សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមទិន្នន័យពីសមាគមពាណិជ្ជកម្មអន្តរជាតិកូរ៉េ (Kita) បានបង្ហាញថា ក្នុងរយៈពេល ២ខែ ដើមឆ្នាំ២០២២ ការផ្លាស់ប្តូរទំនិញទ្វេភាគីរវាងកម្ពុជា-កូរ៉េ មានទឹកប្រាក់ជាង ១៩៥លានដុល្លារ កើនឡើងជាង ២២ភាគរយ បើធៀបនឹងរយៈពេលដូចគ្នាឆ្នាំ២០២១ ខណៈការនាំចូលពីកូរ៉េបានហក់ឡើងរហូតដល់ជិត ៤០ភាគរយ។
តាមទិន្នន័យបានបង្ហាញថាការនាំចេញ-នាំចូលទំនិញរវាងកម្ពុជា-កូរ៉េ ចាប់ពីខែមករា ដល់ខែកុម្ភៈ ឆ្នាំ២០២២ មានទឹកប្រាក់សរុប ១៩៥,១២លានដុល្លារ កើនឡើងពីចំនួន ១៥៨,៩៤ លានដុល្លារ ក្នុងរយៈពេលដូចគ្នាធៀបនឹងឆ្នាំ២០២១ ឬស្មើនឹងកំណើន ២២,៧៦ ភាគរយ ខណៈការនាំទំនិញពីកូរ៉េមកកម្ពុជាមានទឹកប្រាក់ ១៣០,៥៧លានដុល្លារ កើនឡើង ៣៩,១ ភាគរយពីចំនួន ៩៣,៩០លានដុល្លារ និងការនាំទំនិញពីកម្ពុជាទៅទីផ្សារកូរ៉េ មានតម្លៃ ៦៤,៥៥លានដុល្លារ ធ្លាក់ចុះ -០,៨ ភាគរយ ពីតម្លៃ ៦៥,០៥លានដុល្លារ។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា ធ្លាប់បានថ្លែងក្នុងពិធីសម្ពោធកំណាត់ផ្លូវជាតិលេខ២១ នៅខេត្តកណ្តាលថា ការនាំចេញសរុបរបស់កម្ពុជាក្នុងរយៈពេល ២ខែដើមឆ្នាំ២០២២ មានការកើនឡើងគួរឱ្យកត់សម្គាល់នេះដែរ ។ ជាមួយគ្នានេះ សម្តេចតេជោ ហ៊ុន សែន ក៏បានលើកទឹកចិត្តដល់ភាគីពាក់ព័ន្ធទាំងអស់ ជំរុញពាណិជ្ជកម្ម និងសកម្មភាពសេដ្ឋកិច្ចផ្សេងទៀត ពិសេសគឺជំរុញពាណិជ្ជកម្ម កម្ពុជា-កូរ៉េ ដើម្បីជំរុញកំណើនសេដ្ឋកិច្ច បន្ទាប់ពីប្រទេសបើកដំណើរការឡើងវិញលើគ្រប់វិស័យ និងបានបង្ហាញនូវជំនឿថាយើងអាចជំរុញពាណិជ្ជកម្មសេរីជាមួយសាធារណរដ្ឋកូរ៉េ កម្ពុជាឱ្យស្របគ្នានៃកិច្ចព្រមព្រៀងជាមួយដៃគូសេដ្ឋកិច្ចលើគ្រប់វិស័យនៃ RCEP ផងដែរ។ បើតាមក្រសួងពាណិជ្ជកម្ម ក្រោមកិច្ចព្រមព្រៀង CKFTA និងកិច្ចព្រមព្រៀង RCEP កម្ពុជានឹងលើកលែងពន្ធប្រមាណ ៩៣,៨ភាគរយនៃផលិតផលនាំចូលពីកូរ៉េខាងត្បូង ហើយកូរ៉េខាងត្បូងនឹងលើកលែងពន្ធប្រមាណ ៩៥,៦ភាគរយលើផលិផលរបស់កម្ពុជា។ សូមបញ្ជាក់ថា ក្នុងឆ្នាំ២០២១ ការផ្លាស់ប្តូរពាណិជ្ជកម្មរវាងកម្ពុជា-កូរ៉េ មានទឹកប្រាក់សរុប ៩៥៦,១៣ លានដុល្លារ កើនឡើង៨ភាគរយ បើធៀបនឹងឆ្នាំ២០២០ ដែលមាន ៨៨៥,៣២លានដុល្លារ ។ ប្រទេសកូរ៉េ បានក្លាយជាប្រទេសទី២ បន្ទាប់ពីប្រទេសចិន ដែលបានបញ្ចប់ការចរចាកិច្ចព្រមព្រៀងពាណិជ្ជកម្មសេរីជាមួយកម្ពុជា៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content