សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីបរទេសបានលើកឡើងថា អង្ករ ដែលជាអាហារសរីរាង្គសំខាន់បំផុតសម្រាប់ជីវិតមនុស្សទូទៅទាំងនៅក្នុងតំបន់អាស៊ី ក៏ដូចជាសកលលោក ប៉ុន្តែកសិករធ្វើស្រែជាច្រើននាក់កំពុងរស់នៅក្នុងជីវភាពលំបាក។ លើសពីនេះ កសិករមួយចំនួនក៏កំពុងប្រឈមនឹងបញ្ហាបង្កបង្កើនផលផងដែរពាក់ព័ន្ធទៅនឹងដីខ្វះជីជាតិ សំណឹកដី និងបម្រែបម្រួលសីតុណ្ហភាព។
ដោយហេតុផលខាងលើនេះ Siam Organic បានធ្វើការជាមួយកសិករមកពីភូមិភាគឦសាននៃប្រទេសថៃ ដើម្បីកាត់បន្ថយថ្លៃដើមនៃការធ្វើកសិកម្ម បង្កើនទិន្នផល និងធានាតម្លៃទិញ ហើយជំរុញឱ្យការធ្វើស្រែរបស់កសិករក្លាយជាមុខរបរប្រកបដោយនិរន្តរភាព។ គោលបំណងរបស់ Siam Organic គឺកាត់បន្ថយភាពក្រីក្រក្នុងចំណោមកសិករនៅក្នុងប្រទេសថៃ ដោយនាំយកផលិតផលដែលឆ្ងាញ់ មានគុណភាព ជួយឱ្យសុខភាពអ្នកទទួលបានល្អ និងច្នៃប្រឌិតទៅកាន់អ្នកប្រើប្រាស់ទូទាំងពិភពលោក។
Siam Organic ត្រូវបានបង្កើតឡើងនៅឆ្នាំ២០១១ ដោយជនជាតិថៃពីរនាក់គឺ Peetachai Dejkraisak និង Pornthida Wongphatharakul ដោយសារពួកគេព្រួយបារម្ភពីកំណើនៃភាពក្រីក្ររបស់កសិករថៃ ១៧ លាននាក់ និងគំនិតផ្តួចផ្តើមនៃការលើកកម្ពស់ការធ្វើស្រែចំការរបស់រដ្ឋាភិបាលដែលគ្មានប្រសិទ្ធភាព។ ពួកគេបានចាប់ផ្តើសិក្សាពីបញ្ហាកាន់តែស៊ីជម្រៅ និងអនុវត្តគំរូអាជីវកម្មបរិយាបន្នប្រកបដោយនិរន្តរភាព។ គំរូអាជីវកម្មបរិយាបន្នរបស់ពួកគេរួមមាន ការផ្តល់គ្រាប់ពូជស្រូវសរីរាង្គសុទ្ធ, ជីសរីរាង្គ និងប្រភពសម្រាប់ការធ្វើកសិកម្ម, ការបណ្តុះបណ្តាលកសិករលើការធ្វើកសិកម្មសរីរាង្គ, ការផ្លាស់ប្តូរការអនុវត្តល្អបំផុតក្នុងចំណោមកសិករ, និងការផ្តល់ទីផ្សារដល់កសិករដោយធានាទិញទិន្នផលទាំងអស់។
Siam Organic បានចាប់ផ្តើមគម្រោងដោយជ្រើសរើសកសិករធ្វើស្រែនៅក្នុងសហគមន៍។ កសិករក្នុងប្រទេសថៃជាច្រើនត្រូវបានរៀបចំជាសហករណ៍ដែលមានគ្នាពី ១០០ ទៅ ២០០ នាក់។ Siam Organic បានបញ្ចុះបញ្ចូលកសិករឱ្យចែករំលែកការអនុវត្តល្អបំផុត និងធ្វើការជាមួយពួកគេដើម្បីកែលម្អបច្ចេកទេសកសិកម្ម។ ជាដំណោះស្រាយ ក្រុមហ៊ុននេះបានកំណត់អត្តសញ្ញាណប្រភេទជីថ្មីតាមរយៈការស្រាវជ្រាវរបស់ខ្លួនដែលផ្តល់លទ្ធផលប្រសើរជាងមុន និងបានសាកល្បងវានៅក្នុងសហករណ៍ដែលចូលរួមទាំងអស់។ កាលចាប់ផ្តើមដំបូង Siam Organic ទទួលកសិករចំនួន ២៥ គ្រួសារ ដែលបានចូលរួមក្នុងគម្រោងរបស់ពួកគេ។ សព្វថ្ងៃនេះ ពួកគេធ្វើការជាមួយគ្រួសារកសិករជាង ២០ ០០០ គ្រួសារ។
មិនត្រឹមតែប៉ុណ្ណោះ Siam Organic បានរកឃើញដំណោះស្រាយសម្រាប់ដំណាំរបស់ពួកគេមួយ គឺអង្ករពណ៌ស្វាយងងឹត ឬ Jasberry ដែលបង្កើតឡើងដោយអ្នកវិទ្យាសាស្ត្រក្នុងប្រទេសថៃ។ Jasberry គឺជាអង្ករសរីរាង្គប្រភេទថ្មីដែលមានទិន្នផលខ្ពស់ និងគុណភាពជាប់លាប់។ វាជាគ្រាប់ធញ្ញជាតិ ១០០ ភាគរយផ្ទុកទៅដោយវីតាមីន E កម្រិតខ្ពស់ និង beta-carotene (សារធាតុប្រឆាំងអុកស៊ីតកម្ម)។ ក្រៅពីទទួលបានប្រាក់ចំណូលខ្ពស់ពីផលិតផលរបស់ពួកគេ កសិករក៏ទទួលបានអត្ថប្រយោជន៍ពីផលិតកម្មមានតម្លៃទាប និងការបង្កើនទិន្នផល។ លើសពីនេះ កសិករត្រូវបានបណ្តុះបណ្តាលឱ្យដាំដុះអង្ករសរីរាង្គកែច្នៃ Jasberry ដែលមានការបញ្ជាក់ក្រោមស្តង់ដារអន្តរជាតិ ដោយធានាថាផលិតផលរបស់ពួកគេមានសុវត្ថិភាព និងគុណភាពល្អបំផុត។ ប្រាក់ចំណូលរបស់កសិករដែលធ្វើការជាមួយ Siam Organic បានកើនឡើងពី ០,៤០ ទៅ ៦ ដុល្លារក្នុងមួយថ្ងៃ ជាមួយនឹងទិន្នផលកើនឡើងដល់ ៦០ ភាគរយក្នុងមួយឆ្នាំ។ ក្រៅពីការកើនឡើងនៃប្រាក់ចំណូល ស្ថានភាពសុខភាពរបស់គ្រួសារកសិករក៏បានប្រសើរឡើផងដែរ ដោយសារពួកគេហូបអង្ករសរីរាង្គកែច្នៃ Jasberry ។
ជាលទ្ធផល កសិករជាច្រើនដែលពួកគេបានធ្វើការជាមួយ Siam Organic បានសងបំណុលរបស់ពួកគេ ហើយគ្រួសាររបស់ពួកគេមានមុខរបរសមរម្យ និងនិរន្តរភាពសម្រាប់អនាគត។ ទន្ទឹមនឹងនេះ Siam Organic កំពុងព្យាយាមបង្កើតចលនាអាជីវកម្មសង្គម ដោយពួកគេចង់បង្ហាញថាអាជីវកម្មប្រភេទនេះអាចដំណើរការបាន និងផ្តល់ក្តីសង្ឃឹមដល់សហគ្រិនវ័យក្មេងដែលមានចំណង់ចំណូលចិត្តក្នុងការធ្វើឱ្យមានការផ្លាស់ប្តូរនៅក្នុងសង្គម៕
Account
Security
Favourite Content