សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនាវានុវត្តន៍ បានថ្លែងថា ប្រព័ន្ធនៃការចុះបញ្ជីកម្មសិទ្ធិបញ្ញាគឺជាមូលដ្ឋានគ្រឹះមួយដ៏សំខាន់ដែលអាចផ្តល់ភាពកក់ក្តៅ និងផ្តល់ទំនុកចិត្តយ៉ាងរឹងមាំដល់អ្នកវិនិយោគ ជាពិសេសសហគ្រាសធុនមីក្រូ តូច និងមធ្យម អ្នកសិក្សាស្រាវជ្រាវ ដែលបានប្រើប្រាស់បញ្ញា និងទេពកោសល្យផ្ទាល់ខ្លួន ដើម្បីច្នៃប្រតិដ្ឋ បង្កើតនូវផលិតផលថ្មីៗក្នុងការប្រកួតប្រជែងនៅលើទីផ្សារក្នុងប្រទេស ក្នុងតំបន់ និងអន្តរជាតិ ។
ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនាវានុវត្តន៍ បានថ្លែងបែបនេះ ក្នុងពិធីបើកសិក្ខាសាលាថ្នាក់ជាតិ ស្តីពី«ការកសាងសមត្ថភាពលើការប្រើប្រាស់សេវាអនឡាញ និងពិធីប្រកាសឱ្យប្រើទិន្នន័យប្រកាសនីយបត្រតក្កកម្ម និងគំនូរឧស្សាហកម្ម» លើគេហទំព័រនាយកដ្ឋានកម្មសិទ្ធិឧស្សាហកម្ម នៅព្រឹកថ្ងៃទី២៩ ខែមេសា ឆ្នាំ២០២៤នេះ នៅសណ្ឋាគារសូហ្វីតែល ភូគីត្រាភ្នំពេញ។
ឯកឧត្តម ហែម វណ្ណឌី បានមានប្រសាសន៍ថា កម្មសិទ្ធិបញ្ញាមានលក្ខណៈជាសសរស្តម្ភ គាំទ្រ និងជំរុញការលូតលាស់វិស័យដទៃទៀត តាមរយៈការផ្តល់ការលើកទឹកចិត្ត និងជំរុញនវានុវត្តន៍ ដែលកើតចេញពីកិច្ចការពារសិទ្ធិស្របច្បាប់លើ កម្មសិទ្ធិបញ្ញា និងលើកកម្ពស់ការធ្វើពាណិជ្ជូបនីយកម្មទាំងទ្រព្យរូបីយរបស់វិស័យឯកជនជៀសវាងការលួចក្លែងបន្លំផលិតផល ដែលបានចុះបញ្ជីការពារកម្មសិទិ្ធបញ្ញារួចហើយ។
ឯកឧត្តម រដ្ឋមន្ត្រី បានគូសបញ្ជាក់ថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានជំរុញ និងផ្សព្វផ្សាយឱ្យមានការយល់ដឹងអំពីកម្មសិទ្ធិបញ្ញាដល់សាធារណជន ដើម្បីកសាងសង្គមកម្ពុជាឱ្យមានភាពរីកចំរើនលើវិស័យបច្ចេកវិទ្យាក្នុងបរិបទសាកលភាវូបនីយកម្មសេដ្ឋកិច្ច និងការចូលរួមក្នុងសហគមន៍សេដ្ឋកិច្ចអាស៊ាននាបច្ចុប្បន្ននេះ។រាជរដ្ឋាភិបាលកម្ពុជា បានខិតខំប្រឹងប្រែងអភិវឌ្ឍលើគ្រប់វិស័យដែលក្នុងនោះកម្មសិទិ្ធបញ្ញា ជាផ្នែកមួយដ៏មានសារៈសំខាន់សម្រាប់ជំរុញការធ្វើពាណិជ្ជកម្ម ការជំរុញឱ្យមានការច្នៃប្រតិដ្ឋ និងបង្កើតផលិតកម្មឧស្សាហកម្មថ្មីៗ ជំរុញការប្រកួតប្រជែងទីផ្សារក្នុងប្រទេស ក្នុងតំបន់ និងអន្តរជាតិ ការធ្វើឱ្យកាន់ តែរីកចម្រើន និងធានាឱ្យបាននូវកិច្ចការពារកម្មសិទ្ធិបញ្ញា នៅកម្ពុជាស្របតាមច្បាប់ជាតិ និងបទដ្ឋានអន្តរជាតិ។
ឯកឧត្តម រដ្ឋមន្ត្រី បានបន្តថា ដោយសារកត្តានៃកិច្ចការពារកម្មសិទ្ធិបញ្ញានេះហើយ ទើបវិស័យឯកជនហ៊ានចំណាយធនធានក្នុងការសិក្សាស្រាវជ្រាវលើការអភិវឌ្ឍន៍លើផលិតផលថ្មីៗ ការបង្កើតបច្ចេកវិទ្យាទំនើប និងនវានុវត្តន៍ថ្មីៗ ដែលនាំមកនូវការផ្ទេរបច្ចេកវិទ្យាចូលក្នុងទីផ្សាពិភពលោក។
ទន្ទឹមគ្នានេះ ឯកឧត្តមក៏បានថ្លែងអំណរគុណដល់អង្គការកម្មសិទ្ធិបញ្ញាពិភពលោក (WIPO) ដែលបានជួយគាំទ្រដល់វិស័យកម្មសិទ្ធិបញ្ញានៅកម្ពុជា ជាពិសេសផ្តល់ការគាំទ្រធ្វើទំនើបកម្មប្រព័ន្ធស្វ័យប្រវត្តិកម្មកម្មសិទ្ធិបញ្ញាជំនាន់ទី៣ (IPAS3) ទៅជំនាន់ទី៤(IPAS4) នៅកម្ពុជា ដើម្បីសម្រួលដល់ការគ្រប់គ្រងទិន្នន័យ ការដំណើរការទទួលពាក្យសុំ ការចេញលិខិតបង់ប្រាក់ ការចុះបញ្ជី ការបោះពុម្ពផ្សាយ និងការស្រាវជ្រាវព័ត៌មានប្រកាសនីយ បត្រតក្កកម្ម វិញ្ញាបនបត្រ ម៉ូដែលមានអត្ថប្រយោជន៍ និងគំនូរឧស្សាហកម្ម ដែលទាំងនេះក៏ជាអ្វីដែលរាជរដ្ឋាភិបាលកម្ពុជា ក្រោមការដឹកនាំរបស់ សម្តេចធិបតី ហ៊ុន ម៉ាណែត នាយកដ្ឋមន្ត្រី នៃកម្ពុជា បាននឹងកំពុងខិតខំប្រឹងប្រែងជំរុញកម្ពុជាឱ្យក្លាយទៅជាសង្គមសេដ្ឋកិច្ចឌីជីថល។
សូមជម្រាបជូនថា ដំណើរវិវត្តន៍នៃកម្មសិទ្ធិបញ្ញារបស់កម្ពុជា ចាប់តាំងពីកម្ពុជាបានក្លាយជាសមាជិករបស់អង្គការកម្មសិទ្ធិបញ្ញាពិភពលោកនៅឆ្នាំ១៩៩៥ រហូតដល់បច្ចុប្បន្ននេះ រាជរដ្ឋាភិបាលកម្ពុជា បានបង្កើតឱ្យមានច្បាប់កម្មសិទ្ធិបញ្ញា រួមមាន៖ ១-ច្បាប់ស្តីពីម៉ាកពាណិជ្ជនាម និងអំពើប្រកួតប្រជែងមិនស្មោះត្រង់ ២-ច្បាប់ស្តីពីសិទ្ធិអ្នកនិពន្ធ និងសិទ្ធិប្រហាក់ប្រហែល ៣-ច្បាប់ស្តីពីប្រកាសសនីយបត្រតក្កកម្មវិញ្ញាបនបត្រម៉ូដែលមានអត្ថប្រយោជន៍ និងគំនូរឧស្សហកម្ម ៤-ច្បាប់ស្តីពីការគ្រប់គ្រងពូជដំណាំនិងសិទ្ធិអ្នកបង្កាត់ពូជដំណាំ ៥-ច្បាប់ស្តីពីម៉ាកសម្គាល់ភូមិសាស្ត្រទំនិញ និង ៦-ច្បាប់ស្តីពីអាជ្ញាបណ្ណបញ្ជាសម្រាប់សុខភាពសាធារណៈ៕
Account
Security
Favourite Content