សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីរ៉យទ័រ បានរាយកាតណ៍ថា តម្លៃប្រេងបានឡើងថ្លៃជាង ១ ភាគរយបន្ទាប់ពីការធ្លាក់ចុះតម្លៃក្នុងរយៈពេលប៉ុន្មានថ្ងៃចុងក្រោយនេះ ដោយសារមានការកើនឡើងនៃការរំពឹងទុកថា ធនាគារកណ្តាលអាម៉េរិកនឹងកាត់បន្ថយអត្រាការប្រាក់។
ទន្ទឹមនឹងនេះ តម្លៃប្រេងឆៅម៉ាក Brent ឡើងថ្លៃ ១,៥៤ ភាគរយ ឬ ៧៧,២២ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,៥ ភាគរយ ឬ ៧៣,០១ ដុល្លារក្នុងមួយបារ៉ែល។ ស្របពេលនេះដែរ មនុស្សជាច្រើនរំពឹងថា ធនាគារកណ្តាលអាម៉េរិកកំពុងស្ថិតនៅលើដំណើរកាត់បន្ថយអត្រាការប្រាក់នៅខែក្រោយ។ អត្រាការប្រាក់ខ្ពស់បានបង្កើនថ្លៃដើមនៃការខ្ចី ដែលធ្វើឲ្យសកម្មភាពសេដ្ឋកិច្ចយឺត និងកាត់បន្ថយតម្រូវការប្រេង។
ក្រុមអ្នកវិភាគ និងពាណិជ្ជករកំពុងរំពឹងទុកថា ធនាគារកណ្តាលអាម៉េរិកនឹងកាត់បន្ថយអត្រាការប្រាក់មកនៅត្រឹមចន្លោះពី ៥ ភាគរយទៅ ៥,២៥ ភាគរយ។ នាពេលថ្មីៗនេះ ប្រាក់ដុល្លារអាមេរិកបានធ្លាក់ចុះ ដោយសារក្តីបារម្ភអំពីសេដ្ឋកិច្ចធ្លាក់ចុះបានជំរុញដល់តម្លៃប្រេងឡើងថ្លៃ។ មិនត្រឹមតែប៉ុណ្ណោះ ក្រសួងការងារសហរដ្ឋអាមេរិកលើកឡើងថា ចំនួននៃការទាមទារអត្ថប្រយោជន៍គ្មានការងារធ្វើបានកើនឡើងកាលពីសប្តាហ៍មុន ប៉ុន្តែវាហាក់មិនសូវប៉ះពាល់ដល់ទីផ្សារការងារនោះទេ។ វាបានបង្ហាញពីដំណាក់កាលមួយសម្រាប់ការកាត់បន្ថយអត្រាការប្រាក់។ បន្ថែមពីការឡើងថ្លៃតម្លៃប្រេង របាយការណ៍របស់រដ្ឋាភិបាលសហរដ្ឋអាម៉េរិកបានបង្ហាញថា ស្តុកប្រេងឆៅ និងប្រេងសាំងបានធ្លាក់ចុះច្រើនជាងការរំពឹងទុកកាលពីសប្តាហ៍មុន ដែលជាសញ្ញានៃតម្រូវការកើនឡើង។ លើសពីនេះ វិនិយោគិនកំពុងតាមដានមើលថា ក្រុមប្រទេសនាំចេញប្រេង OPEC+ អាចនឹងពិចារណាឡើងវិញនូវផែនការរបស់ពួកគេក្នុងការបន្ធូរបន្ថយផលិកម្មប្រេង។
មួយវិញទៀតនោះ ពួកសកម្មប្រយុទ្ធ Houthi ដែលមានសម្ព័ន្ធមិត្តអ៊ីរ៉ង់បានបន្តវាយប្រហារលើការដឹកជញ្ជូនអន្តរជាតិ ដែលប៉ះពាល់ដល់ការដឹកជញ្ជូនប្រេង និងបង្កគ្រោះថ្នាក់ដល់បរិស្ថាន។ កាលពីថ្ងៃព្រហស្បតិ៍ ក្រុមកងទ័ពជើងទឹកសមុទ្រក្រហមរបស់សហភាពអឺរ៉ុប Aspides បាននិយាយថា កប៉ាល់ដឹកប្រេងដែលមានទង់ជាតិក្រិកផ្ទុកប្រេងឆៅត្រូវបានវាយប្រហារ ហើយការវាយប្រហារនេះត្រូវបានចាត់ទុកថាជាការបង្កគ្រោះថ្នាក់ដល់នាវាចរណ៍ និងបរិស្ថាន។ កប៉ាល់ដឹកប្រេងមានឈ្មោះថា Sounion ដែលផ្ទុកប្រេងឆៅ ១៥០ ០០០ តោន និងមានមនុស្ស ២៩ នាក់ ត្រូវបានវាយប្រហារដោយការបាញ់កាំភ្លើងពីទូកតូចៗពីរ។ ក្រោយមក កប៉ាល់នេះត្រូវបានវាយប្រហារដោយកាំជ្រួចមិនស្គាល់អត្តសញ្ញាណចំនួន ៣ គ្រាប់ ដែលបណ្តាលឱ្យឆេះ ហើយ។ យ៉ាងណាមិញ មនុស្សទាំងអស់នៅលើនាវាត្រូវបានជួយសង្រ្គោះ៕
Account
Security
Favourite Content