សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បញ្ហាវិបត្តិធនធានមនុស្សគួរព្រួយបារម្ភរបស់ជប៉ុនក្នុងនាមជាមហាអំណាចសេដ្ឋកិច្ចមួយក្នុងតំបន់ និងពិភពលោកផងដែរនោះ បានបង្ខំឲ្យពលរដ្ឋមួយចំនួនដែលត្រូវដល់វ័យចូលនិវត្តអាចនឹងត្រឡប់មកធ្វើការងារពឬបន្តធ្វើការងាររហូតដល់អាយុ៦៥ឆ្នាំ។
ពលរដ្ឋជប៉ុនវ័យចំណាស់កាន់តែច្រើន ប៉ុន្តែពលរដ្ឋវ័យក្មេងមានចំនួនកើនឡើងយឺតយ៉ាវគឺជាវិបត្តិដ៏ធ្ងន់ធ្ងរបំផុតមួយសម្រាប់សកម្មភាពអាជីវកម្មនៅទូទាំងប្រទេស ហើយបន្តជះឥទ្ធិពលអាក្រក់ដល់សេដ្ឋកិច្ចរបស់ជប៉ុនយ៉ាងខ្លាំង។ ដូច្នេះ ទាំងរដ្ឋាភិបាលជប៉ុន និងវិស័យឯកជន បានខិតខំរកវិធីសាស្ត្រក្នុងការទប់ស្កាត់បញ្ហាកុំឲ្យស្ថានភាពនេះកាន់តែអាក្រក់ ហើយបើទោះបីជាមានកម្មវិធីលើកទឹកចិត្តជាច្រើនក្តី ប៉ុន្តែលទ្ធផលហាក់ដូចជាមិនទាន់ល្អប្រសើរភ្លាមៗដូចការចង់បាននោះទេ។
វិបត្តិធនធានមនុស្សបានបង្ខំឲ្យក្រុមហ៊ុនជាច្រើននាំគ្នាប្រកាសជួលពលរដ្ឋវ័យចំណាស់ទោះមានវ័យច្រើនជាង៧០ឆ្នាំក្តីក៏អាចវិលត្រឡប់មកចូលរួមធ្វើការងារវិញបាន។ ជាក់ស្តែងកាលពីឆ្នាំកន្លងទៅនេះ គិតជាមធ្យមមានក្រុមហ៊ុនចំនួន៤ក្នុងចំណោមក្រុមហ៊ុន១០នៅទូទាំងប្រទេសបានអនុវត្តវិធីសាស្ត្រនេះ ។ នេះបើយោងតាមតួលេខដែលត្រូវបានបង្ហាញដោយក្រសួងកិច្ចការងារ និងសុខាមាលភាពរបស់ជប៉ុន។
ក្រៅតែពីកត្តានៃការកើនឡើងនៃពលរដ្ឋវ័យចំណាស់ ហើយពលរដ្ឋវ័យក្មេងមានចំនួនតិចហើយនោះ ជប៉ុនក៏កំពុងជួបបញ្ហាមួយចំនួនទៀតបន្ថែមពីលើសំពាធនេះ ដូចជាការធ្លាក់ចុះនៃអំណាចរូបិយវត្ថុគឺលុយយេន YEN ។ អត្រាធ្លាក់ចុះខ្លាំង និងអូសបន្លាយពេលជាយូរមកហើយនោះ បាន និងកំពុងធ្វើឲ្យធនធានការងារពីក្រៅប្រទេសមិនសូវចាប់អារម្មណ៍ការងារនៅជប៉ុន ហើយពលរដ្ឋវ័យក្មេងរបស់ជប៉ុនខ្លួនឯងបែរជានាំគ្នាទៅរកការងារធ្វើនៅក្រៅប្រទេសជំនួសវិញ។
យ៉ាងណាក្តី បញ្ហានេះគឺមិនមែនជារឿងថ្មីនោះទេដោយក្នុងនោះជប៉ុនបានព្យាយាមទប់ស្កាត់អស់រយៈពេលជាច្រើនទសវត្សរ៍មកហើយ ជាក់ស្តែងកាលពីឆ្នាំ២០១៣ រដ្ឋាភិបាលជប៉ុនបានអនុញ្ញាតឲ្យពលរដ្ឋដែលត្រូវដល់វ័យចូលនិវត្សរ៍៦០ឆ្នាំមានសិទ្ធិក្នុងការបន្តធ្វើការងារដល់៦៥ឆ្នាំក៏បានប្រសិនបើពួកគេមានបំណងធ្វើការបន្ត។
គួរបញ្ជាក់ថា បច្ចុប្បន្ននេះ ចំនួនប្រជាជនជប៉ុនមានប្រមាណជាង ១២៥លាននាក់ ប៉ុន្តែស្ថិតនៅក្នុងអត្រាធ្លាក់ចុះជាបន្តបន្ទាប់អស់រយៈពេលេ១៦ឆ្នាំមកហើយ។ អ្វីដែលគួរឲ្យព្រួយបារម្ភបំផុតនោះ តាមការព្យាករណ៍ប្រជាជនជប៉ុនអាចនឹងធ្លាក់ចុះមកត្រឹម៨៧លាននាក់ប៉ុណ្ណោះនៅត្រឹមឆ្នាំ២០៧០ ក៏ដោយសារតែចំនួនប្រជាជនដែលកាន់តែរួមតូច ហើយបែរជាកើនឡើងយ៉ាងខ្លាំងនៃពលរដ្ឋវ័យចំណាស់និងការថយចុះខ្លាំងដូចគ្នានៃអត្រាកំណើតថ្មី៕
Account
Security
Favourite Content