សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្ពុជា តាមរយៈក្រុមប្រឹក្សាអភិវឌ្ឍន៍កម្ពុជា (CDC) នឹងទទួលបានគម្រោងវិនិយោគថ្មីចំនួន១៣បន្ថែមទៀត ដែលមានទុនវិនិយោគសរុបប្រមាណ ៣២៣ លានដុល្លារអាម៉េរិក និងអាចបង្កើតឱកាសការងារបានប្រមាណ ៧០០០កន្លែង។
ទាក់ទងនឹងគម្រោងស្នើសុំវិនិយោគថ្មីទាំងអស់នេះ ក្រុមប្រឹក្សាអភិវឌ្ឍន៍កម្ពុជា កាលពីពេលថ្មីៗនេះ បានបើកកិច្ចប្រជុំច្រកចេញ-ចូលតែមួយ លើកទី១៨ ដឹកនាំដោយឯកឧត្តម ជា វុទ្ធី អគ្គលេខាធិការគណៈ កម្មាធិការវិនិយោគកម្ពុជា ដើម្បីពិនិត្យពិភាក្សាលើសំណើសុំចុះបញ្ជីគម្រោងវិនិយោគមានលក្ខណសម្បត្តិគ្រប់គ្រាន់ចំនួន ១៣គម្រោងរបស់ក្រុមហ៊ុនដូចដែលបានលើកឡើងខាងលើ។
យោងតាមក្រុមប្រឹក្សាអភិវឌ្ឍន៍កម្ពុជា ក្នុងចំណោមគម្រោងវិនិយោគទាំង១៣ មុខសញ្ញាវិនិយោគក្នុងវិស័យឧស្សាហកម្មមានចំនួន១២គម្រោង ៖ ផលិតគ្រឿងសម្អាង,ផ្គុំដំទ្បើងបរិក្ខារអគ្គិសនី ,ផលិតក្រណាត់ជ្រលក់ពណ៌ និងផលិតផលវាយនភ័ណ្ឌ, ផលិតសម្ភារៈផ្ទះបាយ, ផ្គុំដំទ្បើងរថយន្ត, ផលិតមី និងគ្រឿងបន្សំសម្រាប់មី, ផលិតសម្ភារៈបោះជំរំ សម្ភារៈកីទ្បានិងគ្រឿងបន្ទាប់បន្សំ, ផលិតផើងផ្កា និងសម្ភារៈតុបតែងលម្អក្នុងសួនច្បារគ្រប់ប្រភេទ, ផលិតគ្រឿងសង្ហារិម, ផលិតផលិតផលកម្ចាត់សត្វល្អិត, និងវិស័យហេដ្ឋារចនាសម្ព័ន្ធចំនួន១គម្រោងគឺអភិវឌ្ឍន៍ស្ថានីយផលិតអគ្គិសនីដើរដោយថាមពលខ្យល់អានុភាព១៥០មេហ្កាវ៉ាត់។
ដោយឡែក សម្រាប់ទីតាំងដែលក្រុមហ៊ុនទាំង១៣ ស្នើសុំវិនិយោគរួមមាននៅក្នុងមូលដ្ឋាននៃខេត្តចំនួន៦ រួមមាន ខេត្តកណ្តាល, តាកែវ, កំពង់ស្ពឺ, កំពង់ឆ្នាំង, បាត់ដំបង និងខេត្តមណ្ឌលគិរី។
គួររំលឹកផងដែរថា កាលពីខែតុលា គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគមានលក្ខណសម្បត្តិគ្រប់គ្រាន់ចំនួន៨ ដែលទុនវិនិយោគសរុបប្រមាណ ៧៤,៣លានដុល្លារដែលមានទីតាំងនៅរាជធានីភ្នំពេញ ខេត្តតាកែវ កំពង់ស្ពឺ និងកំពង់ឆ្នាំង និងអាចបង្កើតការងារបានប្រមាណ ៤ ៤០០កន្លែង។
បើគិតក្នុងរយៈពេល១១ខែនៃឆ្នាំ២០២៥នេះ គណៈកម្មាធិការវិនិយោគកម្ពុជាបានសម្រេចុះបញ្ជីគម្រោងវិនិយោគចំនួន ៦០៩គម្រោង ក្នុងទំហំទុនវិនិយោគសរុបប្រមាណ ៩,៥ប៊ីលានដុល្លារអាម៉េរិក គឺចំនួន គម្រោងវិនិយោគមានការកើនឡើង ២២០គម្រោង ស្មើនឹងប្រមាណ ៥៧% ខណៈទុនវិនិយោគមានការកើនឡើងប្រមាណ៣ប៊ីលានដុល្លារអាម៉េរិកស្មើនឹងប្រមាណ ៤៧% បើប្រៀបធៀបនឹងរយៈពេលដូចគ្នាក្នុងឆ្នាំ ២០២៤ ដែលគណៈកម្មាធិការវិនិយោគកម្ពុជាបានចុះបញ្ជីគម្រោងវិនិយោគត្រឹមតែចំនួន ៣៨៩គម្រោងក្នុងទំហំទុនវិនិយោគប្រមាណ ៦,៥ ប៊ីលានដុល្លារអាម៉េរិក៕
Account
Security
Favourite Content