សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សេចក្តីព្រាងច្បាប់ស្តីពីការទូទាត់ថវិកាទូទៅរបស់រដ្ឋ និងសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៦ នឹងត្រូវបានរដ្ឋសភាដាក់ប្រជុំអនុម័តនៅថ្ងៃសុក្រ ទី២៨ ខែវិច្ឆិកា ឆ្នាំ២០២៥ខាងមុខនេះ។
យោងតាមសេចក្ដីជូនដំណឹងរបស់រដ្ឋសភានាថ្ងៃទី២០ ខែវិច្ឆិកា ឆ្នាំ២០២៥ ក្រៅពីសេចក្តីព្រាងច្បាប់ទាំងពីរសេចក្ដីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងរវាងកម្ពុជា ឡាវ និងហ្វ៊ីលីពីន ស្ដីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធ ការចៀសវាងពន្ធ និងពិធីសារទី២ ដើម្បីធ្វើវិសោធនកម្មលើកិច្ចព្រមព្រៀងរវាងកម្ពុជា និងសិង្ហបុរី ស្តីពីការចៀសវាងការយកពន្ធត្រួតគ្នា និងការបង្ការការកិបកេង បន្លំពន្ធពាក់ព័ន្ធនឹងពន្ធលើប្រាក់ចំណូល ក៏នឹងត្រូវដាក់ឱ្យពិភាក្សា ដើម្បីអនុម័តផងដែរ។
នៅក្នុងសម័យប្រជុំនាចុងខែនេះ នឹងមានបញ្ចូលរបៀបវារៈចំនួនពីរផងដែរ គឺព្រះរាជសារព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ជូនសម័យប្រជុំរដ្ឋសភា លើកទី៥ នីតិកាលទី៧ និង របាយការណ៍សង្ខេបស្ដីពី សកម្មភាពការងាររបស់រដ្ឋសភាចន្លោះសម័យប្រជុំរដ្ឋសភា លើកទី៤ និងលើកទី៥ នីតិកាលទី៧។
គួរជម្រាបថាក្នុងឆ្នាំ២០២៦ រដ្ឋាភិបាលមានគម្រោងចំណាយប្រមាណ ១០ពាន់លានដុល្លារអាមេរិកកើនឡើង ៧,៨%បើធៀបនឹងឆ្នាំ២០២៥ ខណៈចំណូលរដ្ឋក្នុងឆ្នាំ២០២៦ ត្រូវបានរំពឹងថារកបានប្រមាណ៧ពាន់៦រយលានដុល្លារ។ក្នុងច្បាប់នេះក៏បានអនុញ្ញាតឱ្យរដ្ឋាភិបាលខ្ចីលុយបរទេសក្នុងឆ្នាំ២០២៦ប្រមាណ២ប៊ីលានពីររយហាសិបលានអេសដេអ៊ែ ឬប្រមាណ ៣ពាន់២០០លានដុល្លារផងដែរ៕
Account
Security
Favourite Content