សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្លែងក្នុងកិច្ចពិភាក្សានៅពិព័រណ៍វិទ្យាសាស្ត្រ បច្ចេកវិទ្យា និងនវានុវត្តន៍ អន្តរជាតិ-កម្ពុជា លើកទី១ ២០២៣ នៅមជ្ឍមណ្ឌលពិព័រណ៍កោះពេជ្រ នៅរសៀលថ្ងៃទី២៧ ខែមីនា ឆ្នាំ២០២៣នេះ ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា និងជាអគ្គនាយកក្រុមហ៊ុន វេសឡាញ អេឌូខេសិន គ្រុប បានអំពាវនាវ និងលើកទឹកចិត្តដល់ម្ចាស់អាជីវកម្ម និងសហគ្រិនទាំងអស់ចូលរួមចុះបញ្ជីអាជីវកម្ម ដើម្បីទទួលបានផលប្រយោជន៍ទាំងសងខាង ផ្នែករដ្ឋ និងវិស័យឯកជន និងចូលរួមទាំំងអស់គ្នាក្នុងការអនុវត្តកាតព្វកិច្ចផ្លូវច្បាប់។
លោកឧកញ៉ាប្រធានសង្កេតឃើញថា សហគ្រាសខ្នាតតូច និងមធ្យមមួយចំនួនមិនទាន់បានចុះបញ្ជី និងអនុឡោមអាជីវកម្មតាមផ្លូវច្បាប់នៅឡើយ ដែលធ្វើអោយអាជីវកម្មទាំងនោះ បាត់បង់នូវផលប្រយោជន៍ តាមរយៈការទទួលបានគោលនយោបាយរបស់រាជរដ្ឋាភិបាល និងសេវាកម្មគាំទ្រផ្សេងៗជាច្រើន។
លោកឧកញ៉ាប្រធានបានសំណូមពរដល់ម្ចាស់អាជីវកម្មទាំងអស់ចូលរួមជាមួយរាជរដ្ឋាភិបាលក្នុងការកសាងគោលនយោបាយពេញលេញ ដើម្បីឆ្លុះបញ្ចាំងទាំងម្ចាស់អាជីវកម្ម និងរាជរដ្ឋាភិបាល។ ប្រសិនជាគោលនយោបាយណាល្អ ត្រូវទទួលយកមកអនុវត្ត តែបើគោលនយោបាយណាមិនទាន់ល្អប្រសើរ ស្ថាប័នរដ្ឋនិងវិស័យឯជនត្រូវអង្គុយពិភាក្សាទល់មុខគ្នា ដើម្បីស្វែងរកប្រយោជន៍រួមណាមួយ។
លោកឧកញ៉ាប្រធានបានបន្ថែមទៀតថា ដើម្បីទទួលបានគំនិតនវានុវត្តថ្មីៗបន្ថែមទៀតក្នុងការអភិវឌ្ឍអាជីវកម្ម ម្ចាស់សហគ្រាសគួរតែមានការយល់ដឹងពីវិវត្តន៍នៃសេដ្ឋកិច្ច និងគួចេញទៅមើលអាជីវកម្មក្នុងបណ្តាប្រទេសដែលអភិវឌ្ឍជាងយើង ដើម្បីឈ្វេងយល់បច្ចេកវិទ្យា និងនវានុវត្តន៍របស់ប្រទេសគេ ជាពិសេសម្ចាស់អាជីវកម្មត្រូវតែបន្តរៀនសូត្របន្ថែមជានិច្ច។ លោកឧកញ៉ាប្រធានបានជំរុញឲ្យម្ចាស់អាជីវកម្ម ឈ្វេងយល់បន្ថែមពីអត្ថប្រយោជន៍នៃប្រព័ន្ធបច្ចេកវិទ្យាឌីជីថល ហើយប្រើប្រាស់ជាផលប្រយោជន៍អាជីវកម្ម ក៏ដូចជាបានគាំទ្រដល់អ្នកអភិវឌ្ឍកម្មវិធីបច្ចេកវិទ្យាផ្សេងៗ។
ពិព័រណ៌វិទ្យាសាស្រ្ត បច្ចេកវិទ្យា នវានុវត្ត កម្ពុជា-អន្តរជាតិ ឆ្នាំ២០២៣ គឺជាទិវាជាតិលើកទី១ដែលរៀបចំឡើងដោយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រយៈពេលបីថ្ងៃចាប់ពីថ្ងែទី២៦ ដល់ ថ្ងៃទី២៨ ខែមីនា ឆ្នាំ២០២៣ នៅមជ្ឍមណ្ឌលពិព័រណ៍កោះពេជ្រ ក្រោមអធិបតីភាពដ៏ខ្ពស់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែនៅក្នុងនោះ ថ្នាក់ដឹកនាំ សមាជិកសមាជិកាសមាគមសហគ្រិនវ័យក្មេងកម្ពុជា បានអញ្ជើញចូលរួមជាវាគ្មិន និងជាភ្ញៀវកិតិយស ក្នុងទិវាជាតិដ៏សំខាន់នេះ៕
Account
Security
Favourite Content