ការនាំចេញគ្រាប់ធញ្ញជាតិពីអ៊ុយក្រែនមានចំនួនតិចតួចបំផុត

រយៈពេល៣សប្តាហ៍កន្លងផុតទៅ បន្ទាប់ពីកិច្ចព្រមព្រៀងចតុភាគីលើការនាំចេញគ្រាប់ធញ្ញជាតិដែលត្រូវបានចុះហត្ថលេខាកាលពីថ្ងៃទី២២ ខែកក្កដា យ៉ាងហោចណាស់នាវា១៤គ្រឿងដែលដឹកគ្រាប់ធញ្ញជាតិសំខាន់ៗ មានស្រូវសាឡី ពោត ជាដើម ដែលមានបរិមាណជិត៥០ម៉ឺនតោន បានចាកចេញពីកំពង់ផែចំនួន៣ពីប្រទេសអ៊ុយក្រែន ខណៈដែលសង្គ្រាមក្នុងប្រទេសនេះ កំពុងបន្តឆាបឆេះយ៉ាងខ្លាំង ដោយសារការប្រើប្រាស់អាវុធកាន់តែទំនើប។

អ្វីដែលជារឿងគួរឱ្យសោកស្តាយគឺថាក្នុងចំណោមនាវាដឹកធញ្ញជាតិទាំងនោះមិនត្រូវបានដឹកទៅកាន់ប្រទេសដែលប្រឈមការខ្វះខាតស្បៀងអាហារធ្ងន់ធ្ងរនោះទេ ដោយភាគច្រើននាំចេញទៅកាន់ប្រទេសអ្នកមាន ដែលបញ្ជាទិញក្នុងតម្លៃខ្ពស់ក្រោមរូបភាពនៃ «កិច្ចសន្យាពាណិជ្ជកម្ម» ។ នេះបើយោងតាមសេចក្តីរាយការណ៍របស់កាសែត New York Times ដែលមានមូលដ្ឋាននៅសហរដ្ឋអាមេរិក។

“រហូតមកដល់ពេលនេះគ្មាននាវាណាមួយក្នុងចំណោមនាវាដឹកគ្រាប់ធញ្ញជាតិ១៤គ្រឿង ដែលបានចាកចេញពីអ៊ុយក្រែន ធ្វើដំណើរទៅកាន់ប្រទេសដែលប្រឈមនឹងការខ្វះខាតស្បៀងអាហារនោះទេ ដោយសារតែពួកគេកំពុងដឹកគ្រាប់ធញ្ញជាតិ ដែលបានទិញក្រោមកិច្ចសន្យាពាណិជ្ជកម្ម”

យោងសេចក្តីរាយការណ៍របស់ទីភ្នាក់ងារសារព័ត៌មានតួកគី (aa.com.tr) កាលពីសប្តាហ៍មុន កប៉ាល់ឈ្មោះ Rojen ដែលបំពាក់ទង់ជាតិម៉ាល់តា (Malta) ដឹកពោត ១៣ ០០០ តោនពីកំពង់ផែ Chornomorsk នៃប្រទេសអ៊ុយក្រែន ធ្វើដំណើរទៅកាន់ប្រទេសអង់គ្លេស។

តាមសេចក្តីរាយការណ៍របស់ទីភ្នាក់ងារព័ត៌មានដដែលនេះ កប៉ាល់ដឹកគ្រាប់ធញ្ញជាតិ Polarnet ដែលបំពាក់ទង់ជាតិតួកគី កប៉ាល់ Navi-star បំពាក់ទង់ជាតិអៀរឡង់ កប៉ាល់ Osprey S បំពាក់ទង់ជាតិលីបេរីយ៉ានៃតំបន់អាហ្វ្រិកខាងលិច បានចូលដឹកគ្រាប់ធញ្ញជាតិជាបន្តបន្ទាប់ទៅកាន់កំពង់ផែចំនួន៣ ដែលមានចែងក្នុងកិច្ចព្រមព្រៀង មានដូចជា កំពង់ផែ Odesa, Chornomorsk និងកំពង់ផែ Yuzhny នៃប្រទេសអ៊ុយក្រែន។

ដោយសារការដឹកទំនិញភាគច្រើនធ្វើឡើងក្រោមរូបភាពនៃកិច្ចសន្យាពាណិជ្ជកម្ម អង្គការសហប្រជាជាតិ បានជួលកប៉ាល់ដឹកទំនិញឈ្មោះថា «Brave Commander» សម្រាប់ដឹកគ្រាប់ធញ្ញជាតិអ៊ុយក្រែនដោយផ្ទាល់ទៅកាន់ប្រទេសដែលរងផលប៉ះពាល់ខ្លាំងបំផុត ដោយកង្វះខាតនេះ។

យោងតាមការចេញផ្សាយរបស់ New York Times វាគឺជាកប៉ាល់ដំបូងគេ ដែលត្រូវបានជួលឱ្យដឹកគ្រាប់ធញ្ញជាតិទៅកាន់ប្រទេសដែលរងផលប៉ះពាល់យ៉ាងធ្ងន់ធ្ងរដោយកង្វះស្បៀងអាហារ ចាប់តាំងពីកិច្ចព្រមព្រៀងរវាងអ៊ុយក្រែន និងរុស្ស៊ី បានអនុញ្ញាតឱ្យការដឹកជញ្ជូនបន្តឡើងវិញ។

មន្ត្រីអង្គការសហប្រជាជាតិ បាននិយាយថាកប៉ាល់ទី១ ដែលត្រូវបានជួលឱ្យដឹកគ្រាប់ ធញ្ញជាតិអ៊ុយក្រែនដោយផ្ទាល់ទៅកាន់ផ្នែកដែលរងគ្រោះដោយទុរ្ភិក្សនៃ «Horn of Africa» ចាប់តាំងពីការលុកលុយរបស់រុស្ស៊ីបានបញ្ឈប់ការនាំចេញអាហារកាលពី៦ ខែមុននឹងមកដល់អ៊ុយក្រែននៅថ្ងៃសុក្រ។

នាវាផ្ទុកទំនិញជាច្រើនគ្រឿងដែលជួលដោយអង្គការសហប្រជាជាតិនេះត្រូវបានគេរំពឹងថានឹងចូលចតនៅកំពង់ផែ Yuzhny នៅភាគខាងត្បូងប្រទេសអ៊ុយក្រែនជាកន្លែងដែល នឹងផ្ទុកដោយគ្រាប់ធញ្ញជាតិដែលទិញដោយកម្មវិធីស្បៀងអាហារពិភពលោក (WFP) របស់អង្គការសហប្រជាជាតិហើយចែកចាយទៅ

“ប្រទេសដែលរងផលប៉ះពាល់យ៉ាងធ្ងន់ធ្ងរបំផុតដោយស្បៀងអាហារពិភពលោក។ នេះបើយោងតាម លោក Steve Taravella អ្នកនាំពាក្យ WFP បាននិយាយប្រាប់កាសែត New York Times”

អង្គការសហប្រជាជាតិ និងរដ្ឋាភិបាលតួកគី បានសម្របសម្រួលដោយជោគជ័យក្នុងការនាំភាគីជម្លោះគឺ អ៊ុយក្រែន និងរុស្ស៊ី ចូលតុចរចា និងចុះហត្ថលេខាលើកិច្ចព្រមព្រៀងនាំចេញគ្រាប់ធញ្ញជាតិកាលពីថ្ងៃ២២ ខែកក្កដា ពីប្រទេសអ៊ុយក្រែន ដែលជាប់គាំងក្នុងឃ្លាំងសន្និធិរហូតដល់ជាង២២លានតោន ចាប់តាំងពីរុស្ស៊ីចូលលុកលុយអ៊ុយក្រែនពីចុងខែកុម្ភៈ ឆ្នាំ២០២២នេះ។

អគ្គលេខាធិការអង្គការសហប្រជាជាតិលោកអង់តូនីញ៉ូ ហ្គុយតឺរេស (Antonio Guterres) បាននិយាយថាកិច្ចព្រមព្រៀងនោះ នឹងបន្ធូរបន្ថយការខ្វះខាតស្បៀងអាហារជាសាកល ដោយហៅវាថាជា«សញ្ញានៃការសង្គ្រោះ»។

កប៉ាល់ Brave Commander ដែលត្រូវបានចាត់តាំងដោយអង្គការសហប្រជាជាតិនឹងដឹកគ្រាប់ធញ្ញជាតិ២៣០០០ តោនទៅកាន់ប្រទេសជីប៊ូទី (Djibouti)នៅតំបន់អាហ្វ្រិក ខាងកើតដែលកំពុងរងគ្រោះដោយសារគ្រោះរាំងស្ងួតដ៏ខ្លាំងដែលគេហៅថា «Horn of Africa»ជាកន្លែងដែលគ្រោះរាំងស្ងួតរយៈពេល៤ឆ្នាំបានធ្វើឱ្យមនុស្សនៅតំបន់រងគ្រោះនោះប្រមាណ១៨លាននាក់ប្រឈមនឹងការស្រេកឃ្លានយ៉ាងខ្លាំង។

លោក Oleksandr Kubrakov រដ្ឋមន្ត្រីក្រសួងហេដ្ឋារចនាសម្ព័ន្ធរបស់ប្រទេសអ៊ុយក្រែនបានប្រកាសនៅក្នុង tweeter ពីការមកដល់របស់កប៉ាល់Brave Commander កាលពីថ្ងៃព្រហស្បតិ៍សប្តាហ៍មុនដោយនិយាយថា គ្រាប់ធញ្ញជាតិនឹងទៅដល់ប្រទេសអេត្យូពី ដោយឡែក លោក Taravella បាននិយាយថា ទំនិញគ្រាប់ធញ្ញជាតិមួយចំនួនក៏នឹងទៅប្រទេសកេនយ៉ា និងសូម៉ាលីផងដែរ។

មន្ត្រីអង្គការសហប្រជាជាតិបាននិយាយថា ពាណិជ្ជកម្ម ដើរតួនាទីក្នុងការធ្វើឱ្យទីផ្សារមានស្ថិរភាព ទោះបីជាវាមិនទៅដោយផ្ទាល់ទៅកាន់ប្រទេសដែលប្រឈមនឹងការខ្វះខាតស្បៀងអាហារក្តី។

តាម NYT លោក Stephane Dujarric អ្នកនាំពាក្យ ការិយាល័យអគ្គលេខាធិការ អង្គការ សហប្រជាជាតិបានថ្លែងថា ការបើកកំពង់ផែរបស់អ៊ុយក្រែនបានជំរុញឱ្យតម្លៃស្បៀងអាហារពិភពលោកធ្លាក់ចុះ ដែលនៅទីបំផុតនឹងជួយប្រទេសដែលប្រឈមមុខ នឹងអសន្តិសុខស្បៀង។

លោកបាននិយាយថា៖

“ជំហានដំបូងកំពុងយកកប៉ាល់ទាំងនេះចេញពីកំពង់ផែអ៊ុយក្រែនព្រោះវាត្រូវបានទុកនៅទីនោះជាយូរមកហើយ។ កប៉ាល់ផ្សេងទៀតនឹងចូលមក ដោយមានកិច្ចសន្យាពាណិជ្ជកម្ម។ កប៉ាល់ដឹកទំនិញខ្លះនឹងទៅកាន់ប្រទេសកំពុងអភិវឌ្ឍន៍ ហើយកប៉ាល់ផ្សេងទៀតនឹងទៅកាន់គោលដៅផ្សេងទៀត”

តាមសេចកី្តរាយការណ៍ NYT កប៉ាល់ទី១ ដែលបានចាកចេញពីកំពង់ផែ Odesa ប្រទេសអ៊ុយក្រែនកាលពីសប្តាហ៍មុនដែលផ្ទុកដោយគ្រាប់ធញ្ញជាតិត្រូវបានធ្វើដំណើរទៅកាន់ប្រទេសលីបង់ ដែលជាប្រទេសដែលមានអត្រាអតិផរណាអាហារខ្ពស់បំផុត។ ប៉ុន្តែលីបង់ បាននិយាយថា ខ្លួនលែងចង់បានគ្រាប់ធញ្ញជាតិទៀតហើយ ព្រោះវាយឺតពេលពេក។ ឥឡូវនេះវានឹងត្រូវបានលក់បន្ត។

តម្លៃស្រូវសាលីបានធ្លាក់ចុះ នៅមុនពេលមានកិច្ចព្រមព្រៀងដែលសម្របសម្រួល ដោយអង្គការសហប្រជាជាតិហើយនិន្នាការនោះបានបន្តចាប់តាំងពីកិច្ចព្រមព្រៀងនោះត្រូវបានចុះហត្ថលេខា។

កិច្ចសន្យាអនាគតដែលត្រូវបានយោងជាទូទៅ ក្នុងជួញដូរនៅទីក្រុងឈីកាហ្គោ កំពុងជួញដូរប្រហែល៨,១០ដុល្លារក្នុងបរិមាណស្រូវសាឡី២៧គីឡូក្រាម កាលពីថ្ងៃពុធ ដែលជាការធ្លាក់ចុះដ៏ធំមួយពីកម្រិតខ្ពស់បំផុតជាង ១៤ដុល្លារ ក្នុងខែមីនា បន្ទាប់ពីប្រទេសរុស្ស៊ី បានលុកលុយអ៊ុយក្រែនជាលើកដំបូង។

ឥឡូវនេះ តម្លៃស្រូវសាលី បានធ្លាក់ចុះមកវិញជិត ប្រហាក់ប្រហែលទៅនឹងតម្លៃមុនពេលចាប់ផ្តើមសង្គ្រាម ហើយវាអាចបន្តប្រែប្រួលតទៅទៀត។

កិច្ចព្រមព្រៀងនាំចេញគ្រាប់ធញ្ញជាតិរួមជាមួយនឹងការថយចុះនៃតម្រូវការពីប្រទេសមួយចំនួន ដោយសារតែតម្លៃខ្ពស់និងការកើនឡើងនៃការផ្គត់ផ្គង់ពីការប្រមូលផលរដូវរងាបានកាត់បន្ថយសម្ពាធតម្លៃ។ ប៉ុន្តែមានការព្រួយបារម្ភអំពីថាតើកិច្ចព្រមព្រៀងនេះនឹងមានរយៈពេលយូរប៉ុណ្ណា បើប្រទេសទាំង២ បង្កើនឥទ្ធិពលសង្គ្រាមយ៉ាងខ្លាំងបែបនេះ ហើយអាកាសធាតុក្តៅស្ងួតដែលកាត់បន្ថយទិន្នផលដំណាំ កំពុងក្លាយជារឿងបង្កើនសម្ពាធបន្ថែមផងដែរ៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

បណ្តាធនាគារកណ្តាលធំៗប្រមូលមាសបម្រុងពីទីក្រុងឡុងដ៍ និងទីក្រុងញូវយ៉ក ត្រឡប់មកប្រទេសកំណើតវិញ

ព្រឹត្តិការណ៍, សេដ្ឋកិច្ច

• 17/06/2026

បច្ចុប្បន្ននេះ មាសបានក្លាយជាទ្រព្យសម្បត្តិបម្រុងដ៏ធំបំផុតនៅលើពិភពលោក ដោយសារការកើនឡើងនៃភាពតានតឹងផ្នែកភូមិសាស្ត្រនយោបាយ និងការធ្លាក់ចុះទំនុកចិត្តលើប្រព័ន្ធហិរញ្ញវត្ថុលោកខាងលិច

កងទ័ពជើងទឹកចិន បង្ហាញរ៉ូបូតជាសត្វត្រីអាចស៊ើបការណ៍នៅក្រោមបាតសមុទ្របានយ៉ាងលម្អិត

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2026

កងទ័ពជើងទឹកចិន បានបង្ហាញជាផ្លូវការនូវបច្ចេកវិទ្យាយោធាថ្មីមួយទៀតរបស់ខ្លួនគឺត្រីរ៉ូបូតសម្រាប់បម្រើដល់បេសកកម្មឈ្លបយកការណ៍ (Bionic Robotic Fish)

ខេត្តសក្ដានុពលចំនួន៥ ទទួលបានគម្រោងវិនិយោគច្រើនជាងគេក្នុងរយៈពេល៥ខែ ដើមឆ្នាំ២០២៦

ព្រឹត្តិការណ៍, អចលនទ្រព្យ

• 17/06/2026

ក្នុងរយៈពេល៥ខែ ដើមឆ្នាំ២០២៦ តាមរយៈក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបចំនួន ២២៥ គម្រោង ដែលមានទុនវិនិយោគសរុបចំនួន ៣,៣ ពាន់លានដុល្លារអាម៉េរិក

ARDB ទម្លាក់កញ្ចប់ថវិកាជាង ១០០លានដុល្លារ ដោះស្រាយបញ្ហាប្រែប្រួលអាកាសធាតុ

ព្រឹត្តិការណ៍, ហិរញ្ញវត្ថុ

• 17/06/2026

ធនាគារអភិវឌ្ឍន៍ជនបទ(ARDB) បានសហការជាមួយដៃគូពាក់ព័ន្ធប្រកាសទម្លាក់មូលធិនិចំនួន ១០៩លានដុល្លារអាម៉េរិក សម្រាប់អនុវត្តជាផ្លូវការនូវ «កម្មវិធីហិរញ្ញប្បទានអាកាសធាតុនៅកម្ពុជា

រុស្ស៊ី ផ្តល់ឱកាសឱ្យឥណ្ឌាវិនិយោគលើតំបន់ស្តុកទុករ៉ែកម្រដ៏ធំមួយនៅស៊ីបេរី ឈ្មោះថា Tomtor ដែលមិនទាន់ត្រូវបានគេទាញយកផលនៅឡើយ

ព្រឹត្តិការណ៍, សេដ្ឋកិច្ច

• 17/06/2026

រុស្ស៊ីផ្តល់ឱកាសឱ្យឥណ្ឌាចូលទៅប្រើប្រាស់ និងវិនិយោគលើតំបន់ស្តុកទុករ៉ែកម្រ Tomtor ស្ថិតនៅក្នុងសាធារណរដ្ឋ Sakha (តំបន់ស៊ីបេរី) ដែលជាប្រភពរ៉ែកម្រដ៏ធំបំផុតមួយក្នុងពិភពលោកមិនទាន់ត្រូវបានគេទាញយកផលនៅឡើយ

ធនាគារជាតិនៃកម្ពុជា និងក្រសួងប្រៃសណីយ៍ បើកយុទ្ធនាការផ្ទៀងផ្ទាត់អត្តសញ្ញាណស៊ីមកាត ជាមួយគណនីធនាគារ/គណនីទូទាត់សងប្រាក់របស់អ្នកប្រើប្រាស់

ព្រឹត្តិការណ៍, ហិរញ្ញវត្ថុ

• 17/06/2026

ទឹកឃ្មុំមានតម្រូវការកាន់តែច្រើន និងពេញនិយម សម្រាប់ធ្វើជាភេសជ្ជៈពិសានៅតាមហាងកាហ្វេ

ព្រឹត្តិការណ៍, សេដ្ឋកិច្ច

• 17/06/2026

តម្រូវការប្រើប្រាស់ទឹកឃ្មុំ សម្រាប់ផលិតជាភេសជ្ជៈពិសាប៉ូវកម្លាំង កំពុងពេញនិយមនៅតាមហាងកាហ្វេ និងភោជនីយដ្ឋានានា ដោយសារប្រជាជនកម្ពុជាចាប់ផ្តើមយល់ដឹងអំពីអត្ថប្រយោជន៍នៃទឹកឃ្មុំ សម្រាប់ជំនួយសុខភាព និងប្រើប្រាស់ធ្វើជាថ្នាំសង្កូវផ្សេងៗទៀតផង

គម្លាតដ៏ធំក្នុងប្រព័ន្ធហិរញ្ញវត្ថុ ធ្វើឱ្យចិនមិនអាចវ៉ាដាច់អាម៉េរិកក្លាយជាមហាអំណាចទី ១ បាន

ព្រឹត្តិការណ៍, ហិរញ្ញវត្ថុ

• 17/06/2026

ខណៈពេលដែលប្រទេសចិនកំពុងបង្កើនការប្រកួតប្រជែងកាន់តែខ្លាំងឡើង ធៀបជាមួយនឹងលោកខាងលិចលើផ្នែកផលិតកម្ម និងសមត្ថភាពយោធា ប៉ុន្តែគេមើលឃើញថា គម្លាតដ៏ធំធេងមួយរវាងចិននិងអាម៉េរិកនៅតែបន្តកើតមាននៅឡើយក្នុងវិស័យហិរញ្ញវត្ថុសកល

បណ្តុះកូនទុរេនលក់ជារបរលាក់មុខ តែមានតម្រូវការខ្ពស់នៅលើទីផ្សារ

ជំនួញ, ព្រឹត្តិការណ៍

• 17/06/2026

ការបណ្តុះកូនទុរេនលក់ ជារបរមួយដែលកំពុងលាក់មុខនៅក្នុងប្រទេសកម្ពុជា ប៉ុន្តែទោះជាដូច្នេះ របរនេះកំពុងមានការគាំទ្រខ្លាំងនៅលើទីផ្សារ ដោយសារកសិករខ្មែរនៅតាមបណ្តាខេត្តឆា្ងយៗ មានទំនោរដាំទុរេនកាន់តែច្រើនឡើងៗ

កម្ពុជា-ធនាគារពិភពលោក ចុះកិច្ចព្រមព្រៀងឥណទានសម្បទាន ១៥០ លានដុល្លារ ដើម្បីតភ្ជាប់ហេដ្ឋារចនាសម្ព័ន្ធក្នុងតំបន់

ព្រឹត្តិការណ៍, សេដ្ឋកិច្ច

• 16/06/2026

កម្ពុជា និងធនាគារពិភពលោក (World Bank) បានចុះហត្ថលេខាលើកិច្ចព្រមព្រៀងឥណទានសម្បទានដំណាក់កាលទីមួយ មានតម្លៃ ១៥០ លានដុល្លារអាម៉េរិក សម្រាប់គម្រោងលើកកម្ពស់ការតភ្ជាប់ហេដ្ឋារចនាសម្ព័ន្ធក្នុងតំបន់