សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជនសម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) បានអនុញ្ញាតឱ្យលោក Kenichiro Kashiwase ប្រធានបេសកកម្មសម្រាប់ប្រទេសកម្ពុជានៃមូលនិធិរូបិយវត្ថុអន្តរជាតិ (IMF) និងក្រុមការងារ ចូលជួបសម្តែងការគួរសម និងពិភាក្សាការងារ។
កិច្ចប្រជុំនៅព្រឹកថ្ងៃទី២៥ ខែសីហា ឆ្នាំ២០២៥ នៅអគារវីងថោវើ មានការចូលរួមផងដែរពីសំណាក់សមាជិកសភាពាណិជ្ជកម្មដែលតំណាងឱ្យវិស័យកាត់ដេរស្បែកជើង, វិស័យផលិតផលធ្វើដំណើរ, វិស័យភស្តុភារកម្ម, វិស័យកសិកម្ម, វិស័យពន្ធដារ និងក្រុមការងារជំនាញនៃមូលនិធិរូបិយវត្ថុអន្តរជាតិមួយចំនួនទៀតផងដែរ។
សភាពាណិជ្ជកម្មកម្ពុជា បានឱ្យដឹងថា៖ កិច្ចប្រជុំនេះមានគោលបំណង ដើម្បីពិនិត្យ និងពិភាក្សាលើសកម្មភាពធុរកិច្ច វិនិយោគ និងសេដ្ឋកិច្ចនានានៅកម្ពុជា ដើម្បីប្រាកដថាអាចទទួលបានផលវិជ្ជមាន និងមិនមានហានិភ័យ។
ក្នុងជំនួបប្រជុំនោះដែរ មូលនិធិរូបិយវត្ថុអន្តរជាតិ បានលើកឡើងនូវសំណើមួយចំនួនដែលរួមមាន៖ ផលប៉ះពាល់ដោយផ្ទាល់ និងដោយប្រយោលនៃអាត្រាពន្ធគយរបស់អាម៉េរិកមកលើកម្ពុជា, បញ្ហាប្រឈម និងហានិភ័យជាក់លាក់នៅក្នុងវិស័យឧស្សាហកម្មកាត់ដេរ ស្បែកជើង និងផលិតផលធ្វើដំណើរ រួមជាមួយនឹងវិស័យដឹកជញ្ជូន កសិកម្ម និងកសិកែច្នៃ ផលិតកម្ម វិស័យថាមពល និងឧស្ម័ន, ផលប៉ះពាល់ពន្ធគយថ្មីរបស់សហរដ្ឋអាម៉េរិក និងវិធាននៃការប្រកួតប្រជែងក្នុងការនាំចេញ ក្នុងគោលបំណងធ្វើឱ្យមានស្ថិរភាពនៃការនាំចេញរបស់កម្ពុជា ការការពារឱ្យបាននូវការងារ និងការស្តារទំនុកចិត្តរបស់អ្នកវិនិយោគនិង កញ្ចប់នៃអនុសាសន៍គោលនយោបាយរយៈពេលមធ្យមនិងគ្រាអាសន្ន។
គួរម្រាបថា មូលនិធិរូបិយវត្ថុអន្តរជាតិ (IMF) បាននឹងកំពុងធ្វើការប្រជុំពិភាក្សាលើមាត្រាទី៤ ឆ្នាំ២០២៥ នៅខែសីហា ដើម្បីពិភាក្សាអំពីការអភិវឌ្ឍន៍ម៉ាក្រូសេដ្ឋកិច្ច ទស្សនវិស័យ និងគោលនយោបាយជាមួយសមភាគីកម្ពុជា។
កិច្ចប្រជុំបានបញ្ជាក់ថា កម្ពុជាត្រូវតែពង្រឹងភាពប្រកួតប្រជែង តាមរយៈវិធាននយោបាយសមស្រប នៃទីផ្សារចម្រុះសម្រាប់នាំចេញ និងការការពារការងារកម្មករ ដើម្បីទប់ស្កាត់ផលប៉ះពាល់មិនល្អពីពន្ធអាមេរិក។
ជាមួយគ្នានោះដែរ លោកប្រធានបេសកកម្មសម្រាប់ប្រទេសកម្ពុជា នៃមូលនិធិរូបិយវត្ថុអន្តរជាតិ (IMF) បានប្តេជ្ញាថានឹងបន្តជំនួយលើជំនួយខាងបច្ចេកទេស និងធ្វើការជាមួយដៃគូ ជួយដល់វិស័យឯកជន ដើម្បីរកដំណោះស្រាយរាល់បញ្ហានានាឲ្យប្រសើរនៅពេលអនាគត៕
Account
Security
Favourite Content