សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងខែសីហា ឆ្នាំ២០២៤កន្លងទៅនេះ មានគម្រោងវិនិយោគសរុបចំនួន ៥៣ ដោយក្នុងនោះ ៤៦ ជាគម្រោងវិនិយោគថ្មី និង ៧គម្រោង ជាគម្រោងពង្រីកផលិតកម្មបន្ថែម ត្រូវបានក្រុមប្រឹក្សាអភិវឌ្ឍន៍កម្ពុជាអនុម័តជាផ្លូវការ ដែលមានទឹកប្រាក់វិនិយោគសរុប ១ ២០០លានដុល្លារអាមេរិក ។ នេះបើតាមសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជានៅថ្ងៃទី៩ ខែកញ្ញា ឆ្នាំ២០២៤នេះ ។
យោងតាមសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជាបានឱ្យដឹងថា ក្នុងចំណោមគម្រោងវិនិយោគទាំង៥៣គម្រោងនេះបានបង្កើតការងារជូនប្រជាពលរដ្ឋបានប្រមាណ ៣៣ពាន់កន្លែង ហើយ ៣១ គម្រោង មានទីតាំងនៅក្រៅតំបន់សេដ្ឋកិច្ចពិសេស និង ២២គម្រោងស្ថិតនៅក្នុងតំបន់សេដ្ឋកិច្ចពិសេស ។
បើតាមក្រុមប្រឹក្សាអភិវឌ្ឍន៍កម្ពុជាបានឱ្យដឹងថា គម្រោងវិនិយោគធំៗមួយចំនួនដែលត្រូវបានអនុម័តក្នុងខែសីហាកន្លងទៅនេះ រួមមាន គម្រោងពង្រីកផលិតកម្មរបស់គម្រោងវិនិយោគបង្កើតសណ្ឋាគារផ្កាយ៥នៅក្រុងព្រះសីហនុ ខេត្តព្រះសីហនុ ដោយគម្រោងនេះ បានបន្ថែមទុនវិនិយោគចំនួន៨០លានដុល្លារអាមេរិក គម្រោងបង្កើតតំបន់សេដ្ឋកិច្ចពិសេសស្រុកស្រែអំបិល នៅខេត្តកោះកុងក្នុងទុនវិនិយោគប្រមាណ៨០លានដុល្លារអាមេរិក គម្រោងវិនិយោគបង្កើតរោងចក្រផលិតសំបកកង់ឡានតម្លៃ៤៣០លានដុល្លារអាមេរិកក្នុងតំបន់សេដ្ឋកិច្ចពិសេសយូប៊ីអ៊ីស្នួល ក្នុងខេត្តក្រចេះ និងគម្រោង វិនិយោគរោងចក្រផលិតសំបកកង់ឡានមួយនៅក្នុងតំបន់សេដ្ឋកិច្ចពិសេសស៊ីនបាវិត ខេត្តស្វាយរៀងតម្លៃ ២៥៦លានដុល្លារអាមេរិក ។
សម្រាប់ប្រភពទុនដែលក្រុមប្រឹក្សាអភិវឌ្ឍន៍កម្ពុជាបានអនុម័តក្នុងខែសីហា ឆ្នាំ ២០២៤នេះឃើញថា មកពីប្រទេសចិនច្រើនជាងគេដែលមានរហូតដល់ ៨៤,៧២ភាគរយ ក្រៅពីនោះមានទុនវិនិយោគរបស់វិនិយោគិនកម្ពុជាមាន ៩,១២ភាគរយ សិង្ហបុរីមាន ៥,៣១ភាគរយ ៕
Account
Security
Favourite Content