សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី Oil Price បានរាយការណ៍ថា អារ៉ាប៊ីសាអូឌីត បានស្ម័គ្រចិត្តកាត់បន្ថយផលិតកម្មប្រេង ១ លានបារ៉ែលក្នុងមួយថ្ងៃនៅខែកក្កដាខាងមុខនេះ ហើយទីផ្សារលោកខាងលិចនឹងរងប៉ះពាល់ខ្លាំងជាងគេ។ ទន្ទឹមនឹងនេះ អារ៉ាប៊ីសាអូឌីតមានបំណងកាត់បន្ថយផលិតកម្មប្រេងឆៅរបស់ខ្លួនចំនួន ១ លានបារ៉ែលក្នុងមួយថ្ងៃ ដែលស្មើនឹងការធ្លាក់ចុះ ១០ ភាគរយសម្រាប់ខែកក្កដាខាងមុខនេះ។ ទីផ្សារលោកខាងលិច ជាពិសេសសហរដ្ឋអាមេរិកនឹងរងផលប៉ះពាល់ពីបញ្ហានេះច្រើនជាងទីផ្សារអាស៊ី។
ក្នុងប៉ុន្មានឆ្នាំថ្មីៗនេះ អារ៉ាប៊ីសាអូឌីត បានបន្ថយការនាំចេញប្រេងឆៅទៅកាន់សហរដ្ឋអាមេរិកយ៉ាងខ្លាំងក្នុងគោលបំណងរឹតបន្តឹងទីផ្សារសហរដ្ឋអាមេរិក។ នៅដើមខែនេះដែរ ក្រុមប្រទេសផលិតប្រេង OPEC + បានសម្រេចចិត្តរក្សាការកាត់បន្ថយបច្ចុប្បន្ននេះរហូតដល់ចុងឆ្នាំ២០២៤ ប៉ុន្តែអ្នកផលិតកំពូលរបស់ OPEC គឺអារ៉ាប៊ីសាអូឌីតបាននិយាយថា ខ្លួននឹងកាត់បន្ថយការផលិតដោយស្ម័គ្រចិត្ត ១ លានបារ៉ែលក្នុងមួយថ្ងៃនៅខែកក្កដាខាងមុខនេះ ហើយការកាត់បន្ថយនេះអាចនឹងត្រូវបន្តលើសពីខែកក្កដាទៀត។
មិនត្រឹមតែប៉ុណ្ណោះ ការកាត់បន្ថយថ្មីនេះទំនងជាជំរុញឱ្យតម្លៃប្រេងឡើងថ្លៃក្នុងរយៈពេលខ្លី ប៉ុន្តែឥទ្ធិពលបន្ទាប់ពីនោះនឹងអាស្រ័យលើការសម្រេចចិត្តរបស់អារ៉ាប៊ីសាអូឌីត។ ការកាត់បន្ថយទិន្នផលប្រងកាលពីលើកមុនបានជំរុញតម្លៃប្រេងឆៅម៉ាក Brent ឡើងថ្លៃដល់ទៅ ៨៧ ដុល្លារក្នុងមួយបារ៉ែល។ ប្រសិនបើតម្លៃប្រេងឡើងថ្លៃ នោះវាអាចជំរុញអត្រាអតិផរណា ការទិញធ្លាក់ចុះ និងជំរុញឱ្យធនាគារកណ្តាលអាមេរិកឆ្ពោះទៅរកការដំឡើងអត្រាការប្រាក់បន្ថែម។ លើសពីនេះ មូលនិធិរូបិយវត្ថុអន្តរជាតិ IMF ប៉ាន់ប្រមាណថា អារ៉ាប៊ីសាអូឌីតចង់ឲ្យតម្លៃប្រេងឡើងដល់ ៨០ ដុល្លារក្នុងមួយបារ៉ែល ដែលអាចរកប្រាក់ចំណូលប្រេងបានខ្ពស់ប្រកបដោយនិរន្តរភាព ដើម្បីជំរុញការអភិវឌ្ឍន៍ និងសេដ្ឋកិច្ចរបស់ខ្លួន។
យោងតាមប្រភពពដដែលបានបញ្ជាក់ថា កម្រិតផលិតកម្មក្នុងខែកក្កដានឹងក្លាយជាកម្រិតទាបបំផុតរបស់អារ៉ាប៊ីសាអូឌីតចាប់តាំងពីឆ្នាំ ២០១១។ បើទោះបីជាអារ៉ាប៊ីសាអូឌីតបានប្រកាសកាត់បន្ថយការផលិតនៅខែកក្កដាក៏ដោយ ប៉ុន្តែ Aramco ដែលជាក្រុមហ៊ុននាំចេញប្រេងឆៅធំបំផុតរបស់ពិភពលោកបានធានាដល់ក្រុមហ៊ុនចម្រាញ់ប្រេងអាស៊ីខាងជើងចំនួនប្រហែល ៥ ដែលពួកគេនឹងទទួលបានបរិមាណប្រេងឆៅពេញលេញដែលពួកគេបានស្នើសុំនៅក្នុងខែកក្កដា។ ដូច្នោះហើយ គេមើលឃើញថា អារ៉ាប៊ីសាអូឌីតផ្តល់អាទិភាពការផ្គត់ផ្គង់ប្រេងទៅកាន់ទីផ្សារអាស៊ីទូលាយជា ខណៈដែលកាត់បន្ថយការនាំចេញទៅកាន់សហរដ្ឋអាមេរិក៕
Account
Security
Favourite Content