សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទ្រព្យសកម្មសរុបរបស់ធនាគារសហគ្រាសធុនតូច និងមធ្យមកម្ពុជា (SME Bank) គិតត្រឹមឆ្នាំ២០២៣ មានចំនួន ៣២២ លានដុល្លារអាម៉េរិក កើនឡើងប្រមាណ ១៥% ពីឆ្នាំ២០២២ ដែលមាន ២៨១ លានដុល្លារអាម៉េរិក។ ចំណែកសមតុល្យឥណទានដុលសរុបមានចំនួន ២២០ លានដុល្លារអាម៉េរិក កើនឡើងប្រមាណ ៣% ប៉ុណ្ណោះ ធៀបទៅនឹងឆ្នាំ២០២២ ។ នេះបើយោងតាមរបាយការណ៍របស់ SME Bank។
យោងតាមរបាយការណ៍ដដែលនេះបានឱ្យដឹងថា ៖ សហគ្រាសធុនតូច និងមធ្យម (SMEs) គឺជាតួអង្គដ៏សំខាន់មួយក្នុងការអភិវឌ្ឍសេដ្ឋកិច្ច-សង្គម ការធានានូវបរិយាប័ន្ន និងកំណើនសេដ្ឋកិច្ច។ កម្ពុជា បានចាត់ទុកវិស័យសហគ្រាសធុនតូច និងមធ្យម ជាឆ្អឹងខ្នងនៃសេដ្ឋកិច្ចជាតិ ដែលបំពេញតម្រូវការមូលដ្ឋាននៃទំនិញ និងសេវាកម្ម ក៏ដូចជារួមចំណែកដល់ការលើកកម្ពស់ជីវភាពរស់នៅ បង្កើនផលចំណូលសរុបក្នុងស្រុក និងជំរុញការនាំចេញ។
គួរឱ្យដឹងថា៖ ធនាគារសហគ្រាសធុនតូច និងមធ្យមកម្ពុជា ទទួលបានអាជ្ញាបណ្ណផ្លូវការក្នុងនាមជាធនាគារពាណិជ្ជពីធនាគារជាតិនៃកម្ពុជា (NBC) កាលពីថ្ងៃទី២៧ ខែកុម្ភៈ ឆ្នាំ២០២០ និងស្ថិតនៅក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ ។ ធនាគារមានគោលបំណង និងទិសដៅចម្បង ក្នុងការផ្តល់ហិរញ្ញប្បទានប្រកបដោយប្រសិទ្ធភាព និងតម្លាភាព ដើម្បីគាំទ្រដល់ការអភិវឌ្ឍសហគ្រាសធុនតូច និងមធ្យម សំដៅជំរុញពិពិធកម្ម សេដ្ឋកិច្ច និងការនាំចេញ ស្របតាមគោលនយោបាយដែលបានកំណត់ដោយរាជរដ្ឋាភិបាលកម្ពុជា។ ធនាគារ បានរួមចំណែកយ៉ាងសំខាន់ជាមួយរាជរដ្ឋាភិបាល ក្នុងការដោះស្រាយបញ្ហាកង្វះហិរញ្ញប្បទាន ដល់សហគ្រាសធុនតូច និងមធ្យម៕
Account
Security
Favourite Content