សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ខ្លាសេដ្ឋកិច្ចនៅអាស៊ី ឬ Four Asian Tiger ដែលមនុស្សជាច្រើនធ្លាប់បានទទួលស្គាល់ជាយូរមកហើយរួមមានដូចជា កូរ៉េខាងត្បូង សិង្ហបុរី ហុងកុង និងកោះតៃវ៉ាន់ ប៉ុន្តែថ្វីត្បិតតែមិនមានប្រភពច្រើនអាចបញ្ចាក់ច្បាស់ពីរបៀបនៃការវាស់វែង និងដាក់ចំណាត់ថ្នាក់នេះក្តី គេសង្កេតឃើញថាមានចំណុច និងលក្ខណៈសម្បត្តិសំខាន់ៗមួយចំនួនដែលក្រុមអ្នកវិភាគបានប្រើប្រាស់ជាឧបករណ៍សម្រាប់ផ្តល់ងារនេះ។
ខ្លាសេដ្ឋកិច្ចអាស៊ីទាំង៤ គឺជាមហាអំណាចសេដ្ឋកិច្ចក្នុងតំបន់ដែលមានកម្លាំងអភិវឌ្ឍលើវិស័យសេដ្ឋកិច្ចខ្ពស់ជាងគេ ដែលយើងអាចមើលឃើញជាក់ស្តែងតាមរយៈរបាយការណ៍
ជាប្រចាំស្តីអំពីការនាំចេញ ព្រមទាំងឧស្សាហកម្មផង ហើយមិនត្រឹមតែប៉ុណ្ណោះ សេដ្ឋកិច្ចដែលមានភាពច្នៃប្រឌិតខ្ពស់ដោយក្នុងនោះទំហំនៃការវិនិយោគទៅលើការអប់រំ និងការវិនិយោគទៅលើវិស័យស្រាវជ្រាវ និងអភិវឌ្ឍមានកម្រិតខ្ពស់ខ្លាំងដូចគ្នា។
បច្ចុប្បន្ន ហុងកុង និងសិង្ហបុរី គឺជាគោលដៅនៃការវិនិយោគ និងអាជីវកម្មធំៗរបស់ពិភពលោក ឬអាចចាត់ទុកថាជាមជ្ឈមណ្ឌលហិរញ្ញវត្ថុដ៏ធំបំផុតមួយរបស់ពិភពលោក ខណៈដែលកោះតៃវ៉ាន់ និងកូរ៉េខាងត្បូង គឺជាបណ្តុំនៃប្រព័ន្ធផលិតកម្មធំៗស្ទើរគ្រប់ប្រភេទចាប់តាំងពីរថយន្តអេឡិកត្រូនិក និងបច្ចេកវិទ្យាទៅដល់ផលិតកម្មផលិតបន្ទីឈីប។
ប៉ុន្តែទោះបីជាយ៉ាងណាក្តី អ្នកមានដឹងទេថា ហេតុអ្វីគេមិនចាត់ជប៉ុនចូលក្នុងបញ្ជីខ្លាសេដ្ឋកិច្ចទាំង៤នៅអាស៊ី ? ជាចម្លើយ គឺងាយស្រួល ព្រោះថា ជប៉ុនត្រូវបានគេដាក់បញ្ចូលជាមហាយក្សសេដ្ឋកិច្ចរបស់ពិភពលោកនោះវិញទេ ដោយសារកំណើនសេដ្ឋកិច្ចរបស់មហាយក្សអាស៊ីនេះបានស្ទុះឡើងខ្លាំងតាំងតែពីអំឡុងទសវត្សរ៍ឆ្នាំ១៨០០មកម្ល៉េះលើគ្រប់វិស័យដែលបានពន្យល់ខាងលើនេះ។ ចំណែកឯសេដ្ឋកិច្ចទាំង៤នេះវិញគឺទើបតែមានភាពរីកចម្រើនខ្លាំងចន្លោះពីទសវត្សរ៍ឆ្នាំ១៩៦០មកប៉ុណ្ណោះ។
ដូច្នេះ ពាក្យថា ខ្លាសេដ្ឋកិច្ចអាស៊ី ឬនាគអាស៊ីទាំង៤នេះ ពួកគេមានលក្ខណៈសម្បត្តិគ្រប់គ្រាន់ទាំងសកម្មភាពនាំចេញការអប់រំការវិនិយោគក្នុងស្រុកការអភិវឌ្ឍខ្លួនលើវិស័យបច្ចេកវិទ្យា និងឧស្សាហកម្ម ហើយសុទ្ធតែជាអ្នកដែលធ្លាប់មានបទពិសោធក្នុងការឆ្លងកាត់ និងធន់ទ្រាំទៅនឹងវិបត្តិសេដ្ឋកិច្ចនៅតំបន់អាស៊ីឆ្នាំ១៩៩៧ ( Asian Financial Crisis) និងវិបត្តិ Credit Crunhឆ្នាំ២០០៨ផងដែរ។
គិតត្រឹមខែមេសាឆ្នាំ២០២៣ ផលិតផលក្នុងស្រុកសរុប(GDP)របស់កូរ៉េខាងត្បូងមានទំហំរហូតទៅដល់១,៧២ទ្រីលានដុល្លារ ហើយផលិតផលក្នុងស្រុកសម្រាប់ពលរដ្ឋមានទៅដល់៣៣៣៩០ដុល្លារក្នុងម្នាក់ ជាមួយនឹងអត្រារីកចម្រើនសេដ្ឋកិច្ចប្រមាណជា១,៥ភាគរយ ខណៈដែលពលរដ្ឋមានចំនួន៥១,៦លាននាក់។
បន្ទាប់ពីនោះ កោះតៃវ៉ាន់មានទំហំផលិតផលក្នុងស្រុកសរុបប្រមាណជា៧៩០ពាន់លានដុល្លារ ចំណែកផលិតផលក្នុងស្រុកសម្រាប់ពលរដ្ឋម្នាក់វិញមានប្រមាណជា៣៣៩១០ដុល្លារក្នុងមួយឆ្នាំ ស្ថិតនៅក្នុងអត្រារីកចម្រើន ២,១ភាគរយជាមួយនឹងពលរដ្ឋសរុប២៣,៣លាននាក់។ ហុងកុង មាន GDP សរុបត្រឹមតែ៣៨៣ពាន់លានដុល្លារ ប៉ុន្តែពលរដ្ឋអាចមានចំណូលប្រចាំឆ្នាំដល់ទៅ៥២៤៣០ដុល្លាររៀងរាល់ឆ្នាំ ស្ថិតនៅក្នុងអត្រារីកចម្រើនដល់ទៅ ៣,៥ភាគរយ។ ចុងក្រោយ សិង្ហបុរី មានទំហំផលិតផលក្នុងស្រុកសរុប៥១៥,៦ពាន់លានដុល្លារ ហើយពលរដ្ឋអាចមានចំណូលដល់ទៅ៩១១០០ដុល្លារ និងស្ថិតនៅក្នុងអត្រារីកចម្រើន១,៥ភាគរយ និងត្រូវបានចាត់ទុកថាជាប្រទេសដែលមានអត្រាពុករលួយតិចជាងគេបំផុតរបស់ពិភពលោក៕
Account
Security
Favourite Content