សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានធ្លាក់ចុះបន្តិចបន្ទាប់ពីរដ្ឋាភិបាលសហរដ្ឋអាម៉េរិកបានរាយការណ៍ពីតម្រូវការប្រេងឥន្ធនៈចុះខ្សោយនៅក្នុងប្រទេស និងការកើនឡើងដ៏គួរឱ្យភ្ញាក់ផ្អើលនៃប្រេងសាំង និងស្តុកប្រេងចម្រាញ់។
ទន្ទឹមនឹងនេះ តម្លៃប្រេងឆៅម៉ាក Brent ធ្លាក់ចុះ ២,១ ភាគរយ ឬ ៨១,៨៦ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ១,៧ ភាគរយ ឬ ៧៧,៩១ ដុល្លារក្នុងមួយបារ៉ែល។ ទិន្នន័យពីរដ្ឋបាលព័ត៌មានថាមពលរបស់សហរដ្ឋអាមេរិកបានបង្ហាញថា ស្តុកប្រេងឆៅរបស់សហរដ្ឋអាមេរិកបានធ្លាក់ចុះច្រើនជាងការរំពឹងទុកកាលពីសប្តាហ៍មុន ខណៈដែលក្រុមហ៊ុនចម្រាញ់ប្រេងបានកើនឡើងដល់អត្រាប្រើប្រាស់ខ្ពស់បំផុតក្នុងរយៈពេលជាង ៩ ខែចុងក្រោយ។ ទោះជាយ៉ាងណាក្តី ស្តុកប្រេងសាំង និងប្រេងចម្រាញ់មានការកើនឡើងគួរឱ្យភ្ញាក់ផ្អើល ខណៈដែលតម្រូវការធ្លាក់ចុះ។
លោក Alex Hodes អ្នកវិភាគប្រេងមកពី StoneX លើកឡើងថា តំបន់ប្រេងដែលនៅសល់បានបន្តរងផលប៉ះពាល់ជាអវិជ្ជមានដោយសារភាពទន់ខ្សោយក្នុងទីផ្សារប្រេងសាំង។ យ៉ាងណាមិញ តម្រូវការប្រេងសាំងបានធ្លាក់ចុះប្រហែល ២ ភាគរយកាលពីសប្តាហ៍មុន ឬ មកត្រឹម ៩,១៥ លានបារ៉ែលក្នុងមួយថ្ងៃ។ ទីផ្សារប្រេងសាំងរបស់សហរដ្ឋអាមេរិកបានធ្លាក់ចុះជាង ២ ភាគរយដល់កម្រិតទាបរយៈពេល ៣ ខែ។
ក្រុមអ្នកវិភាគមកពី ActivTrades បាននិយាយថា ការជំរុញតម្លៃប្រេងបន្ថែមទៀត និងការព្រួយបារម្ភពីហានិភ័យរបស់អ្នកវិនិយោគត្រូវបានកាត់បន្ថយ ដោយសារការព្យាករណ៍នៃការពន្យាពេលបន្ធូរបន្ថយរូបិយវត្ថុនៅសហរដ្ឋអាមេរិក និងអឺរ៉ុប។ ការភ័យខ្លាចនៅក្នុងការជួញដូរកំពុងគ្របដណ្តប់ទីផ្សារហិរញ្ញវត្ថុ ខណៈដែលអ្នកវិនិយោគប្រេងបន្តមានការប្រុងប្រយ័ត្នមុនពេលកិច្ចប្រជុំ OPEC+ នៅចុងសប្តាហ៍នេះ ដើម្បីរង់ចាំមើលថាក្រុមអ្នកផលិតនឹងសម្រេចចិត្តត្រូវពង្រីកឱ្យកាន់តែស៊ីជម្រៅ ឬកាត់បន្ថយការផ្គត់ផ្គង់? អ្នកវិភាគសង្ឃឹមថា ការចុះខ្សោយនៃតម្រូវការឥន្ធនៈ និងការកើនឡើងនៃស្តុកប្រេងពិភពលោកអាចជួយបញ្ចុះបញ្ចូលអ្នកផលិត OPEC+ ដែលរួមមានអង្គការនៃប្រទេសនាំចេញប្រេង (OPEC) និងសម្ព័ន្ធមិត្តរួមទាំងរុស្ស៊ី ដើម្បីរក្សាការកាត់បន្ថយការផ្គត់ផ្គង់នៅពេលពួកគេជួបគ្នានៅថ្ងៃទី ២ ខែមិថុនា នាចុងសប្ដាហ៍នេះ៕
Account
Security
Favourite Content