សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សហរដ្ឋអាម៉េរិក កាលពីថ្ងៃទី ១ ខែសីហា កន្លងទៅថ្មីៗនេះ បានដាក់ឱ្យអនុវត្តនូវពន្ធបដិកាជាស្ថាពរបន្ទាប់ពីឆ្លងកាត់ការចរចាតាំងតែពីខែមេសា ឆ្នាំ២០២៥ ។ សម្រាប់កម្ពុជា បានចរចាអាត្រាពន្ធពី ៤៩% មកនៅត្រឹមតែ ១៩% ជាអាត្រាបន្ថយពន្ធដែលខ្ពស់ជាងគេបំផុតនៅលើពិភពលោក។ យ៉ាងណាក៏ដោយ អាត្រាពន្ធ ១៩%នេះ ក៏មិនបានជំរុញឱ្យកម្ពុជាមានប្រៀបទៅលើការប្រកួតប្រជែងសេដ្ឋកិច្ចក្នុងតំបន់ដែរ ដោយសារថៃ ម៉ាឡេស៊ី និងឥណ្ឌូនេស៊ី ក៏ទទួលបានអាត្រាពន្ធ ១៩% ហើយវៀតណា និងបង់ក្លាដែស ចំនួន ២០%។
បើតាមអ្នកជំនាញសេដ្ឋកិច្ចអន្តរជាតិ កម្ពុជា មានភាពចាំបាច់ក្នុងការសិក្សាលើចំណុចខ្លាំង និងខ្សោយរបស់ប្រទេសជិតខាងទាំងនេះ ដើម្បីអាចបន្តអភិវឌ្ឍន៍សេដ្ឋកិច្ចខ្លួនឱ្យកាន់តែប្រសើរ។
លោក Arnaud Darc នាយកប្រតិបត្តិនៃក្រុមហ៊ុន Thalias និងជាអ្នកជំនាញផ្នែកសេដ្ឋកិច្ច ពាណិជ្ជកម្មផងដែរនោះ បានលើកឡើងថា បច្ចុប្បន្ននេះ វៀតណាម កំពុងតែបន្ថែមការវិនិយោគរាប់ពាន់លានដុល្លារទៅលើវិស័យវាយនភណ្ឌ ហើយប្រទេសបង់ក្លាដែសឯណោះវិញ កំពុងចាប់យកការប្រើប្រាស់ប្រព័ន្ធស្វ័យប្រវត្តិកម្មទៅលើការផលិតរបស់ខ្លួន។ ដោយឡែក សម្រាប់ឥណ្ឌូនេស៊ីវិញ ក៏បានកាត់បន្ថយថ្លៃដឹកជញ្ជូនបានយ៉ាងច្រើនផងដែរ។
ដោយផ្អែកលើមូលហេតុទាំងនេះ លោកយល់ឃើញថា កម្ពុជាមិនអាចឱបដៃឈរមើលប្រទេសក្នុងតំបន់ចាត់វិធានការបែបបន្ទាន់នេះទេ ផ្ទុយទៅវិញ កម្ពុជាត្រូវតែត្រៀមលក្ខណៈសម្រាប់ប្រកួតប្រជែងជាមួយពួកគេទាំងបច្ចុប្បន្ន និងរយៈពេល៥ឆ្នាំទៅមុខ។ ប្រសិនបើកម្ពុជាមិនចាត់វិធានការណាមួយទេ វាអាចទៅរួចដែលវិនិយោគិនបរទេសដកការវិនិយោគពីកម្ពុជាទៅដាក់នៅប្រទេសក្នុងតំបន់វិញ ហើយនៅពេលនោះប្រជាជនកម្ពុជារាប់ម៉ឺននាក់ដែលកំពុងបម្រើការងារនៅក្នុងឧស្សាហកម្មកាត់ដេរ នឹងទទួលរងផលប៉ះពាល់ទៅលើការងាររបស់ពួកគេ។ រឿងមួយទៀត ប្រសិនបើកម្ពុជាចង់ឈានទៅប្រកួតប្រជែងជាមួយប្រទេសក្នុងតំបន់ រឿងដែលកម្ពុជាត្រូវធ្វើបន្ទាប់ទៀតគឺកាត់បន្ថយថ្លៃដើមផលិត ដែលរួមមានថ្លៃអគ្គិសនី និងថ្លៃដឹកជញ្ជូន។
លោកសង្កត់ធ្ងន់ថា៖
« ថ្លៃអគ្គិសនីកម្ពុជាបច្ចុប្បន្ន មានតម្លៃចន្លោះពី ៤០០រៀល ទៅ ៧០០រៀល ក្នុងមួយគីឡូវ៉ាត់ ដែលចំនួននេះគឺស្មើនឹង ៣០% ទៅ ៥០% ខ្ពស់ជាងតម្លៃអគ្គិសនីរបស់ប្រទេសវៀតណាម និងឥណ្ឌូនេស៊ី។ ចំណុចបន្ទាប់ដែលកម្ពុជាត្រូវគិតគូរដែរនោះគឺពង្រឹងនូវចំណុចខ្លាំងដែលខ្លួនមានស្រាប់។ ត្រង់ចំណុចនេះ កន្លងមក កម្ពុជាមានកេរ្តិ៍ឈ្មោះល្បីល្បាញស្រាប់ទៅហើយ ទៅលើការអនុលោមតាមច្បាប់ការងារ ការដឹកជញ្ជូនទំនិញបានទាន់ពេលវេលា និងការរក្សាគុណភាពទំនិញឱ្យនៅឋេរ។ ម្យ៉ាងទៀត រដ្ឋាភិបាលកម្ពុជាក៏បានដាក់ចេញនូវច្បាប់ និងគោលនយោបាយជាច្រើន ដែលអនុគ្រោះដល់វិនិយោគិនក្នុងការបណ្ដាក់ទុនរកស៊ីនៅកម្ពុជា»។
លោកបានសង្កត់ធ្ងន់ថា ៖ ជារួម ប្រសិនបើកម្ពុជាអាចកាត់បន្ថយថ្លៃដើមផលិតបាន កម្ពុជានឹងអាចរក្សាវិនិយោគិនដែលមានស្រាប់ ព្រមទាំងមានលទ្ធភាពទាក់ទាញវិនិយោគិនមកបន្ថែមទៀតផង ដោយហេតុថា ផលិតផលរបស់កម្ពុជាបានឈរជើងរឹងមុំានៅលើទីផ្សាររបស់អាម៉េរិករួចស្រាប់ទៅហើយ៕
Account
Security
Favourite Content