ម្នាស់ទឹកឃ្មុំខ្មែរ មានរសជាតិផ្អែមឆ្ងាញ់កំពុងមានប្រជាប្រិយភាពទាំងទីផ្សារក្នុងស្រុក និងបរទេស

បើនិយាយពីដំណាំម្នាស់ គេមិនអាចមើលរំលងបានទេនូវរសជាតិម្នាស់ទឹកឃ្មុំខេត្តស្ទឹងត្រែងដែលត្រូវបានដាំដុះលើផ្ទៃដីធំល្វឹងល្វើយ និងថែទាំយ៉ាងហ្មត់ចត់តាមស្តង់ដាកសិកម្មបែបទំនើបបានយ៉ាងត្រឹមត្រូវ។

ស្ថិតនៅទីតាំងដ៏ល្អ ដីមានជីវជាតិ និងមានវិសាលភាពធំទូលាយនៅក្នុងស្រុកសៀមបូក ខេត្តស្ទឹងត្រែង ដែលអនុញ្ញាតដល់ការដាំម្នាស់ទឹកឃ្មុំបានប្រមាណ ២០ម៉ឺនដើមក្នុងរូបភាពជាកសិដ្ឋាន Royal Sweet Pineapple អាចមានលទ្ធភាពប្រមូលផលប្រចាំថ្ងៃបានយ៉ាងហោចណាស់ ២-៣តោនក្នុង១ថ្ងៃ។

ម្ចាស់កសិដ្ឋានដាំម្នាស់ Royal Sweet Pineapple លោក សាយ ពន្លឺចិត្តៈ ករុណា បានមានប្រសាសន៍ប្រាប់ AMS ថា ៖

«ខ្ញុំដាំម្នាស់ទឹកឃ្មុំដោយសារវាមានសក្ដានុពលខ្ពស់ រសជាតិឆ្ងាញ់ គេពេញនិយមច្រើនដែលកសិករខ្មែរនៅមិនអាចបំពេញតម្រូវការទីផ្សារបាននៅឡើយ។ ខ្ញុំបានចាប់ផ្តើមការដាំដុះតាំងពីឆ្នាំ២០០៨ នៅលើផ្ទៃដីទំហំប្រមាណ៥០ម៉ែត្រការ៉េតែប៉ុណ្ណោះ»

លោកថា បច្ចុប្ប​ន្នកសិដ្ឋានេះមានម្នាស់ទឹកឃ្មុំប្រមាណ ២០ម៉ឺនដើម ដែលអាចប្រមូលផលបាន ២-៣ តោនក្នុង១ថ្ងៃ ដោយគម្រោងបន្ទាប់នឹងបង្កើនការដាំដុះឲ្យបាន៤៥ម៉ឺនដើមនៅត្រឹមចុងឆ្នាំ២០២១ ហើយឆ្ពោះទៅរកលទ្ធភាពសម្រាប់ឆ្នាំ២០២២ ដែលអាចដាំបានចន្លោះពី ៥០ម៉ឺនទៅ ១លានដើម។ 

ផ្លែម្នាស់ស្រស់របស់កសិដ្ឋានស្ថិតនៅស្រុកសៀមបូក ខេត្តស្ទឹងត្រែងនេះ ទទួលបានការគាំទ្រច្រើនមិនថាទីផ្សារនៅរាជធានីភ្នំពេញ តាមបណ្ដាខេត្តផ្សេងៗ ក៏ដូចជាទីផ្សារក្រៅប្រទេសផងដែរ។ តួយ៉ាងបច្ចុប្បន្ននេះ មានក្រុមហ៊ុនពីប្រទេសអ៊ីស្រាអែល និងឌូបៃក៏ពេញចិត្តរសជាតិរបស់ម្នាស់ទឹកឃ្មុំនៅដែនដីឦសាននេះដែរ ហើយគ្រោងនាំចេញថែមទៀតផង ប៉ុន្តែត្រូវបានរាំងស្ទះដោយបញ្ហាជំងឺកូវីដ-១៩។ 

ចំពោះទីផ្សារម្នាស់ទឹកឃ្មុំនេះ ត្រូវបានលោក ករុណា បញ្ជាក់ថា គេអាចលក់បានក្នុងតម្លៃ ៥,០០០-១០,០០០រៀលក្នុង១ផ្លៃអាស្រ័យតាមទំហំផ្លែ ឬមានតម្លៃ ៥,០០០-៦,០០០រៀលក្នុងមួយគីឡូក្រាម។ ជាមួយនឹងភាពល្អប្រសើរនៃតម្រូវការទីផ្សារនាពេលបច្ចុប្បន្ន ម្នាស់ទឹកឃ្មុំខេត្តស្ទឹងត្រែង ក្រៅពីលក់ជាផ្លៃស្រស់នោះ ម្ចាស់កសិដ្ឋានក៏មានការកែច្នៃជាទឹកម្នាស់មានរសជាតិផ្អែមឈ្ងុយឆ្ងាញ់ និងមានប្រយោជន៍ចំពោះសុខភាព។ ក្រៅពីនេះ កសិដ្ឋានក៏មានលក់ជាកូនម្នាស់សម្រាប់អ្នកចង់យកទៅដាំបន្តផងដែរ។

ទាក់ទងទៅនឹងរយៈពេលនៃការដាំម្នាស់ទឹកឃ្មុំប្រភេទនេះ គឺត្រូវការពេល១៤ខែ ទើបអាចប្រមូលផលពេញលេញបាន។ ចំណែកឯពាក់ព័ន្ធទៅនឹងបច្ចេកទេសលើករាដាំដុះវិញ ត្រូវបានលោកបញ្ជាក់ថា វិធីសាស្ត្រថែទាំ និងក្បួនដាំដុះប្រមាណ​ ៩០ភាគរយគឺលោកប្រើប្រាស់ជំនាញដែលទទួលបានពីការបណ្តុះបណ្តាល សិក្សាលម្អិតពីកសិឧស្សាហកម្មនៅសាកលវិទ្យាល័យភូមិន្ទកសិកម្មចំការដូង។

ចំពោះបញ្ហាប្រឈម លោកក៏បានលើកឡើងដែរថា ៖

«ដំបូងឡើយយើងជួបបញ្ហាច្រើនទាក់ទងនឹងទីផ្សារតែក៏ត្រូវបានដោះស្រាយ ដោយសារបងប្អូនប្រជាពលរដ្ឋយើងមានការនិយមគាំទ្រច្រើនទាំងផ្លែស្រស់ និងទឹកម្នាស់។ នៅថ្ងៃមុខ ម្ចាស់កសិដ្ឋានខាងលើមានចក្ខុវិស័យវែងឆ្ងាយ ចង់ដាំដំណាំចំរុះបន្ថែម ជាពិសេសពពួកផ្លែឈើដែលមានគុណប្រយោជន៍ចំពោះសុខភាព គ្មានជាតិគីមី និងមានតម្លៃសមរម្យដែលប្រជាជនខ្មែរអាចមានទទួលទានបានយ៉ាងរីករាយ។ ជាមួយគ្នានេះ លោកក៏កំពុងស្វះស្វែងរកដៃគូសហការដើម្បីផលិតទឹកម្នាស់ឱ្យបានច្រើន និងមានតម្លៃសមរម្យជាងមុន»

​សម្រាប់អ្នកដែលចង់ធ្វើអាជីវកម្មប្រភេទនេះ លោក សាយ ពន្លឺចិត្តៈ ករុណា​ បានជូនជាមតិខ្លីៗថា គួរសិក្សាបន្ថែមពីជំនាញ និងចំណេះដឹងពាក់ព័ន្ធទៅនឹងការដាំដុះ ការធានាឱ្យបាននូវគុណភាព និងសុវត្ថិភាពនៃផ្លៃម្នាស់ ដែលមិនប៉ះពាល់ចំពោះសុខភាពអតិថិជន ពោលគឺឈរលើគោលការណ៍គុណភាពជាចម្បងមិនត្រូវគិតតែផលចំណេញរហូតប្រើប្រាស់ប្រភេទជីគីមីថែទាំនោះទេ។

ជាចុងក្រោយក្នុងនាមរូបលោកជាម្ចាស់កសិដ្ឋានចំការម្នាស់ទឹកឃ្មុំក៏សូមថ្លែងអំណរគុណដល់អតិថិជនទាំងទីជិតទីឆ្ងាយដែលបានគាំទ្រម្នាស់ដែលជាកសិផលក្នុងស្រុក ហើយលោកនឹងខិតខំបង្កើននូវផលិតផលឱ្យកាន់តែល្អ និងច្រើនបន្ថែមទៀតសម្រាប់ផ្គត់ផ្គង់នៅក្នុងទីផ្សារក្នុងស្រុក និងឈានទៅដល់ការនាំចេញទិន្នផលដែលចេញពីទឹកដៃកសិករខ្មែរផ្គត់ផ្គង់ទីផ្សារក្រៅស្រុកនៅពេលខាងមុខនេះ។



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាជីវកម្ម​ត្រី​ចំហុយ​ខ្មែរ​នៅ​ព្រែក​ព្នៅ ​​បង្កើត​តម្លៃ​បន្ថែម​តាមរយៈ​គុណភាព និង​ការ​វេចខ្ចប់​បែប​ធម្មជាតិ​

ជំនួញ, ព្រឹត្តិការណ៍

• 18/11/2026

​ ​អាជីវកម្ម​ត្រី​ចំហុយ​ខ្នាត​គ្រួសារ​មួយ​នៅ​ខណ្ឌ​ព្រែក​ព្នៅ​ ​រាជធានី​ភ្នំពេញ​ ​កំពុង​បង្កើត​ភាព​ខុសប្លែក​ក្នុង​ទីផ្សារ​ម្ហូប​អាហារ​តាម​អនឡាញ​ ​តាមរយៈ​ការ​ផ្តោត​លើ​គុណភាព​ អនាម័យ ​និង​ការ​វេចខ្ចប់​បែប​ធម្មជាតិ​ ​ដោយ​ប្រើប្រាស់​អនុផល​ព្រៃឈើ​ក្នុង​ស្រុក​ ​ជំនួស​ឱ្យ​ប្រអប់​ស្នោ

ប្រធានាធិបតីបារាំង អេម៉ានុយអែល ម៉ាក្រុង កោតសរសើរដល់ក្រុមហ៊ុន កាណាឌីយ៉ា គ្រុប នៅក្នុងព្រឹត្តិការណ៍ ហ្រ្វង់កូតិច (FrancoTech)

ព្រឹត្តិការណ៍, អត្ថបទពាណិជ្ជកម្ម

• 18/11/2026

ភ្នំពេញ ៖ នៅក្នុងថ្ងៃទី២ នៃព្រឹត្តិការណ៍ ហ្រ្វង់កូតិច (FrancoTech) លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បានជួបជាមួយ ឧកញ៉ាវេជ្ជបណ្ឌិត ពុង ការ៉ូលីន (Carolyne Pung) អនុប្រធានក្រុមប្រឹក្សាភិបាលក្រុមហ៊ុន កាណាឌីយ៉ា គ្រុប

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ