សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃមាសឡើងថ្លៃ ខណៈពេលដែលតម្លៃប្រេងធ្លាក់ចុះយ៉ាងខ្លាំង បន្ទាប់ពីមានដំណឹងអំពីកិច្ចព្រមព្រៀងបញ្ចប់ជម្លោះរវាងអាម៉េរិក និងអ៊ីរ៉ង់ ដោយមានប៉ាគីស្ថានជាអ្នកសម្របសម្រួល។ នេះបើយោងតាមការរាយការណ៍ពី Anadolu Agency។
ទន្ទឹមនឹងនេះ តម្លៃប្រេងឆៅ Brent ធ្លាក់ចុះប្រហែល ៤ ភាគរយ ឬ ៨៤ ដុល្លារក្នុងមួយបារ៉ែល ខណៈដែលតម្លៃប្រេង West Texas Intermediate ៥,៦ ភាគរយ ឬ ៨០,១៣ ដុល្លារក្នុងមួយបារ៉ែល។ យ៉ាងណាមិញ តម្លៃជួញដូរមាសឡើងថ្លៃជាង ១,៨ ភាគរយ ឬ ៤ ២៩៧,៤២ ដុល្លារក្នុងមួយអោននៅលើទីផ្សារអន្តរជាតិ។ នៅលើទីផ្សារកម្ពុជា តម្លៃមាសឡើងថ្លៃ ៥ ១៧២ ដុល្លារក្នុងមួយតម្លឹង និង ៥១៧ ដុល្លារក្នុងមួយជី។
តម្លៃមាសឡើងថ្លៃ ខណៈពេលដែលតម្លៃប្រេងធ្លាក់ចុះយ៉ាងខ្លាំង បន្ទាប់ពីមានព័ត៌មានអំពីកិច្ចព្រមព្រៀងរវាងទីក្រុងវ៉ាស៊ីនតោន និងទីក្រុងតេអេរ៉ង់ដែលគ្រោងនឹងចុះហត្ថលេខានៅថ្ងៃសុក្រខាងមុខនេះ។ បន្ទាប់ពីមានជម្លោះអស់រយៈពេលជាង ៣ ខែកន្លងមក ពួកគេនឹងឈានដល់កិច្ចព្រមព្រៀងមួយដើម្បីបញ្ចប់ជម្លោះ ដែលជំរុញឱ្យតម្លៃប្រេងធ្លាក់ចុះ និងបន្ធូរបន្ថយការព្រួយបារម្ភអំពីអតិផរណា និងអត្រាការប្រាក់ខ្ពស់។
កាលពីថ្ងៃច័ន្ទ នាយករដ្ឋមន្ត្រីប៉ាគីស្ថាន លោក Shehbaz Sharif ប្រកាសថា អាម៉េរិក និងអ៊ីរ៉ង់បានឈានដល់កិច្ចព្រមព្រៀងមួយ បន្ទាប់ពីមានការចរចារដ៏តឹងតែង។ លោក Sharif បង្ហោះនៅលើប្រព័ន្ធផ្សព្វផ្សាយ X ថា ”បន្ទាប់ពីកិច្ចពិភាក្សាដ៏ល្អិតល្អន់ យើងមានសេចក្តីរីករាយក្នុងការប្រកាសថា កិច្ចព្រមព្រៀងសន្តិភាពរវាងសហរដ្ឋអាម៉េរិក និងសាធារណរដ្ឋអ៊ីស្លាមអ៊ីរ៉ង់ត្រូវបានសម្រេចហើយ។ ភាគីទាំងពីរបានប្រកាសពីការបញ្ចប់សកម្មភាពយោធាទាំងអស់ជាបន្ទាន់ និងជាអចិន្ត្រៃយ៍ រួមទាំងនៅក្នុងប្រទេសលីបង់ផងដែរ។”
យោងតាមលោក Sharif បានឲ្យដឹងថា ពិធីចុះហត្ថលេខាជាផ្លូវការលើកិច្ចព្រមព្រៀងសន្តិភាពនេះនឹងត្រូវធ្វើឡើងនៅថ្ងៃទី ១៩ មិថុនាខាងមុខនេះ នៅក្នុងប្រទេសស្វីស៕
Account
Security
Favourite Content