សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពសារព័ត៌មានពីបរទេសបានលើកឡើងថា កាកាវគឺជាដំណាំដែលមានងាយរងនឹងហានិភ័យ ដោយសារវាមានរយៈពេលយូរចាប់តាំងពីការដាំរហូតដល់ការប្រមូលផល ងាយរងគ្រោះនឹងអាកាសធាតុ និទីផ្សារសកលដែលប្រែប្រួល។
ដើម្បីគ្រប់គ្រងហានិភ័យទាំងនេះ Kennemer Foods បានធ្វើការជាមួយអ្នកដាំកាកាវចំនួន ២០ ០០០ នាក់នៅប្រទេសហ្វីលីពីន។ ក្រុមហ៊ុននេះមានមូលដ្ឋាននៅប្រទេសហ្វីលីពីនបានប្តេជ្ញាចិត្តក្នុងការអភិវឌ្ឍន៍ជនបទដោយការលើកកម្ពស់តម្លាភាពទីផ្សារ ការផ្តល់តម្លៃសមធម៌សម្រាប់ផលិតផល និងការអនុវត្តកសិកម្មប្រកបដោយនិរន្តរភាព។ ការធ្វើការរួមគ្នាជាមួយនឹងកសិករ Kennemer Foods បានក្លាយជាអ្នកផ្គត់ផ្គង់គ្រាប់កាកាវដ៏ធំបំផុតរបស់ប្រទេសហ្វីលីពីនទៅកាន់ទីផ្សារអន្តរជាតិ ខណៈពេលដែលគាំទ្រដល់បេសកកម្មសង្គមដ៏រឹងមាំមួយ។ កសិករដែលធ្វើការជាមួយ Kennemer Foods ទទួលបានការកើនឡើងនៃទិន្នផលដល់ទៅ ៤០០ ភាគរយ។ Kennemer Foods ផ្តល់នូវការគាំទ្រដល់កសិករតាំងពីដើមរហូតដល់ចូលទីផ្សាររួមមានការបណ្តុះបណ្តាលពីសម្ភារៈដាំដុះដែលមានគុណភាពខ្ពស់ បច្ចេកវិទ្យា និងការបណ្តុះបណ្តាលក្នុងការអនុវត្តកសិកម្មល្អ តាមរយៈបណ្តាញអ្នកជំនាញខាងដាំកាកាវ។ កសិករដែលអនុវត្តតាមវិធីសាស្ត្ររបស់ពូកគេអាចទទួលបានទិន្នផលកើនឡើង ៤ ដង។
Kennemer Foods គឺជាក្រុមហ៊ុនកសិផលរបស់ប្រទេសហ្វីលីពីនដែលមានជំនាញខាងផលិត និងធ្វើទីផ្សារផលិតផលកសិកម្មដែលមានគុណភាពខ្ពស់ ហើយជាអ្នកផ្គត់ផ្គង់គ្រាប់កាកាវឈានមុខគេរបស់ហ្វីលីពីនទៅកាន់ទីផ្សារអន្តរជាតិ។ ក្រុមហ៊ុននេះមានជំនាញក្នុងការរីកលូតលាស់ដំណាំប្រកបដោយនិរន្តរភាព ការផ្តល់ប្រភព និងការជួញដូរដំណាំផ្សេងៗគ្នា។ ចំណុចស្នូលនៃគំរូអាជីវកម្មបរិយាបន្នរបស់ Kennemer Foods គឺកម្មវិធីសម្រាប់អ្នកដាំដុះ ដោយក្រុមហ៊ុនបានបង្កើតជាមធ្យោបាយមួយដើម្បីផ្គត់ផ្គង់ផលិតផលដែលមានគុណភាពខ្ពស់គ្រប់គ្រាន់ ដែលខ្លួនទទួលបានពីកសិករខ្នាតតូច។ Kennemer Foods បានធ្វើការជាមួយកសិករជាង ២០ ០០០ នាក់ ដែលដាំដើមកាកាវជាង ២០ លានដើម ដើម្បីបង្កើនទិន្នផល និងបង្កើនប្រាក់ចំណូលរបស់កសិករទាំងនោះ។
មិនត្រឹមតែប៉ុណ្ណោះ គំរូអាជីវកម្មកម្មវិធីអ្នកដាំដុះរបស់ Kennemer Foods គឺផ្តោតលើការផ្តល់សេវា និងទទួលបានការផ្គត់ផ្គង់ពីសហគមន៍កសិករខ្នាតតូចដែលផលិតដំណាំនៅក្នុងតំបន់ផ្សេងៗក្នុងប្រទេសហ្វីលីពីន។ កម្មវិធីសម្រាប់អ្នកដាំដុះដែលបានចាប់ផ្តើមផ្តោតលើដំណាំកាកាវមុនគេ គឺជាដំណោះស្រាយខ្សែសង្វាក់តម្លៃពីចុងដល់ចុងរបស់កសិករខ្នាតតូច ដែលរួមបញ្ចូលគ្នានូវការផ្តល់ហិរញ្ញប្បទានជាមួយនឹងការគាំទ្រដោយផ្ទាល់សម្រាប់សហគមន៍កសិករ។ លើសពីនេះ វារាប់បញ្ចូលទាំងការផ្តល់លទ្ធភាពទទួលបានដើមទុន ការផ្គត់ផ្គង់ដែលមានគុណភាពខ្ពស់សម្រាប់កសិកម្ម ការបណ្តុះបណ្តាលផ្នែកបច្ចេកវិទ្យា និងការគាំទ្រជាបន្តបន្ទាប់តាមរយៈបណ្តាញអ្នកត្រួតពិនិត្យចម្ការដែលមានបទពិសោធន៍ និងសហគ្រិនកសិករ។ បន្ថែមពីនេះ ការអនុវត្តរបស់កសិកម្មរបស់កសិករត្រូវបានត្រួតពិនិត្យ ដើម្បីចូលទៅកាន់ទីផ្សារអន្តរជាតិ។
ដំណាំដែលផលិតដោយ Kennemer Foods និងដំណាំដែលផ្គត់ផ្គត់ពីកសិករ គឺកាបូនសុទ្ធវិជ្ជមាន ដោយសារអត្ថប្រយោជន៍ពីវិធីសាស្រ្តកសិកម្ម។ ក្រៅពីនេះ Kennemer Foods មានវេទិកាបច្ចេកវិទ្យាដែលមានគោលបំណរៀបចំចម្ការ ឬ កសិដ្ឋានបែបឌីជីថល និងគ្រប់គ្រងកសិករ។ ដំណោះស្រាយនេះអនុញ្ញាតឱ្យក្រុមហ៊ុនពង្រីក និងគ្រប់គ្រងហានិភ័យបានប្រសើរជាងមុន ដោយទទួលបានទិន្នន័យកសិដ្ឋានពេញលេញ ការតាមដានផលិតផល និងរង្វាស់ផលប៉ះពាល់ដល់កសិករ អ្នកទិញ អ្នកហិរញ្ញវត្ថុ និងអ្នកវិនិយោគជាដើម។
Kennemer Foods បានបង្កើតគំនិតផ្តួចផ្តើមមួយដើម្បីរួមបញ្ចូលកសិករខ្នាតតូចឈានដល់ចំនួន ៣៥ ០០០ ទៅក្នុងខ្សែសង្វាក់តម្លៃរបស់ពួកគេនាពេលអនាគត។ គេប៉ាន់ប្រមាណថា តាមរយៈការជួយដល់កសិករដាំកាកាវខ្នាតតូចក្នុងកិច្ចខិតខំប្រឹងប្រែងផលិតរបស់ Kennemer Foods ក្រុមហ៊ុននេះសង្ឃឹមថានឹងជួយកសិករបង្កើនប្រាក់ចំណូលរបស់ពួកគេដល់ ៣ ៦០០ ដុល្លារអាម៉េរិកក្នុងមួយឆ្នាំ។ លើសពីនេះទៅទៀត ក្រុមហ៊ុនគ្រោងនឹងបណ្តុះបណ្តាលបន្ថែមជាង ១ ៣០០ នាក់នៅ ដើម្បីជំរុញពួកគេឲ្យក្លាយជាអ្នកជំណាញដាំកាកាវក្នុងប្រទេសហ្វីលីពីន៕
Account
Security
Favourite Content