សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃប្រេងនៅបន្តរក្សាបានស្ថិរភាព ខណៈដែលសហរដ្ឋអាម៉េរិក និងចិន បានជួបជជែក និងឈានដល់កិច្ចព្រមព្រៀងរួមគ្នាក្នុងការកាត់បន្ថយសម្ពាធពាណិជ្ជកម្ម ដែលកិច្ចពិភាក្សានេះត្រូវបានធ្វើឡើងនៅក្នុងជំនួបកាលពីថ្ងៃព្រហស្បតិ៍ ក្នុងប្រទេសកូរ៉េខាងត្បូង។
នៅលើទីផ្សារសកល តម្លៃប្រេងឆៅម៉ាក Brent បានឡើងថ្លៃប្រមាណ ០,១% ប៉ុណ្ណោះ ឬ ៦៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,១% ដូចគ្នា ឬ ៦០,៥៧ ដុល្លារក្នុងមួយបារ៉ែល។ នៅក្រោមកិច្ចព្រមព្រៀងរយៈពេលមួយឆ្នាំរវាងអាម៉េរិក-ចិន ប្រធានាធិបតី លោក Donald Trump បានយល់ព្រមកាត់បន្ថយពន្ធលើការនាំចូលពីចិនពី ៥៧% មកត្រឹម ៤៧% ជាថ្នូរដែលទីក្រុងប៉េកាំងបន្តការទិញសណ្តែកសៀងរបស់ខ្លួន រួមទាំងការបន្ធូរបន្ថយលើការរឹតបន្តឹងនៃការនាំចេញរ៉ែកម្ររបស់ចិន និងបង្ក្រាបការជួញដូរសារធាតុញៀន fentanyl ខុសច្បាប់។ ទន្ទឹមនឹងនេះ បណ្តាវិនិយោគិនបានមើលឃើញថា តាមរយៈកិច្ចព្រមព្រៀងរវាងមហាអំណាចទាំងពីរគឺជាការបន្ថយភាពតានតឹងតែមួយផ្នែកប៉ុណ្ណោះនៅក្នុងជម្លោះពាណិជ្ជកម្ម ខណៈដែលបញ្ហាធំៗជាច្រើនទៀតនៅមិនទាន់រកឃើញច្រកចេញនៅឡើយ។
សូមជម្រាបដែរថា ទិន្នផលប្រេងឆៅរបស់អាម៉េរិកបានកើនឡើងខ្ពស់បំផុតប្រចាំសប្តាហ៍ប្រហែល ១៣,៦ លានបារ៉ែលក្នុងមួយថ្ងៃកាលពីសប្តាហ៍មុន ដែលមានន័យថា តម្រូវការប្រេងមានការធ្លាក់ចុះ។ លើសពីនេះ ការកើនឡើងនៃការផ្គត់ផ្គង់ប្រេងជាបន្តបន្ទាប់ប្រចាំខែរបស់ OPEC+ បានជំរុញឱ្យទិន្នផលសរុបកើនជាង ២,៧ លានបារ៉ែលក្នុងមួយថ្ងៃ ឬ ប្រហែល ២,៥% នៃការផ្គត់ផ្គង់សកល។ បណ្តាអ្នកសេដ្ឋកិច្ចបានព្យាករណ៍ថា ក្រុមប្រទេសនាំចេញប្រេង និងសម្ព័ន្នមិត្ត OPEC + ទំនងជាដំឡើងការផ្គត់ផ្គង់ប្រេងបន្ថែម ១៣៧ ០០០ បារ៉ែលក្នុងមួយថ្ងៃសម្រាប់ខែធ្នូ។ ទោះជាយ៉ាងណាក្តី ការកាត់បន្ថយអត្រាការប្រាក់របស់ធនាគារកណ្តាលអាម៉េរិក (Fed) ក៏មានចំណែកពាក់ព័ន្ធនៅក្នុងទីផ្សារប្រេងផងដែរ ដោយសារអត្រាការប្រាក់ទាបអាចជំរុញឲ្យពលរដ្ឋបង្កើនការចំណាយ ដែលអាចជំរុញកំណើនសេដ្ឋកិច្ច និងតម្រូវការប្រេងកើនឡើង៕
Account
Security
Favourite Content