សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ អគ្គនាយកដ្ឋានគយ និងរដ្ឋាករ បានឱ្យដឹងថា ក្នុងរយៈពេល ៧ ខែនៃឆ្នាំ ២០២៤ កម្ពុជាបាននាំចេញទំនិញមានតម្លៃ ១៤,៧៦ ពាន់លានដុល្លារទៅកាន់ទីផ្សារបរទេស ។ តួលេខនេះមានការកើនឡើងជាង១៤ ភាគរយ បើធៀបនឹងរយៈពេលដូចគ្នាកាលពីឆ្នាំមុន នៅពេលដែលការនាំចេញសរុបមានចំនួន ១២,៩ ពាន់លានដុល្លារ។
របាយការណ៍បានឱ្យដឹងទៀតថា ដោយបន្តជាមួយនឹងកំណើនដ៏រឹងមាំរបស់ខ្លួន កម្ពុជាបាននាំចេញទំនិញមានតម្លៃ ១៤,៧៦ ពាន់លានដុល្លារទៅកាន់ទីផ្សារបរទេសក្នុងរយៈពេល ៧ ខែដំបូងនៃឆ្នាំ ២០២៤ ហើយកម្ពុជាក៏បាននាំចូលទំនិញក្នុងតម្លៃ១៦,៤២ ពាន់លានដុល្លារ កើនឡើង១៥,៩ ភាគរយពី១៥,១៩ ពាន់លានដុល្លារ នៅក្នុងរយៈពេល ៧ខែ ដែលបានកត់ត្រាក្នុងរយៈពេលដូចគ្នាកាលពីឆ្នាំមុន។ កំណើននេះបានធ្វើឱ្យទំហំពាណិជ្ជកម្មអន្តរជាតិរបស់កម្ពុជាមានរហូតដល់ទៅ៣១,១៨ ពាន់លានដុល្លារ កើនឡើង១៥ ភាគរយធៀបនឹងឆ្នាំមុន។
នៅក្នុងរបាយការណ៍បានបន្ថែមថា សហរដ្ឋអាមេរិកនៅតែជាទីផ្សារដ៏ធំបំផុតសម្រាប់ផលិតផលរបស់កម្ពុជាជាមួយនឹងការនាំចេញសរុបចំនួន ៥,៥១ ពាន់លានដុល្លារ កើនឡើង៦៤ ភាគរយធៀបនឹងឆ្នាំមុន។ វៀតណាម និងចិនជាប់ចំណាត់ថ្នាក់លេខ២ និងលេខ៣ ជាមួយនឹងការនាំចេញសរុបចំនួន ២,២ ពាន់លានដុល្លារ កើនឡើង ៣៧,៧ភាគរយ និង ០,៩៧ ពាន់លាន កើនឡើង ១៩,៧ ភាគរយរៀងគ្នា។
គួរបញ្ជាក់ថា ឧស្សាហកម្មកាត់ដេរ ស្បែកជើង និងទំនិញធ្វើដំណើរ គឺជាប្រភពចំណូលពរូបិយប័ណ្ណបរទេសធំបំផុតសម្រាប់ប្រទេសកម្ពុជា។ វិស័យនេះមានរោងចក្រប្រហែល ១៣០០ ដែលមានកម្មករប្រមាណ ៨៥០.០០០ នាក់ ដែលភាគច្រើនជាស្ត្រី។
ផលិតផលនាំចេញសំខាន់ៗរបស់កម្ពុជារួមមានដូចជា សម្លៀកបំពាក់ គ្រឿងចក្រ ឧបករណ៍អគ្គិសនី ផលិតផលស្បែកជើង ស្បែក គ្រាប់ធញ្ញជាតិ គ្រឿងសង្ហារឹម កៅស៊ូ ផ្លែឈើ បន្លែ គុជ ប្រដាប់ក្មេងលេង និងវាយនភណ្ឌ ខណៈការនាំចូលសំខាន់ៗរបស់កម្ពុជា រួមមាន ថ្នាំ និងថ្នាំបំប៉ន គ្រឿងប្រើប្រាស់ អាហារ និងភេសជ្ជៈជាដើម៕
ក្រសួងពាណិជ្ជកម្មបានចាត់ទុកការកើនឡើងនៃការនាំចេញដោយសារកត្តារួមផ្សំ រួមទាំងការកើនឡើងតម្រូវការសកល និងគំនិតផ្តួចផ្តើមសម្របសម្រួលពាណិជ្ជកម្មរបស់រដ្ឋាភិបាល ដោយសង្កត់ធ្ងន់លើតួនាទីនៃកិច្ចព្រមព្រៀងពាណិជ្ជកម្មសេរី ជាមួយប្រទេសចិន កូរ៉េ និងកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ (RCEP) ដែឡបើកឱកាសទីផ្សារថ្មីសម្រាប់ផលិតផលកម្ពុជា។
ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យរបស់ក្រសួងពាណិជ្ជកម្មបានឱ្យដឹងថា របាំងពាណិជ្ជកម្មត្រូវបានកាត់បន្ថយពន្ធគយ ដែលធ្វើឱ្យទំនិញកម្ពុជាកាន់តែប្រកួតប្រជែងនៅក្នុងទីផ្សារពិភពលោកតាមរយៈការអនុវត្តកិច្ចព្រមព្រៀងពាណិជ្ជកម្មសេរី។
យោងតាមរបាយការណ៍របស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា វិស័យផលិតកម្មរបស់កម្ពុជាកំពុងមានការរីកចម្រើនយ៉ាងរឹងមាំ ជាមួយនឹងចំនួនរោងចក្រកើនឡើងដល់ ២១៧៥ គិតត្រឹមខែមិថុនា ឆ្នាំ២០២៤ នេះ។
វិស័យឧស្សាហកម្ម រួមទាំងវិស័យកាត់ដេរ និងផលិតកម្មមិនមែនកាត់ដេរ គឺជាកត្តាជំរុញដ៏សំខាន់មួយក្នុងការអភិវឌ្ឍន៍សេដ្ឋកិច្ចរបស់ប្រទេស ជំរុញការនាំចេញ ទាក់ទាញគម្រោងវិនិយោគថ្មីៗ។ វិស័យផលិតកម្មបានជះឥទ្ធិពលយ៉ាងខ្លាំងដល់ទីផ្សារការងារកម្ពុជា ដែលជាកត្តាជំរុញដ៏សំខាន់នៃកំណើនសេដ្ឋកិច្ច និងការកាត់បន្ថយភាពក្រីក្រនៅក្នុងប្រទេស៕
Account
Security
Favourite Content