សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សហព័ន្ធស្រូវអង្ករកម្ពុជាបានបញ្ជាក់ថា ក្នុងរយៈពេល៨ខែ នៃឆ្នាំ២០២៥ កម្ពុជាបាននាំចេញអង្ករចំនួន ៤៧២ ៨០៣តោន គិតជាទឹកប្រាក់ ៣៤៨លានដុល្លារអាមេរិក ខណៈដែលការនាំចេញស្រូវសម្រេចបានចំនួន ៤ ៨៤៨ ៨៣៥ តោន (ស្រូវសើម) គិតជាទឹកប្រាក់បានប្រមាណ ១១១៤.២៥ លានដុល្លារសហរដ្ឋអាម៉េរិក។
ចំពោះអង្ករជិត៥០ម៉ឺនតោននេះ ត្រូវបាននាំចេញតាមរយៈក្រុមហ៊ុននាំចេញអង្ករចំនួន ៥១ក្រុមហ៊ុន ទៅកាន់គោលដៅចំនួន ៦៦ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ២២ ៦៩១ តោន គិតជាទឹកប្រាក់ចំនួន ១៧៦.៣៣ លានដុល្លារសហរដ្ឋអាមេរិក។
ដោយឡែក ការនាំទៅកាន់ប្រទេសចិន និងហុងកុង ចំនួន ១១៦ ៣២០ តោន គិតជាទឹកប្រាក់ចំនួន ៦៨.៨៦ លានដុល្លារសហរដ្ឋអាមេរិក និងទៅកាន់ប្រទេសក្នុងអាស៊ាន ចំនួន៧ប្រទេសបានបរិមាណចំនួន៦២ ១៥៨ តោន គិតជាទឹកប្រាក់ចំនួន ៤៣.៥០ លានដុល្លារសហរដ្ឋអាម៉េរិក ។
ជាមួយគ្នានេះ កម្ពុជាក៏បាននាំចេញអង្ករទៅកាន់គោលដៅ ៣២ ប្រទេសផ្សេងទៀត រួមមាន អាហ្វ្រិក មជ្ឈឹម បូព៌ា អាមេរិក កាណាដា អូស្ត្រាលី ញ៉ូហ្សេឡេន ។ល។ បានចំនួន ៦៧ ៤១១ តោន គិតជាទឹកប្រាក់ចំនួន ៥៩.៤៨ លានដុល្លារសហរដ្ឋអាម៉េរិក។
សហព័ន្ធស្រូវអង្ករកម្ពុជាបានបញ្ជាក់ថា ចំពោះប្រភេទអង្ករដែលបាននាំចេញមាន អង្ករក្រអូបចំនួន ៨៧% ប្រភេទអង្ករសគ្រាប់វែង ៩.៧២% អង្ករចំហ៊ុយ ១% អង្ករសរីរាង្គចំនួន ១.៨៣% និងអង្ករផ្សេងៗចំនួន ០.៤៥% ។
សូមរំលឹកដែរថា កាលពីថ្មីៗនេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានសម្ពោធយុទ្ធសាស្រ្តពង្រីក និងការធ្វើពិពិធកម្មទីផ្សារនាំចេញអង្ករកម្ពុជា ២០២៥-២០៣០ ហើយការដាក់ចេញនូវយុទ្ធសាស្ត្រពង្រីក និងពិពិធកម្មទីផ្សារនាំចេញនេះ នឹងជួយសម្រួលដល់កិច្ចខិតខំប្រឹងប្រែងជំរុញថ្លៃស្រូវរបស់ប្រជាកសិករ តាមរយៈការសម្របសម្រួល ការប្រមូលទិញនៅទីវាល និងដឹកជញ្ជូន ។
ឯកឧត្តម ឌិត ទីណា បានមានប្រសាសន៍ថា កម្ពុជាផ្ដោតអាទិភាពលើលក្ខណៈពិសេសនៃពូជស្រូវក្រអូប និងប្រណិត ដើម្បីប្រជែងគុណភាពលើទីផ្សារគោលដៅជាជាងការប្រកួតប្រជែងលើបរិមាណ ដែលនឹងជួយបង្កើនតម្លៃ ហើយផ្ដល់ផលចំណេញជូនទាំងរោងម៉ាស៊ីននាំចេញ ចំណេញទាំងប្រជាកសិករផ្ទាល់ និងលើកទឹកចិត្តឱ្យរោងម៉ាស៊ីនជឿជាក់ និងផ្ដល់តម្លៃខ្ពស់ដល់ពូជយុទ្ធសាស្ត្ររបស់កម្ពុជា ដើម្បីជួយជំរុញម៉ាកយីហោអង្ករកម្ពុជាទៅប្រកួតប្រជែងនៅលើទីផ្សារអន្តរជាតិ។
ដោយឡែក ក្នុងនាមជាប្រធានសហព័ន្ធស្រូវអង្ករកម្ពុជាថ្មី នៅក្នុងអាណត្តិទី៥ ឆ្នាំ២០២៥-២០២៨ ឧកញ៉ា ឡាយ ឈុនហួរ បានបេ្ដជ្ញាជួយប្រជាកសិករ នឹងកាត់បន្ថយថ្លៃផលិតកម្ម តាមរយៈការពង្រឹង និងពង្រីកខ្សែកច្រវាក់ផ្គត់ផ្គង់ ទីផ្សារនាំចេញ ការកាត់បន្ថយថ្លៃដើមផលិតនៅក្នុងវិស័យកសិកម្ម។ ក្នុងនោះដែរ លោកឧកញ៉ា ក៏បានដាក់ចេញនូវគោលដៅ ដោយជំរុញការនាំចេញអង្ករកម្ពុជាទៅកាន់ទៅផ្សារ ធ្វើយ៉ាងណាឱ្យបាន១ លានតោន សម្រាប់អាណត្តថ្មីរបស់លោក៕
Account
Security
Favourite Content