សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្ពុជារកចំណូលបាន ១២១ លានដុល្លារពីការនាំចេញកៅស៊ូក្នុងខែដំបូងនៃឆ្នាំ២០២៤ស្របពេលមានការធ្លាក់ចុះនៃតម្រូវការពិភពលោក ដែលចំនួននេះកើនឡើង ១២៣,៥ ភាគរយ បើធៀបនឹងរយៈពេលដូចគ្នាកាលពីឆ្នាំមុន ។ នេះបើយោងតាមទិន្នន័យពាណិជ្ជកម្មចុងក្រោយរបស់អគ្គនាយកដ្ឋានគយ និងរដ្ឋាករ ។
យោងតាមទិន្នន័យដដែលបានបង្ហាញថា នៅឆ្នាំ២០២៣ កម្ពុជារកចំណូលបាន ៩១៩ លានដុល្លារពីការនាំចេញកៅស៊ូ និងផលិតផលធ្វើពីកៅស៊ូ កើនឡើង ៦៩,៦ ភាគរយបើធៀបនឹងឆ្នាំ២០២២។ ប្រទេសផលិតកៅស៊ូធម្មជាតិធំជាងគេកាលពីឆ្នាំមុន គឺជាប្រទេសថៃ បន្ទាប់មកប្រទេសឥណ្ឌូនេស៊ី វៀតណាម ចិន ឥណ្ឌា ម៉ាឡេស៊ី និងកម្ពុជា។ ប្រទេសចិនបន្តជាអ្នកទិញកៅស៊ូធម្មជាតិធំជាងគេបន្ទាប់មកប្រទេសឥណ្ឌា ថៃ និងម៉ាឡេស៊ី។ រីឯទីផ្សារនាំចេញកៅស៊ូកម្ពុជាភាគច្រើនរួមមាន ចិន វៀតណាម ម៉ាឡេស៊ី សិង្ហបុរី ឥណ្ឌា និងសហភាពអឺរ៉ុប។
យោងតាមអ្នកជំនាញ ទីផ្សារកៅស៊ូធម្មជាតិនៅតែបន្តប្រឈមនឹងបញ្ហាសេដ្ឋកិច្ចធំៗ ជាពិសេសដោយសារតែកំណើនសេដ្ឋកិច្ចចិនតិចជាងការរំពឹងទុកនៅក្នុងត្រីមាសទីពីរនៃឆ្នាំនេះ ហើយចិនជាប្រទេសផលិតសំបកកង់ធំបំផុតក្នុងពិភពលោក។ បន្ថែមពីលើនេះ គឺផលប៉ះពាល់នៃសង្គ្រាមរុស្ស៊ី-អ៊ុយក្រែន និងអ៊ីស្រាអែល-ហាម៉ាស ដែលអូសបន្លាយពេលយូរ ។
យោងតាមក្រសួងកសិកម្ម រុក្ខាប្រមាញ់ និងនេសាទ ឆ្នាំ២០២៣ កម្ពុជារកចំណូលបាន ៩១៩ លានដុល្លារពីការនាំចេញកៅស៊ូ និងផលិតផលធ្វើពីកៅស៊ូ កើនឡើង ៦៩,៦ ភាគរយបើធៀបនឹងឆ្នាំ២០២២។ កម្ពុជាក៏មានរោងចក្រកែច្នៃកៅស៊ូ និងមជ្ឈមណ្ឌលសិប្បកម្មចំនួន ១៦៨ ក្នុងខេត្តចំនួន ១១។
គិតត្រឹមឆ្នាំ២០២៣ កម្ពុជាមានផ្ទៃដីដាំកៅស៊ូ សរុបជាង ៤០ម៉ឺនហិកតា ក្នុងនោះផ្ទៃដីចម្ការកៅស៊ូ កសិ-ឧស្សាហកម្ម មានជាង ៤៦ ០០០ហិកតា ផ្ទៃដីចម្ការកៅស៊ូសម្បទានដីសេដ្ឋកិច្ចចំនួនជាង ១៨០ ០០០ហិកតា និងផ្ទៃដីចម្ការកៅស៊ូគ្រួសារ មានជាង១៨០ ០០០ហិកតា។
យោងតាមទិន្នន័យរបស់សមាគមប្រទេសផលិតកៅស៊ូធម្មជាតិ ANRPC កំពង់ធំ គឺជាខេត្តដែលផលិតកៅស៊ូនាំមុខគេក្នុងប្រទេសកម្ពុជា ដែលមានផ្ទៃដីដាំដំណាំសរុបចំនួន ១៥,៤ បន្ទាប់មកខេត្តមណ្ឌលគិរី (៨,៤ ភាគរយ) និងស្ទឹងត្រែង (៤,២ ភាគរយ) ។
Account
Security
Favourite Content