សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Markets Insider បានរាយការណ៍ថា នៅក្នុងឆ្នាំនេះ នឹងមានការធ្លាក់ចុះនៃទិន្នផលប្រេងរបស់រុស្ស៊ី ហើយការឡើងថ្លៃតម្លៃប្រេងឆៅជាសកល និងកំណើនតម្រូវការថាមពលរបស់ចិននឹងកើនឡើង ខណៈដែលទណ្ឌកម្មថ្មីរបស់ប្រទេសលោកខាងលិចប្រឆាំងនឹងទីក្រុងម៉ូស្គូកំពុងជាប់គាំង។
ទណ្ឌកម្មថ្មីរបស់សហភាពអឺរ៉ុបលើផលិតផលប្រេងរបស់រុស្ស៊ីនឹងចូលជាធរមាននៅថ្ងៃទី៥ ខែកុម្ភៈ ឆ្នាំ២០២៣ ដែលជាការឆ្លើយតបទៅនឹងការឈ្លានពានទៅលើអ៊ុយក្រែន ហើយវានឹងប៉ះពាល់ដល់ផលិតផលប្រេងចម្រាញ់ដូចជាប្រេងម៉ាស៊ូតជាដើម។ កាលពីឆ្នាំ២០២២ កន្លងទៅនេះ សហភាពអឺរ៉ុបបានហាមឃាត់ការនាំចូលប្រេងឆៅពីសមុទ្ររុស្ស៊ីដែលចាប់ផ្តើមតាំងពីថ្ងៃទី៥ ខែធ្នូ ឆ្នាំ២០២២ និងការកំណត់តម្លៃប្រេងពីក្រុម G7 ក្នុងតម្លៃ ៦០ ដុល្លារក្នុងមួយបារ៉ែល។ វិធានការទាំងពីរនេះមានគោលបំណងបង្អាក់ប្រាក់ចំណូលពីនាំចេញរបស់រុស្ស៊ី ប៉ុន្តែនៅតែរក្សាការនាំចេញប្រេងឆៅរបស់រុស្ស៊ីឱ្យហូរចូលក្នុងទីផ្សារពិភពលោកដដែល ដើម្បីការពារពីវិបត្តិខ្វះការផ្គត់ផ្គង់។
ជាការឆ្លើយតបរុស្ស៊ីបានលើកឡើងថា ខ្លួននឹងកាត់បន្ថយការផលិតរហូតដល់ ៧០០ ០០០ បារ៉ែលក្នុងមួយថ្ងៃ ដើម្បីជាការសងសឹកវិញចំពោះការកំណត់តម្លៃពី G7។ ស្របពេលនេះដែលរុស្ស៊ីកំពុងបង្កើនបរិមាណការនាំចេញប្រេងរបស់ខ្លួនទៅកាន់ឥណ្ឌា និងចិន បើទោះបីជាខ្លួនកំពុងមានភាពតានតឹងផ្នែកនយោបាយជាមួយអឺរ៉ុប ដែលជាទីផ្សារដ៏ធំបំផុតមួយរបស់ខ្លួនក៏ដោយ។ កាលពីខែធ្នូកន្លងទៅនេះ ទីក្រុងម៉ូស្គូបានបញ្ជូនប្រេងឆៅប្រហែល ៣ លានបារ៉ែលក្នុងមួយថ្ងៃទៅកាន់អាស៊ី ប៉ុន្តែការនាំចេញទៅកាន់ខាងអាស៊ីឥឡូវនេះមានភាពលំបាកជាងមុន ដោយសារការដាក់ទណ្ឌកម្មរបស់អឺរ៉ុបកាន់តែតឹងរ៉ឹងសម្រាប់ពាណិជ្ជកម្មក្នុងការស្វែងរកនាវាណា ដែលមានការធានារ៉ាប់រងគ្រប់គ្រាន់ក្នុងការដឹកជញ្ជូនប្រេងឆៅពីរុស្ស៊ី។
អ្នកវិភាគនៅ UBS Global Wealth Management លោក Giovanni Staunovo បាននិយាយថា ៖ ការហាមឃាត់របស់អឺរ៉ុបលើផលិតផលប្រេងឆៅរបស់រុស្ស៊ី នឹងនាំឱ្យផលិតកម្មរុស្ស៊ីធ្លាក់ចុះយ៉ាងហោចណាស់ ១ លានបារ៉ែលក្នុងមួយថ្ងៃក្នុងឆ្នាំ ២០២៣ នេះ ហើយរុស្ស៊ីអាចនឹងមានការលំបាកក្នុងការស្វែងរកទីផ្សារជំនួសផងដែរ។
យោងតាមក្រុមហ៊ុនថាមពល Rystad Energy បានបង្ហាញថា ហានិភ័យពីការធ្លាក់ចុះនៃផលិតកម្មប្រេងឆៅរបស់រុស្ស៊ីគឺកាន់តែធ្ងន់ធ្ងរនៅពាក់កណ្តាលឆ្នាំ ២០២២ ខណៈពេលដែលការផ្គត់ផ្គង់ជាសកលមានភាពតឹងតែង។ នៅក្នុងឆ្នាំ២០២៣ នេះតម្លៃប្រេងឆៅទំនងជានឹងឡើងថ្លៃលើសពី ១០០ ដុល្លារក្នុងមួយបារ៉ែល ដោយសារតែការផ្គត់ផ្គង់សកលនឹងធ្លាក់ចុះ និងការកើនឡើងនៃតម្រូវការរបស់ចិន។
ចាប់តាំងពីពាក់កណ្តាលខែធ្នូ តម្លៃប្រេងបានឡើងថ្លៃវិញបន្ទាប់ពីការធ្លាក់ចុះជាច្រើនខែ ដោយសារការផ្គត់ផ្គង់រងសម្ពាធ បន្ទាប់ពីការដាក់ទណ្ឌកម្មរបស់សហភាពអឺរ៉ុបលើប្រេងឆៅរុស្ស៊ី និង ការកាត់បន្ថយផលិតកម្មពីរុស្ស៊ី។ ប្រេងឆៅម៉ាក Brent ដែលជាស្តង់ដារអន្តរជាតិបានឡើងថ្លៃជាង ១០ ភាគរយ ឬ ៨៣ ដុល្លារក្នុងមួយបារ៉ែល។
គួរឲ្យបញ្ជាក់ផងដែរថា ទណ្ឌកម្មថ្មីរបស់សហភាពអឺរ៉ុបនឹងមកដល់នៅថ្ងៃទី ៥ ខែកុម្ភៈ ដែលជាការអនុវត្តដល់ការហាមឃាត់ផលិតផលរបស់រុស្ស៊ី។ អឺរ៉ុបងាកទៅរកផលិតផលអាមេរិកដែលមានតម្លៃថ្លៃជាង ប៉ុន្តែវានឹងរឹតតែធ្វើឲ្យអតិផរណាកើនឡើង និង ប៉ះពាល់ដល់សេដ្ឋកិច្ចសកលតែប៉ុណ្ណោះ៕
Account
Security
Favourite Content