ ពាណិជ្ជករព្យាករណ៍ថា ធនាគារកណ្តាលអាម៉េរិកអាចនឹងកាត់បន្ថយការចំណាយលើការខ្ចីប្រាក់នៅដើមខែកញ្ញាខាងមុខនេះដែលអាចនឹងជំរុញតម្លៃមាសឡើងថ្លៃ ហើយការចុះខ្សោយនៃប្រាក់ដុល្លារក៏អាចជំរុញតម្លៃផងដែរ។ ការចេញផ្សាយទិន្នន័យសេដ្ឋកិច្ចនាពេលថ្មីៗនេះបានបង្ហាញថា ការស្ទុះងើបឡើងវិញនៃសេដ្ឋកិច្ចរបស់សហរដ្ឋអាមេរិកមានភាពយឺត នោះអតិផរណាអាចនឹងធ្លាក់ចុះ ហើយគោលនយោបាយរូបិយវត្ថុតឹងតែងក្នុងរយៈពេលវែងប្រហែលជាមិនចាំបាច់ទេ។ អ្នកវិភាគកំពុងព្យាករណ៍ថា ក្រៅពីមាស ទំនិញផ្សេងទៀតដូចជាទង់ដែងក៏អាចនឹងឡើងថ្លៃផងដែរ ខណៈដែលវិធានការជំរុញផ្សេងៗរបស់ប្រទេសចិនបានជំរុញតម្រូវការទំនិញ។
ការកើនឡើងនេះបង្ហាញថា តម្លៃមាសត្រូវបានជួញដូរក្នុងលក្ខណៈតឹងតែងគួរសមក្នុងប៉ុន្មានសប្តាហ៍ថ្មីៗនេះ ចំពេលមានភាពមិនច្បាស់លាស់អំពីគោលនយោបាយអត្រាការប្រាក់របស់សហរដ្ឋអាមេរិក។ នៅឆ្នាំនេះផងដែរ តម្លៃមាសបានឡើងថ្លៃខ្ពស់ដល់ ១៧ ភាគរយ ខណៈដែលភាពរឹងមាំនៃតម្លៃមាសត្រូវបានផ្សារភ្ជាប់ទៅនឹងការទិញរបស់ធនាគារកណ្តាល តម្រូវការដ៏រឹងមាំពីអាស៊ីជាពិសេសប្រទេសចិន និងការកើនឡើងភាពតានតឹងភូមិសាស្ត្រនយោបាយនៅក្នុងអ៊ុយក្រែន និងមជ្ឈិមបូព៌ា។
ទន្ទឹមនឹងនេះ ការស្លាប់របស់ប្រធានាធិបតីថ្មីរបស់អឺរ៉ុង់ Ebrahim Raisi កើតឡើងចំពេលមានភាពចលាចលនៅមជ្ឈិមបូព៌ាដោយសារតែសង្រ្គាមនៅហ្គាហ្សា។ ហេតុការណ៍មួយនេះបន្ថែមហានិភ័យភូមិសាស្ត្រនយោបាយនៅទូទាំងតំបន់មជ្ឈិមបូព៌ា បន្ទាប់ពីនាវាដឹកប្រេងឆ្ពោះទៅប្រទេសចិនត្រូវបានវាយប្រហារដោយមីស៊ីលក្រុម Houthi នៅសមុទ្រក្រហមកាលពីថ្ងៃសៅរ៍៕
Account
Security
Favourite Content