សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រជាពលរដ្ឋកម្ពុជា នៅតាមទីជនបទកាន់តែច្រើនចាប់ផ្តើមប្រើប្រាស់ការទូទាត់ប្រាក់តាមប្រព័ន្ធអេឡិចត្រូនិក ឬប្រព័ន្ធឌីជីថល ជាក់ស្តែងប្រជាជនរស់នៅក្នុងឃុំកន្ទឺ២ ដែលជាទីជនបទមួយ ស្ថិតក្នុងស្រុកបាណន់ ខេត្តបាត់ដំបង បានប្រើប្រាស់ប្រព័ន្ធទូទាត់ប្រាក់តាមប្រព័ន្ធអេឡិចត្រូនិក GR Code ដែលបានបង្កភាពស្រួលដល់អាជីវកម្ម និងការរស់នៅប្រចាំថ្ងៃរបស់ពួកគាត់។
លោកស្រី គឹម លឿន អ្នកលក់ដូរអ៊ីវ៉ាន់ចាប់ហួយ ក្នុងឃុំកន្ទឺ២ ដែលជាទីជនបទមួយស្ថិតក្នុងស្រុកបាណន់ ខេត្តបាត់ដំបង បានឱ្យដឹងថា ចាប់តាំងពីប្រើប្រាស់ប្រព័ន្ធទូទាត់ QR Code ការគិតគូរប្រាក់កាសរបស់អ្នកស្រុកគឺកាន់តែមានភាពងាយស្រួលសម្រាប់ការអាជីវកម្មរបស់លោកស្រី ដោយសារតែការទូទាត់តាមប្រព័ន្ធអេឡិចត្រូនិកលឿន ដោយគ្រាន់តែស្កែនរួច អ្នកទិញគាត់គ្រាន់ទូទាត់ប្រាក់តាមចំនួនទំនិញដែលគាត់យក។
លោកស្រីបានថ្លែងដូច្នេះថា ៖
“ចាប់តាំងពីមានប្រព័ន្ធ QR Code នេះ វាអាចជួយសម្រួលដល់អាជីវកម្មរបស់ខ្ញុំបានមួយចំណែកថែមទៀត ហើយវាកាត់បន្ថយពេលវេលាក្នុងការទូទាត់ប្រាក់ជាជាងការទូតទាត់ជាសាច់ប្រាក់”
លោកស្រីបានបន្តថា ភាគច្រើនប្រជាជននៅក្នុងតំបន់បាណន់ ទូទាត់ប្រាក់តាមប្រ័ន្ធ QR Code នេះត្រូវបានធ្វើឡើងជាប្រាក់រៀលច្រើនជាងប្រាក់ដុល្លារ។
ការទូទាត់ប្រាក់តាមប្រ័ន្ធ QR Code នេះគឺធ្វើឡើងស្របជាមួយគ្នាគោលរបាយការណ៍របស់ធនាគារជាតិនៃកម្ពុជា ក្នុងគោលដើម្បីលើកកម្ពស់តម្លៃប្រាក់រៀល ដោយសារការទូទាត់ប្រាក់តាមប្រ័ន្ធ QR Code នេះអាចទូទាត់បានជាប្រាក់រៀល។
លោក យុទ្ធី ភីកូរ៉ាត់ បុគ្គលិកមួយរូបបម្រើការឱ្យផ្សារទំនើប Lucky សាខាបាត់ដំបង បានសង្កេតឃើញថា បច្ចុប្បន្ន ការទូទាត់ប្រាក់តាមប្រព័ន្ធដីជីថលកំពុងតែមានភាពពេញនិយមសម្រាប់ប្រជាជននៅខេត្តបាត់ដំបងនេះ ដោយសារការទូទាត់តាមប្រព័ន្ធនេះបង្កភាពងាយស្រួលដល់ប្រជាជន ដោយពួកគាត់គ្រាន់តែមានទូរស័ព្ទ (ស្មាតហ្នូន) ជាមួយគណនីធនាគារមានសាច់ប្រាក់ ដើម្បីទូទាត់សម្រាប់ការទិញទំនិញគឺរួចជាស្រេច។
លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារ អេស៊ីលីដា បានថ្លែងថា ក្នុងឆ្នាំ២០០០ ប្រទេសកម្ពុជាមានហេដ្ឋារចនាសម្ព័ន្ធទូរគមនាគន៍ ដូច្នជាខ្សែកាបអុបទិក ប៉ុន្តែធនាគារនានាមិនបានប្រើប្រាស់នៅឡើយ។ ធនាគារ ភាគច្រើនប្រតិបត្តិការដោយផ្ទាល់ (offline) ពឹងផ្អែកលើម៉ាស៊ីនទូរសារ ដែលប្រឈមនឹងបញ្ហាជាច្រើន ពេលខ្លះហត្ថលេខាមិនច្បាស់ ហើយមានបញ្ហាដាច់ចរន្តអគ្គិសនី បញ្ហាសុវត្ថិភាព និងការផ្ទៀងផ្ទាត់ជាដើម ដែលយើងត្រូវចំណាយពេលវេលាជាច្រើន។
លោកបណ្ឌិតបានថ្លែងបន្តថា ៖
“ដូច្នេះ យើងសម្រេចជួលខ្សែកាបអុបទិកថ្មីពីរដ្ឋាភិបាល និងបានចាប់ផ្តើមសេវាធនាគារតាមប្រព័ន្ធស្វ័យ ប្រវត្តិកម្ម (online) និងប្រើប្រាស់ ប្រព័ន្ធបច្ចេកវិទ្យាស្នូល T24 របស់ក្រុមហ៊ុន TEMENOS នៃប្រទេសស្វ៊ីស ហើយអាជីវកម្មរបស់ធនាគារបានរីកចម្រើនយ៉ាងខ្លាំងក្លា”
លោកបានថ្លែងទៀតថា ៖
“ឥណទាន និងប្រាក់បញ្ញើរបស់យើងមានកំណើនយ៉ាងឆាប់រហ័សពី២០០ កម្មហិរញ្ញវត្ថុទៅ ៣០០ ភាគរយក្នុងមួយឆ្នាំ ពេលយើងពង្រីកប្រតិបត្តិការទៅដល់ខេត្តមួយចំនួន ដូចជាខេត្តប៉ៃលិនដែលពុំទាន់មានខ្សែកាបអុបទិក ដូច្នេះយើងត្រូវជួលផ្កាយរណបតូចៗពីមន្ទី បន្ទាប់មក ទូរគមនាគមន៍។ គោលបំណងរបស់យើងយើងគឺផ្តល់ការតភ្ជាប់តាមប្រព័ន្ធអនឡាញនៅទូទាំងប្រទេស”
លោកបណ្ឌិតបានថ្លែងដូច្នេះថា នេះគឺជាការពង្រីកដ៏សំខាន់ ដែលមិនត្រឹមតែពង្រីកសាខា និងការិយាល័យប៉ុណ្ណោះទេ ប៉ុន្តែថែមទាំងបានពង្រីកបណ្តាញ និងទូរគមនាគមន៍ដើម្បីបញ្ជូនទិន្នន័យផងដែរ។ ជាក់ស្ដែងដូចជាចក្ខុវិស័យរបស់ អេស៊ីលីដា គឺផ្តល់សេវាកម្មហិរញ្ញវត្ថុល្អបំផុតជូនដល់សាធារណជនគ្រប់មជ្ឈដ្ឋានក្នុងសហគមន៍។
លោកបណ្ឌិតបានបញ្ជាក់ថា ៖
“យើងបាននាំយកសេវាហិរញ្ញវត្ថុពីរាជធានីភ្នំពេញទៅដល់បណ្តាខេត្ត ដែលបេសកកម្មរបស់យើងគឺបម្រើគ្រប់ផ្នែក។ យើងផ្តល់ចំណេះដឹងអំពីសេវាធនាគារនៅទូទាំងប្រទេស។ ពីមុនប្រជាជនមិនទាន់ចេះប្រើប្រាស់សេវាធនាគារផ្លូវការទេ ប៉ុន្ដែបានផ្លាស់ប្តូរហើយ។ ឥឡូវពួកគេចេះប្រើប្រាស់សេវាធនាគារបែបប្រពៃណី ធនាគារតាមប្រព័ន្ធអេឡិចត្រូនិក និងឌីជីថល។ ប្រជាជននៅតំបន់ជនបទ អាចប្រើប្រាស់សេវាធនាគារ អាចធ្វើការសន្សំប្រាក់ ឬផ្ទេរប្រាក់ ដូចអ្នកដែលរស់នៅតំបន់ទីប្រជុំជនដែរ”
គួរបញ្ជាក់ថា បច្ចុប្បន្ន ធនាគារអស៊ីលីដា មានសាខា និងការិយាល័យចំនួន ២៦២ បូករួមទាំងមជ្ឈមណ្ឌលសេវាកម្មធនាគារឌីជីថលចំនួនច្រើនជាង ៧០កន្លែងផ្សេងទៀត ដោយធនាគារមានលេចធ្លោនៅក្នុងព្រះរាជាណាចក្រកម្ពុជា ក្នុងចំណោមធនាគារពាណិជ្ជសរុបប្រមាណ ៥៧នៅទូទាំងប្រទេស៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content