សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងឆ្នាំ២០២៤នេះ បើទោះបីជាបញ្ហាវិបត្តិសកលជាច្រើននៅមិនទាន់រលត់នៅឡើយ រាប់ចាប់តាំងតែពីជម្លោះដោយយោធារហូតទៅដល់បញ្ហាអតិផរណា និងសកម្មភាពធ្វើពាណិជ្ជកម្មសកលផងដែរនោះគេជឿជាក់ថា កំណើនសេដ្ឋកិច្ចរបស់អាស៊ាន ASEAN ទាំងមូលនឹងបន្តកើនឡើង។
ការព្យាករណ៍ចុងក្រោយមួយដែលធ្វើឡើងដោយ S&P Global Market Intelligence ដែលជាក្រុមហ៊ុនអ្នកជំនាញស្រាវជ្រាវ និងវិភាគសេដ្ឋកិច្ចអន្តរជាតិ និងផ្តល់ការប្រឹក្សាទៅលើគម្រោងវិនិយោគធំៗផងដែរនោះបានបង្ហាញថា បញ្ហាវិបត្តិសកលមិនបានធ្វើឲ្យប៉ះពាល់ធ្ងន់ធ្ងរឡើយដល់កំណើនសេដ្ឋកិច្ចអាស៊ានដែលនឹងអាចទទួលបានក្នុងឆ្នាំនេះ។
ក្នុងនោះកត្តាសំខាន់ៗដែលធ្វើឲ្យសេដ្ឋកិច្ចរបស់ក្រុមប្រទេសអាស៊ានមានភាពរឹងម៉ាំ និងធន់នោះ ដោយសារតែមានការគាំទ្រពីក្រោយដោយទំនុកចិត្តលើទីផ្សារក្នុងស្រុកពីសំណាក់ពលរដ្ឋក្នុងតំបន់ ជាពិសេសសកម្មភាពវិនិយោគពីបរទេសនៅក្នុងតំបន់។
The S&P Global បានសរសេរទៀតថា ទាំងនៅក្នុងពេលបច្ចុប្បន្ន និងរយៈពេលខាងមុខនេះ បណ្តាក្រុមហ៊ុនអន្តរជាតិធំៗរបស់ពិភពលោកនឹងធ្វើដំណើរជាបន្តបន្ទាប់ក្នុងការបណ្តាក់ទុន ធ្វើយ៉ាងណាឲ្យវាក្លាយទៅសង្វាក់ផលិតកម្មរបស់ខ្លួនក្នុងការផ្គត់ផ្គង់ទីផ្សារសកលលោក ហើយក្នុងនោះប្រទេសដែលមានឧស្សាហកម្មខ្ពស់នឹងអាចទទួលបានផលចំណេញខ្លាំងជាងគេ។
ប្រភពដដែលនេះក៏បានសរសេរដែរថា វិស័យទេសចរណ៍របស់ប្លុកអាស៊ានក៏នៅតែដើរតួជាកត្តាលីករដ៏សំខាន់ក្នុងការជំរុញសេដ្ឋកិច្ចសម្រាប់សមាជិកនីមួយៗផងដែរ ហើយជឿជាក់ថាវិស័យនេះនឹងងើបឡើងវិញកាន់តែល្អប្រសើរឡើងនៅក្នុងឆ្នាំ២០២៤នេះ។
គួរឲ្យដឹងដែរថា ទំហំសេដ្ឋកិច្ចរបស់អាស៊ានគិតជា GDP កាលពីឆ្នាំ២០២២ មានរហូតទៅដល់ ៣,៦ទ្រីលានដុល្លារ ពោលគឺច្រើនជាងទ្វេដង GDP របស់ខ្លួនឯងកាលពីឆ្នាំ២០០៩ ដែលគ្រានោះទទួលបានត្រឹមតែ ១,៦ទ្រីលានដុល្លារ៕
Account
Security
Favourite Content