សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុន POONGLIM Pharmatech Inc. មកពីសាធារណរដ្ឋកូរ៉េ បានមកស្វែងយល់អំពីសក្ដានុពល និងកាលានុវត្តភាពវិនិយោគលើវិស័យសុខាភិបាលនៅកម្ពុជា។
លោក Heemin Cho នាយកប្រតិបត្តិរបស់ក្រុមហ៊ុនបានឱ្យដឹងថា៖ ក្រុមហ៊ុនមានគម្រោងបង្កើតរោងចក្រផលិតឧបករណ៍បរិក្ខារពេទ្យដែលនឹងរួមចំណែកដល់ការពង្រឹងប្រតិបត្តិការនៃការផ្ដល់សេវាសុខាភិបាលឱ្យកាន់តែមានប្រសិទ្ធភាព ជាពិសេសផ្តោតលើការផ្ដល់សេវាថែទាំសុខភាពមានគុណភាព សុវត្ថិភាព ស័ក្ដិសិទ្ធភាព និងសមធម៌ ជូនប្រជាពលរដ្ឋ។
ឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជា បានជម្រាបជូនលោកនាយកប្រតិបត្តិរបស់ក្រុមហ៊ុនពីបរិយាកាស និងក្របខ័ណ្ឌច្បាប់ ព្រមទាំងបទប្បញ្ញត្តិដែលមានភាពអំណោយផលដល់ការវិនិយោគ ដែលជ្រកក្រោមច្បាប់ស្ដីពីវិនិយោគនៃព្រះរាជាណាចក្រកម្ពុជា មានជាអាទិ៍ ការផ្ដល់កិច្ចសម្រួល, កញ្ចប់លើកទឹកចិត្ដ និងសេវាថែទាំវិនិយោគ។
POONGLIM Pharmatech គឺជាក្រុមហ៊ុនផលិត និងផ្គត់ផ្គង់ឧបករណ៍វេជ្ជសាស្ត្រ និងផលិតផលពាក់ព័ន្ធសម្រាប់ប្រើប្រាស់ក្នុងមន្ទីរពេទ្យ និងក្រុមហ៊ុនឱសថដូចជា សឺរាំង និង ម្ជុល ជាដើម។ លើសពីនេះ ក្រុមហ៊ុនបានអភិវឌ្ឍ និងអនុវត្តបច្ចេកវិទ្យាថ្មីៗ ដើម្បីក្លាយជាក្រុមហ៊ុនប្រកួតប្រជែងក្នុងការផ្គត់ផ្គង់ផលិតផលល្អបំផុតនៅក្នុងទីផ្សារពិភពលោក៕
Account
Security
Favourite Content