សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីនីគីអាស៊ី បានរាយការណ៍ថា ជប៉ុនមានផែនការវិនិយោគតម្លៃ ១០ ទ្រីលានយ៉េន (៦៨ ពាន់លានដុល្លារ) ដើម្បីបង្កើនទំនាក់ទំនងពាណិជ្ជកម្មទ្វេភាគីជាមួយឥណ្ឌាក្នុងរយៈពេល ១០ ឆ្នាំខាងមុខទៀត។
នៅថ្ងៃសុក្រខាងមុខនេះ នាយករដ្ឋមន្ត្រីឥណ្ឌា លោក Narendra Modi នឹងធ្វើដំណើរទស្សនកិច្ចទៅដល់ប្រទេសជប៉ុន ដើម្បីចូលរួមកិច្ចប្រជុំកំពូលជាមួយនឹងនាយករដ្ឋមន្ត្រីប្រទេសនេះ។ នាយករដ្ឋមន្ត្រីទាំងពីរមានបំណងកែប្រែសេចក្តីប្រកាសរួមមួយស្តីពីកិច្ចសហប្រតិបត្តិការសន្តិសុខជាលើកដំបូងក្នុងរយៈពេល ១៧ឆ្នាំ។ មិនត្រឹមតែប៉ុណ្ណោះ ទីក្រុងតូក្យូ និងទីក្រុងញូវដែលី មានផែនការជំរុញកិច្ចសហប្រតិបត្តិការក្នុងរយៈពេល ១០ ឆ្នាំខាងមុខដែលរួមបញ្ចូលទាំងការវិនិយោគចំនួន ១០ ទ្រីលានយ៉េន ស្នើឡើងពីប្រទេសជប៉ុន។ គំនិតផ្តួចផ្តើមនេះនឹងផ្តោតលើវិស័យអាទិភាពចំនួន ៨ ហើយការពិភាក្សាមានពាក់ព័ន្ធនឹងការផ្លាស់ប្តូរអ្នកស្រាវជ្រាវវ័យក្មេងនៅក្នុងវិស័យបញ្ញាសិប្បនិម្មិត ក្រោមកិច្ចព្រមព្រៀងមួយដែលមានឈ្មោះថា AI Cooperation Initiative។ ការវិនិយោគនេះនឹងជួយក្រុមហ៊ុនជប៉ុនក្នុងវិស័យសំខាន់ៗចំនួន២ ដូចជា បញ្ញាសិប្បនិម្មិត (AI) និងឧបករណ៍អេឡិចត្រូនិក ពង្រីកទៅក្នុងទីផ្សារឥណ្ឌា។ ទន្ទឹមនឹងនេះ ទីក្រុងញូវដែលី ក៏បានចាប់អារម្មណ៍លើភាពខ្លាំងរបស់ជប៉ុនដែលមានសម្ភារៈ និងឧបករណ៍ដែលទាក់ទងនឹងគ្រឿងផ្គុំឈីប ឬ semiconductor ។ បុគ្គលិកឯកទេសជនជាតិឥណ្ឌាកាន់តែច្រើននឹងត្រូវបានទទួលយកដោយក្រុមហ៊ុនជប៉ុន ដែលជាផ្នែកមួយនៃផែនការជំរុញកំណើនសេដ្ឋកិច្ចឥណ្ឌាតាមរយៈការកសាងទំនាក់ទំនងអាជីវកម្មកាន់តែជិតស្និទ្ធជាមួយនឹងជប៉ុន។
នាយករដ្ឋមន្ត្រី Ishiba និង Modi នឹងទៅទស្សនាកិច្ចរោងចក្រផលិតឧបករណ៍ផលិតបន្ទះឈីប Tokyo Electron ក្នុងខេត្ត Miyagi នៅថ្ងៃសៅរ៍ខាងមុខនេះ។ នេះគឺជាឱកាសរបស់ជប៉ុនក្នុងការបង្ហាញបច្ចេកវិទ្យារបស់ខ្លួនទៅកាន់ឥណ្ឌា។ មិនត្រឹមតែប៉ុណ្ណោះ ជប៉ុននឹងបង្កើនការវិនិយោគរបស់ខ្លួនបន្ថែមទៀត ដើម្បីគាំទ្រដល់ការចាប់ផ្តើមអាជីវកម្ម ឬ start up ដែលចូលទៅក្នុងទីផ្សារឥណ្ឌា។ ជាក់ស្តែង ទីភ្នាក់ងារសហប្រតិបត្តិការអន្តរជាតិរបស់ជប៉ុនបានផ្តល់ប្រាក់កម្ចីដល់អាជីវកម្ម start up មួយរួចហើយនៅក្នុងរដ្ឋ Telangana របស់ប្រទេសឥណ្ឌា។ លើសពីនេះ ទីក្រុងតូក្យូនឹងគាំទ្រការជួលអ្នកមានទេពកោសល្យក្នុងប្រទេសឥណ្ឌា ខណៈដែលប្រទេសនេះមានប្រជាជនច្រើនជាងគេលើពិភពលោក និងសម្បូរដោយវិស្វករដែលមានទេពកោសល្យ។ ទីក្រុងតូក្យូគ្រោងនឹងផ្តោតលើការអប់រំទេពកោសល្យដែលអាចធ្វើជាស្ពានដើម្បីជួយក្រុមហ៊ុនជប៉ុនបង្កើតសាខារបស់ពួកគេនៅក្នុងប្រទេសឥណ្ឌា។ ការវិនិយោគទាំងនេះអាចជំរុញទឹកចិត្ត និងគោលជំហររដល់ក្រុមហ៊ុនរបស់ជប៉ុនអាចពង្រីកទៅកាន់ទ្វីបអាហ្រ្វិកថែមទៀតផង។
នាយករដ្ឋមន្ត្រីជប៉ុន Ishiba នឹងប្រកាសពីផែនការរបស់ទីក្រុងតូក្យូក្នុងការទទួលយកបុគ្គលិកជំនាញបន្ថែមទៀតទាក់ទងនឹងវិស័យឈីប និងបច្ចេកវិទ្យា។ ក្នុងរយៈពេលប្រាំឆ្នាំចុងក្រោយនេះ ប្រជាជនឥណ្ឌាចំនួន ២៥ ០០០ នាក់ដែលមានជំនាញឯកទេសបានមកកាន់ប្រទេសជប៉ុន តាមរយៈការធ្វើការ ឬ កម្មវិធីបណ្តុះបណ្តាលនានា។ Ishiba សង្ឃឹមថា តួលេខនេះនឹងកើនឡើងទ្វេដងក្នុងរយៈពេល ៥ ឆ្នាំខាងមុខ។ បច្ចុប្បន្ននេះ ក្រុមហ៊ុនមួយចំនួនរបស់ជប៉ុនកំពុងដោះស្រាយបញ្ហាកង្វះកម្លាំងពលកម្មក្នុងស្រុក តាមរយៈការលើកទឹកចិត្តកិច្ចសហប្រតិបត្តិការជាមួយធុរកិច្ចឥណ្ឌា និងជួលបុគ្គលិកពីឥណ្ឌា។ Sompo Care ដែលជាអ្នកផ្តល់សេវាកម្មផ្នែកគិលានុបដ្ឋាយិកា បានជួល និងបណ្តុះបណ្តាលបុគ្គលិកពីឥណ្ឌារួចហើយចាប់តាំងពីឆ្នាំ ២០២៤។ លើសពីនេះ ក្រុមហ៊ុនថាមពល Sekisho កំពុងធ្វើការលើកម្មវិធីផ្គូផ្គងដែលភ្ជាប់និស្សិតឥណ្ឌា និងអាជីវកម្មជប៉ុន។ Sekisho បានបង្កើតអង្គភាពមួយនៅក្នុងប្រទេសឥណ្ឌាក្នុងខែនេះ ដែលផ្តល់នូវការគាំទ្រជាច្រើនប្រភេទសម្រាប់និស្សិត និងក្រុមហ៊ុន រួមមានទាំងការអប់រំជាភាសាជប៉ុន និងការស្វែងរកការងារអោយពួកគេនៅក្នុងប្រទេសជប៉ុនថែមទៀតផង។ គួរឲ្យបញ្ជាក់ដែរថា និស្សិតផ្នែកវិស្វកម្មចំនួន ១,៥ លាននាក់បានបញ្ចប់ការសិក្សាជារៀងរាល់ឆ្នាំនៅក្នុងប្រទេសឥណ្ឌា៕
Account
Security
Favourite Content