សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នៅក្នុងអំឡុងខែវិច្ឆិកា ឆ្នាំ២០២៥ កន្លងទៅនេះ ទេសចរចិន បានឈរនៅចំណាត់ថ្នាក់លេខរៀងទី១ ដែលមកកម្សាន្តនៅកម្ពុជា និងតាមពីក្រោយដោយទេសចរវៀតណាម បន្ទាប់មកទេសចរអាម៉េរិក ឈរនៅលេងរៀងទី៣ ខណៈដែលរយៈពេល១១ខែ ឆ្នាំ២០២៥ ទេសចរចិនបានឈរលំដាប់លេខ២ បន្ទាប់ពីវៀតណាម ហើយទេសចរសហរដ្ឋអាម៉េរិកស្ថិតនៅលេងរៀងទី៣។
យោងតាមស្ថិតិរបស់ក្រសួងទេសចរណ៍ កាលពីខែវិច្ឆិកា ឆ្នាំ២០២៥ ទេសចរចិន បានមកទស្សនាកម្ពុជា មានចំនួន ១០ ៤៦៦៨ នាក់, ទេសចរវៀតណាម មានចំនួន ១០២ ៥២៥ នាក់, ខណៈ សហរដ្ឋអាម៉េរិក ចំនួន២៣ ០៥៨ នាក់, បារាំង១៥៣៩៦, អង់គ្លេស ១៣៧៥២ នាក់ ,ឥណ្ឌូនេស៊ី១២៦៧៥ នាក់, អូស្ត្រាលី១០៩៩៤ នាក់, អាល្លឺម៉ង់៩៨៥២នាក់ និងជប៉ុន ៩២២៩ នាក់។ សូមជម្រាបថា កាលពីខែវិច្ឆិកា ឆ្នាំ២០២៤ ទេសចរចិនចំនួនត្រឹម ៧៨ ០៣៩នាក់, វៀតណាម មានចំនួន១១៦ ៥៣៦នាក់ ហើយអាម៉េរិក ចំនួន២៣ ៨៦៤។ ដោយឡែក សម្រាប់តែទេសចរថៃ នៅក្នុងវិច្ឆិកា ឆ្នាំ២០២៥នេះដែរ មានចំនួន ១៧ ១៧២នាក់ ធ្លាក់ចុះខ្លាំងបើធៀបនឹងរយៈពេលដូចគ្នាឆ្នាំ២០២៤ដែល មានចំនួន១៨៨ ៤៨៧ នាក់
នៅក្នុងវេទិកាទេសចរណ៍កម្ពុជា-ចិន ឆ្នាំ២០២៥ ក្រោមប្រធានបទ«ឆ្នាំទេសចរណ៍កម្ពុជា-ចិន»នាពេលកន្លងទៅថ្មីៗនេះ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានបញ្ជាក់ថា វិស័យទេសចរណ៍នៅតែបន្តដើរតូនាទីជាចន្ទល់ដ៏សំខាន់មួយជួយទ្រទ្រង់កំណើនសេដ្ឋកិច្ច ដែលរួមចំណែកធ្វើឱ្យប្រទេសកម្ពុជាក្លាយជាប្រទេសមានចំណូលខ្ពស់នៅឆ្នាំ២០៥០។ ក្នុងន័យនេះ អនាគតនៃវិស័យទេសចរណ៍កម្ពុជា គឺមិនអាចកាត់ផ្តាច់ពីការស្រូបទាញកំណើនលំហូរទេសចរ និងវិនិយោគិនចិនបានឡើយ។
ជាក់ស្ដែង នៅក្នុងរយៈពេល ១១ ខែ ២០២៥នេះ កម្ពុជាទទួលភ្ញៀវទេសចរអន្តរជាតិចំនួន ៥ ១៧២ ៨៤១ នាក់។ ដូច្នេះ វិស័យទេសចរណ៍នៅតែបន្តដើរតួនាទីជាចន្ទល់ដ៏សំខាន់មួយ ជួយទ្រទ្រង់កំណើនសេដ្ឋកិច្ចជាតិ ពិសេសលំហូរភ្ញៀវទេសចរ និងវិនិយោគិនពីចិន ជួយឱ្យសេដ្ឋកិច្ចកម្ពុជាកាន់តែមានភាពរីកចម្រើន។ ជាក់ស្ដែង នៅឆ្នាំ២០២១៩ (មុនវិបត្តិជំងឺកូវីដ-១៩) កម្ពុជាធ្លាប់ទទួលបានភ្ញៀវទេសចរចិនប្រមាណ ២,៣លាននាក់ ដែលស្មើប្រមាណ ១ ភាគ ៣ នៃភ្ញៀវទេសចរអន្តរជាតិសរុបដែលមកកម្សាន្តនៅកម្ពុជា។
ជាមួយគ្នានេះ ឯកឧត្តមរដ្ឋមន្រ្តីក្រសួងទេសចរណ៍ក៏បានស្នើគ្រប់ភាគីទាំងអស់ត្រូវបន្តជួយផ្សព្វផ្សាយសក្តានុពលទេសចរណ៍កម្ពុជា កាលានុវត្តភាពវិនិយោគ ជាពិសេស ប្រទេសកម្ពុជា គឺជាគោលដៅទេសចរណ៍អន្តរជាតិប្រកបដោយសុខសុវត្ថិភាព មិត្តភាព បដិសណ្ឋារកិច្ចកក់ក្តៅ និងមានភាពទាក់ទាញ៕
Account
Security
Favourite Content