សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានលើកទឹកចិត្តធុរជនកាណាដា ចាប់យកឱកាសវិនិយោគនៅកម្ពុជាដែលមានទីផ្សារទូលំទូលាយនៅទូទាំងពិភពលោក រួមមាន កាណាដា អាស៊ាន អាសិប ចិន ជប៉ុន កូរ៉េ អេមីរ៉ាត់អារ៉ាប់រួម និងទីផ្សារផ្សេងៗទៀត។
អ្នកឧកញ៉ា គិត ម៉េង បានជំរុញដូច្នេះក្នុងឱកាសពិភាក្សាការងារជាមួយគណៈប្រតិភូធុរកិច្ចសភាពាណិជ្ជកម្មកម្ពុជាមកពីទីក្រុងម៉ុងរ៉េអាល់ ខេត្តកេប៊ិច ប្រទេសកាណាដា នៅថ្ងៃទី៣០ ខែឧសភា ឆ្នាំ២០២៤ រាជធានីភ្នំពេញ។
អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានលើកឡើងថា ៖ កាណាដា គឺជាដៃគូពាណិជ្ជកម្ម និងវិនិយោគដ៏ធំបំផុតមួយរបស់កម្ពុជា ក្នុងនោះទំហំពាណិជ្ជកម្មទ្វេភាគីក្នុងឆ្នាំ២០២៣ មានប្រមាណ ជាង ១,៥ពាន់លានដុល្លារ។
ក្នុងឱកាសបំពេញបេសកកម្មធុរកិច្ចនៅកម្ពុជា លោក ម៉ូ ខេវិន ប្រធានការិយាល័យតំណាងសភាពាណិជ្ជកម្មកម្ពុជានៅទីក្រុងម៉ុងរ៉េអាល់ ខេត្តកេប៊ិច ប្រទេសកាណាដា បានលើកឡើងថា គ្រប់ពេលដែលលោកត្រឡប់មកកម្ពុជា លោកតែងសង្កេតឃើញការប្រែប្រួលខ្លាំង ទាំងផ្នែកសេដ្ឋកិច្ច និងការអភិវឌ្ឍ ហើយបេសកកម្មធុរកិច្ចនាពេលនេះ គឺជាលើកទីមួយបន្ទាប់ពីការិយាល័យតំណាងសភាពាណិជ្ជកម្មកម្ពុជានៅទីក្រុងម៉ុងរ៉េអាល់ ត្រូវបានបង្កើតឡើងក្នុងឆ្នាំ២០២៣។
លោកបានឱ្យដឹងថា ៖ ដំណើរទស្សនកិច្ចរបស់គណៈប្រតិភូ នឹងស្វែងយល់លើវិស័យកសិកម្ម សំណង់ វេជ្ជសាស្ត្រ ម្ហូបអាហារ ទេសចរណ៍ សណ្ឋាគារ អចលទ្រព្យ សំណង់ និង ពាណិជ្ជកម្ម៕
Account
Security
Favourite Content