តម្លៃប្រេងឆៅនៅលើទីផ្សារសកលលោកនៅក្នុងសប្តាហ៍កន្លងទៅនេះបានកើនឡើងដល់តម្លៃដល់ទៅ១១០ដុល្លារក្នុងមួយបារ៉ែល ដែលជាតម្លៃមិនធ្លាប់មានឡើយគិតចាប់តាំងតែពីវិបត្តិកាលពីឆ្នាំ២០១៤ ហើយត្រូវបានអ្នកជំនាញព្យាករណ៍ថានឹងអាចបន្តកើនឡើងខ្លាំងជាងនេះទៀតនាពេលខាងមុខប្រសិនបើបញ្ហាជម្លោះរវាងអ៊ុយក្រែន និងរុស្ស៊ីមិនត្រឡប់មកស្ថានភាពល្អប្រសើរឡើងវិញ។
កិច្ចប្រជុំចុងក្រោយរបស់ក្រុមបណ្តាប្រទេសអ្នកផលិតប្រេងធំបំផុតរបស់ពិភពលោក OPEC+ កាលពីដើមខែកន្លងមកហាក់ដូចជាមិនបានបង្ហាញអំពីការខ្វាយខ្វល់ជាមួយនឹងបញ្ហាវិបត្តិនៅអ៊ុយក្រែនឡើយ ទាំងនៅក្នុងកិច្ចប្រជុំ ទាំងចំពោះការអំពាវនាវពីសំណាក់អតិថិជនរបស់ខ្លួន ដោយបានត្រឹមរក្សាជំហក្នុងការបង្កើនការផលិតប្រេងទៅតាមផែនការដែលធ្លាប់មានកាលពីខែមេសាប៉ុណ្ណោះ ទោះបីជាបច្ចុប្បន្នតម្លៃប្រេងកំពុងស្ទុះខ្លាំងឡើងបែបនេះក៏ដោយ។
ក្រៅតែពីបណ្តាប្រទេសទាំង១៣របស់ OPEC និង១០ផ្សេងទៀតរបស់ OPEC+ ហើយនោះ សូម្បីតែអាមេរិកផ្ទាល់ក៏មិនបានបង្ហាញមហិច្ឆិតាក្នុងការបង្កើនការផលិតប្រេងឆៅដើម្បីអាចប្រមូលយកប្រាក់ចំណេញពីឱកាសនេះដែរ ដោយក្នុងនោះអ្នកជំនាញបានលើកឡើងនូវបញ្ហាធំៗមួយចំនួនដែលបានរារាំងការសម្រេចចិត្តដើម្បីបង្កើនការផលិតប្រេងចូលទៅក្នុងទីផ្សារឡើងវិញ។
ប្រធានប្រតិបត្តិរបស់ក្រុមហ៊ុនថាមពលអាមេរិក Chesapeake លោក Domenic Dell’Osso បាននិយាយថា៖ «អ្វីដែលយើងមិនទាន់សម្រេចចិត្តក្នុងការបង្កើនផលិតផលប្រេងដោយសារពួកយើងមិនចង់ព្យាយាមក្នុងការចាប់យកឱកាសនៅពេលដែលទីផ្សារប្រេងកំពុងតែឡើងថ្លៃក្នុងរយៈពេលខ្លីបែបនេះឡើយ ហើយជឿជាក់ថា ការជ្រើសយកការបង្កើនផលិតផលប្រេងចូលតៅក្នុងទីផ្សារនៅពេលនេះមិនមែនជាដំណោះស្រាយល្អ និងអាចទទួលបានប្រសិទ្ធភាពល្អនោះឡើយ។
ហេតុផលសំខាន់ៗផ្សេងទៀតសម្រាប់បណ្តាប្រទេសអ្នកផលិតប្រេងធំៗមិនទាន់ចង់ប្រញាប់ប្រញាល់ក្នុងការបង្កើនការផលិតប្រេងនោះក៏ព្រោះតែនៅមានការព្រួយបារម្ភថា រដ្ឋាភិបាលនៃបណ្តាប្រទេសទាំងឡាយនឹងអាចចាប់ផ្តើមជំរុញផែនការរបស់ខ្លួនទៅលើការប្រើប្រាស់ថាមពលជំនួសវិញ។
មួយវិញទៀត ប្រសិនបើការសម្រេចចិត្តបូមប្រេងបន្ថែមដែលទាមទារចាំបាច់គឺពេលវេលា និងការវិនិយោគបន្ថែមទៅលើផលិតកម្ម ប៉ុន្តែជាលទ្ធផលការផលិត និងផ្គត់ផ្គង់ប្រេងទាំងនោះនឹងអាចមានទំហំកើនឡើងខ្ពស់ពេកហើយបែរជាត្រឹមតែអាចផលិតប្រេងបាននៅក្រោយវិបត្តិចប់រួចរាល់ប៉ុណ្ណោះ។ ទោះបីជាយ៉ាងណាក្តីគេនឹងត្រូវនៅរង់ចាំមើលរហូតដល់មានកិច្ចប្រជុំសាជាថ្មីម្តងទៀតដោយក្រុមប្រទេស OPEC+ នាថ្ងៃទី៣១ ខែមិនាខាងមុខនេះចំពោះមុខបញ្ហាវិបត្តិលើកនេះ។
គួរឲ្យដឹងដែរថា គិតត្រឹមថ្ងៃចន្ទនេះតម្លៃប្រេងឆៅតាមបណ្តាក្រុមហ៊ុនធំៗដូចជា WTI Crudeនិង Brent Crude មានការថយចុះបន្តិចរៀងគ្នាមកត្រឹមតែ ១០៦,៧ដុល្លារក្នុងមួយបារ៉ែល និង១១០,៦ដុល្លារក្នុងមួយបារ៉ែល៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ