សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃប្រេងបានបន្តធ្លាក់ចុះនៅក្នុងសប្តាហ៍នេះប្រមាណ ២% បន្ទាប់ពីសហរដ្ឋអាម៉េរិកបានជំរុញឱ្យមានកិច្ចព្រមព្រៀងសន្តិភាពរុស្ស៊ី-អ៊ុយក្រែន ដែលបង្កើនក្តីសង្ឃឹមសម្រាប់ការផ្គត់ផ្គង់ប្រេងកាន់តែច្រើនទៅកាន់ទីផ្សារពិភពលោក នេះបើយោងតាមប្រភពពី Oil Price។
នៅថ្ងៃដើមសប្ដាហ៍នេះ តម្លៃប្រេងឆៅ Brent ធ្លាក់ចុះ ០,៩% ឬ ៦២,៧៥ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ធ្លាក់ចុះ ១% ឬ ៥៨,៣៩ ដុល្លារក្នុងមួយបារ៉ែល។ តម្លៃប្រេងឆៅទាំងពីរធ្លាក់ចុះជាង ២% ក្នុងអត្រាប្រចាំសប្តាហ៍ ដោយសារការព្រួយបារម្ភអំពីការផ្គត់ផ្គង់លើស ខណៈដែលទីក្រុងវ៉ាស៊ីនតោនបានជំរុញឱ្យមានផែនការសន្តិភាពរវាងអ៊ុយក្រែន និងរុស្ស៊ី បញ្ចប់សង្រ្គាមរយៈពេល៣ឆ្នាំ។
កាលពីថ្ងៃសុក្រសប្ដាហ៍កន្លងទៅនេះ ទណ្ឌកម្មថ្មីរបស់សហរដ្ឋអាម៉េរិកលើ Rosneft និង Lukoil បានចូលជាធរមាន ធ្វើឲ្យប្រធានាធិបតីអ៊ុយក្រែន Zelenskyy ពិចារណាលើសំណើសន្តិភាព។ ការដាក់ទណ្ឌកម្មថ្មីនេះបានកំណត់លើក្រុមហ៊ុនដែលជាបុត្រសម្ព័ន្ធសំខាន់ៗរបស់រុស្ស៊ីដើម្បីរឹតបន្តឹងប្រាក់ចំណូលពីការលក់ប្រេងរបស់រុស្ស៊ី ហើយការផ្គត់ផ្គង់ប្រេងទៅកាន់ទីផ្សារសកលនឹងមានភាពតានតឹងជាងមុន។ យ៉ាងណាមិញ ការដាក់ទណ្ឌកម្មបានធ្វើឲ្យប្រេងឆៅ Urals របស់រុស្ស៊ីធ្លាក់ថ្លៃដល់ទៅ ២៣ ដុល្លារក្នុងមួយបារ៉ែល។
ដោយឡែក នៅសហរដ្ឋអាម៉េរិកវិញ ស្តុកប្រេងឆៅបានថយចុះដល់ ៣,៤ លានបារ៉ែលកាលពីសប្តាហ៍មុន ដោយសារសកម្មភាពរោងចក្រចម្រាញ់ប្រេងកើនឡើងខ្លាំង ហើយតម្លៃនៅតែធ្លាក់ចុះដោយសារក្ដីព្រួយបារម្ភពីបញ្ហាភូមិសាស្ត្រនយោបាយ។ លើសពីនេះ សម្ពាធនៅក្នុងទីផ្សារថាមពលត្រូវបានជំរុញដោយម៉ាក្រូសេដ្ឋកិច្ច ពោលគឺការធ្លាក់ចុះនៃភាគហ៊ុនអាស៊ី និងការឡើងថ្លៃប្រាក់ដុល្លារអាម៉េរិក ព្រោះវាធ្វើឱ្យទំនិញមានតម្លៃថ្លៃជាងមុនសម្រាប់អ្នកកាន់រូបិយប័ណ្ណផ្សេងទៀត។ ទន្ទឹមនឹងនេះ ក្រុមបណ្តាប្រទេសនាំចេញប្រេង និងសម្ព័ន្នមិត្ត OPEC+ គ្រោងនឹងជំរុញផលិតកម្មបន្ថែមទៀតក្នុងខែធ្នូ មុនពេលបញ្ឈប់ការបង្កើនទិន្នផលនៅដើមឆ្នាំ២០២៦៕
Account
Security
Favourite Content