សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសអំពីភាពវិជ្ជមាននៃវិស័យការងារនៅក្នុងប្រទេសកម្ពុជា ដោយរំលេចចេញពី «សមិទ្ធផល១ឆ្នាំ របស់រាជរដ្ឋាភិបាលអាណត្តិទី៧ (ថ្ងៃទី២២ ខែសីហា ឆ្នាំ២០២៣ ដល់ ថ្ងៃទី២២ ខែសីហា ឆ្នាំ២០២៤)» ។
សម្ដេចធិបតីបានគូសបញ្ជាក់ថា ៖ ទោះបីជាស្ថានភាពសន្តិសុខ និងសេដ្ឋកិច្ចពិភពលោកមានភាពមិនប្រាកដប្រជា ដែលជះឥទ្ធិពលអវិជ្ជមានដល់សេដ្ឋកិច្ចប្រទេសកម្ពុជាក៏ដោយ ក៏ស្ថានភាពការងារនៅតែសម្រេចបានភាពវិជ្ជមាន។ ជាក់ស្តែង ក្នុងរយៈពេល១២ខែ ទោះជាមានរោងចក្រ សហគ្រាសមួយចំនួនបានបិទទ្វារក៏ដោយ ក៏មានរោងចក្រ សហគ្រាសបើកថ្មីជាច្រើនផងដែរ ដែលបង្កើតការងារសរុបជាង ២២ម៉ឺនកន្លែង ហើយក្នុងនោះរោងចក្រក្នុងវិស័យកាត់ដែរ និងវាយនភណ្ឌបានបង្កើតថ្មីចំនួន ២៧៥ បានបង្កើតការងារថ្មីបានចំនួនជាង ១៣ ម៉ឺនកន្លែង។ ទន្ទឹមនឹងនេះ រាជរដ្ឋាភិបាល ក៏បានដំឡើងប្រាក់ឈ្នួលអប្បបរិមាជូនកម្មករនិយោជិតក្នុងវិស័យកាត់ដែរ និងវាយនភណ្ឌ រហូតដល់ចំនួន ២០៤ដុល្លារក្នុង១ខែ ក្នុងឆ្នាំ២០២៤ ដែលនាំឱ្យប្រាក់ឈ្នួលមធ្យមទាបបំផុត ដែលកម្មករនិយោជិតទទួលបាន ស្ថិតក្នុងចន្លោះពីចំនួន២២១ដុល្លារ ដល់២៣២ដុល្លារក្នង១ខែ។
បន្ថែមលើនេះ នៅក្នុងគោលដៅគាំទ្រ និងការការពារសិទ្ធិ ផលប្រយោជន៍ ក៏ដូចជាជួយសម្រាលដល់ការលំបាករបស់បងប្អូនពលករកម្ពុជាដែលធ្វើការងារនៅបរទេស រាជរដ្ឋាភិបាលបានដាក់ចេញនូវវិធានការជាច្រើន ក៏ដូចជាស្នើដល់ភាគីពាក់ព័ន្ធ ដូចជាការស្នើអាជ្ញាធរថៃឱ្យកាត់បន្ថយថ្លៃទិដ្ឋាការការងារដល់ពលករកម្ពុជា ពី ២០០០បាត មកនៅត្រឹមតម្លៃ៥០០បាត និងកាត់បន្ថយតម្លៃពន្យារសុពលភាពទិដ្ឋាការការងារ ពី ១៩០០បាត មកនៅត្រឹមតម្លៃ ៥០០បាត សម្រាប់រយៈពេល៤ឆ្នាំ (ពីខែវិច្ឆិកា ឆ្នាំ២០២៣ ដល់ខែវិច្ឆកាឆ្នាំ២០២៧)។
ជាមួយគ្នានេះ រាជរដ្ឋាភិបាលក៏បានជំរុញទីភ្នាក់ងារវិស័យឯកជនកាត់បន្ថយតម្លៃសេវាបញ្ជូនពលករ និងបានសម្របសម្រួលឱ្យធនាគារធំៗចំនួន៨ យល់ព្រមផ្តល់ប្រាក់កម្ចី ក្នុងអត្រាការប្រាក់ទាបគិតត្រឹមក្នុងកម្រិត ៨,៥ភាគរយក្នុង១ឆ្នាំ ឬប្រហែល ០,៧១ភាគរយក្នុង១ខែ ដល់ពលករដែលត្រូវការកម្ចី ដែលការណ៍នេះអាចជួយសម្រាលបន្ទុកដល់បងប្អូនពលករបាន១០ភាគរយ ជាមធ្យមក្នុង១ឆ្នាំ ដែលជាធម្មតាបងប្អូនពលករត្រូវបង់ជាមធ្យមក្នុងអត្រាចាប់ពី ១៨% ឡើងទៅ។
ដោយឡែក សម្រាប់ពលករនៅប្រទេសជប៉ុន និងប្រទេសកូរ៉េខាងត្បូង រាជរដ្ឋាភិបាល ក៏បានចាត់បញ្ជូនមន្ត្រីពីអគ្គនាយកដ្ឋាន អត្តសញ្ញាណកម្ម ទៅធ្វើការផ្ដល់សេវាធ្វើលិខិតឆ្លងដែនថ្មីជូនពលករកម្ពុជា ដែលលិខិតឆ្លងដែនពួកគាត់មានសុពលភាពក្រោមមួយឆ្នាំនៅស្ថានទូតកម្ពុជាប្រចាំប្រទេសកូរ៉េខាងត្បូង ហើយក៏បានបង្កើតមជ្ឈមណ្ឌលគាំពារពលករបន្ថែមថ្មី នៅខេត្តកាណាហ្គាវ៉ាប្រទេសជប៉ុន និងផ្តល់សេវាស្នើសុំលិខិតថ្កោលទោស តាមរយៈប្រព័ន្ធអនឡាញ ដើម្បីជួយសម្រួលតម្រូវការឆាប់រហ័ស និងសម្របសម្រួលដល់ការដោះស្រាយការលំបាកដល់ប្រជាពលករកម្ពុជានៅបរទេស៕
Account
Security
Favourite Content