សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តុលាការកំពូលរបស់ប្រទេសថៃបានបញ្ជាឱ្យអតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត្រា សងសំណងប្រហែល ៥៤០ លានដុល្លារពីការលក់ក្រុមហ៊ុនទូរគមនាគមន៍កាលពីឆ្នាំ២០០៦ នេះបើយោងតាមសេចក្ដីរាយការណ៍ពី CNA។
កាលពីថ្ងៃច័ន្ទ ដើមសប្ដាហ៍នេះ អ្នកនាំពាក្យតុលាការកំពូលថៃ លោក Suriyan Hongvilai បានបញ្ជាក់ថា តុលាការតម្រូវឲ្យលោក ថាក់ស៊ីន អនុវត្តតាមបញ្ជារបស់នាយកដ្ឋានចំណូល គឺត្រូវបង់ពន្ធពាក់ពន្ធទៅនឹងការលក់ក្រុមហ៊ុនទូរគមនាគមន៍ Shin Corp ប៉ុន្តែមិនបានបញ្ជាក់ពីចំនួនប្រាក់ជាក់លាក់ដែលត្រូវបង់នោះទេ។ យ៉ាងណាមិញ ប្រព័ន្ធផ្សព្វផ្សាយថៃជាច្រើនបានរាយការណ៍ថា តុលាការបានបញ្ជាឱ្យ លោក ថាក់ស៊ីន បង់ប្រាក់ចំនួន ១៧,៦ ពាន់លានបាត (៥៤០ លានដុល្លារអាម៉េរិក) សម្រាប់ការបង់ពន្ធ និងការផាកពិន័យ។ កាលពីឆ្នាំ ២០១៧ មន្ត្រីពន្ធដារធ្លាប់បានបង្ហាញពីវិក័យប័ត្រពន្ធចំនួន ៥០០ លានដុល្លារអាម៉េរិកម្តងរួចទៅហើយ ចំពេលដែលមានជម្លោះនយោបាយក្នុងប្រទេស។
កាលពីឆ្នាំ២០០៦ លោក ថាក់ស៊ីន ត្រូវបានជាប់ចោទប្រកាន់ពីបទពុករលួយ និងភាពចម្រូងចម្រាសជុំវិញការលក់ក្រុមហ៊ុន Shin Corp ។ ក្នុងអំឡុងពេលនោះ ដោយសារមានភាពចម្រូងចម្រាសជុំវិញការលក់ក្រុមហ៊ុន Shin Corp ទៅឲ្យក្រុមហ៊ុន Temasek Holdings របស់សិង្ហបុរី ដោយមិនបានបង់ពន្ធចូលរដ្ឋ លោក ថាក់ស៊ីន ត្រូវបានទម្លាក់ចេញពីតំណែងនាយករដ្ឋមន្ត្រីដោយរដ្ឋប្រហារយោធា និងបាននិរទេសខ្លួនចេញពីប្រទេសអស់រយៈពេលជាងមួយទសវត្សរ៍។
បច្ចុប្បន្ន អ្នកនយោបាយអាយុ ៧៦ ឆ្នាំរូបនេះ កំពុងជាប់ពន្ធនាគារក្នុងទីក្រុងបាងកក ពីបទប្រព្រឹត្តអំពើរពុករលួយអំឡុងពេលកាន់តំណែង។ មិនត្រឹមតែប៉ុណ្ណោះ ការចេញសាលដីកាពន្ធដារនេះគឺជាបញ្ហាមួយទៀតសម្រាប់គ្រួសារត្រកូល ស៊ីណាវ៉ាត្រា បន្ទាប់ពីអតីតនាយករដ្ឋមន្ត្រី លោកស្រី ផែថងថាន ដែលជាកូនស្រីរបស់លោកថាក់ស៊ីន ត្រូវបានទម្លាក់ចេញពីតំណែងកាលពីខែសីហាកន្លងទៅនេះ។ ក្នុងរយៈពេល ២ទសវត្សរ៍មកនេះ ត្រកូល ស៊ីណាវ៉ាត្រា គឺជាសត្រូវដ៏ធំបំផុតរបស់ក្រុមគាំទ្ររាជានិយម-យោធា និងបានចាត់ទុកគ្រួសារនេះជាការគំរាមកំហែងដល់សណ្តាប់ធ្នាប់សង្គម៕
Account
Security
Favourite Content