រដ្ឋាភិបាលកម្ពុជាដាក់ចេញជាសំណើក្នុងការបង្កើតតំបន់សេដ្ឋកិច្ចពិសេសកូរ៉េនៅកម្ពុជា

ចាប់ពីថ្ងៃទី ១៦ ដល់ថ្ងៃទី ១៨ ខែឧសភា ឆ្នាំ២០២៤កន្លងទៅថ្មីៗនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញធ្វើដំណើរ​បំពេញទស្សនកិច្ចផ្លូវការ​នៅសាធារណរដ្ឋកូរ៉េ។ ដំណើរទស្សនៈកិច្ចនេះ បានផ្ដោតសំខាន់ទៅលើការបង្កើនទំនាក់ទំនងកាន់តែជិតស្និទ្ធរវាងប្រទេសទាំងពីរ។

ទស្សនៈកិច្ចនេះក៏នឹងធ្វើឱ្យទំនាក់ទំនងសេដ្ឋកិច្ចរវាងប្រទេសទាំងពីរឱ្យកាន់តែល្អប្រសើរ តាមរយៈកិច្ចជំរុញការវិនិយោគរបស់កូរ៉េនៅកម្ពុជាលើផ្នែកកសិកម្ម ការងារហេដ្ឋារចនាសម្ព័ន្ធ បរិវត្តកម្មឌីជីថល វប្បធម៌ និងសិល្បៈផងដែរ។ នេះបើតាមការបញ្ជាក់របស់ឯកឧត្តម តាន់ ហ្សង់ហ្វ្រង់ស្វ័រ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការបរទេស នៅក្នុងសន្និសីទកាសែតកាលពីថ្ងៃទី១៩ ឧសភា​ កន្លងទៅ។

ក្នុងនោះ ឯកឧត្តមក៏បានបញ្ជាក់ផងដែរថា កម្ពុជាតាមរយៈគំនិតផ្ដួចផ្ដើមរបស់សម្ដេចធិបតី ដាក់ចេញ​ជាសំណើថា គួរតែបង្កើតតំបន់សេដ្ឋកិច្ចពិសេសមួយនៅកម្ពុជា សម្រាប់តែក្រុមហ៊ុនកូរ៉េ ក្នុងគោលដៅជំរុញវិនិយោគិនកូរ៉េដែលកំពុងរកស៊ីនៅកម្ពុជាឱ្យបង្កើនទុនវិនិយោគ និងទាក់ទាញ​ក្រុមហ៊ុនកូរ៉េផ្សេងទៀតឱ្យសម្រេចចិត្តដាក់ទុនរកស៊ីនៅកម្ពុជា។

បន្ថែមពីនោះ យន្ដការពិគ្រោះយោបល់ទៀងទាត់មួយរវាងក្រុមប្រឹក្សាអភិវឌ្ឍន៍កម្ពុជា និងស្ថាន​ទូតកូរ៉េ ក៏នឹងត្រូវបង្កើ​តឡើងដើម្បីសម្របសម្រួលប្រតិបត្តិការនានាក្នុងក្របខណ្ឌជំរុញវិនិយោគិនកូរ៉េនៅលើទឹកដីកម្ពុជាផងដែរ។​

ដោយឡែក សម្រាប់ពេលវេលាជាក់លាក់នៃការបង្កើតតំបន់សេដ្ឋកិច្ចពិសេសរបស់កូរ៉េនៅកម្ពុជានេះ គឺនៅមិនទាន់អាចកំណត់បាននៅឡើយទេ ដោយឯកឧត្តម តាន់ ហ្សង់ហ្វ្រង់ស្វ័រ បានគូសបញ្ជាក់ថា រដ្ឋាភិបាលនឹងផ្ដល់អាទិភាពឱ្យភាគីក្រុមប្រឹក្សាអភិវឌ្ឍន៍កម្ពុជា (CDC) និងស្ថានទូតកូរ៉េ បានជជែកពិភាក្សាគ្នាជាមុនសិន។ ប៉ុន្តែយ៉ាងណា ការបង្កើតតំបន់សេដ្ឋកិច្ចពិសេសចំពោះតែក្រុមហ៊ុនកូរ៉េនេះ គឺជាករណីពិសេសមួយដែលរដ្ឋាភិបាលកម្ពុជាជឿជាក់ថា នឹងផ្ដល់ផលប្រយោជន៍យ៉ាងធំធេងចំពោះសេដ្ឋកិច្ចជាតិ ដោយ​ទាញ​វិនិយោគិនកូរ៉េមកបណ្ដាក់ទុននៅកម្ពុជាបន្ថែមទៀត។

តាមរយៈតំបន់សេដ្ឋកិច្ចពិសេសកូរ៉េនៅកម្ពុជានេះផងដែរ កម្ពុជារំពឹងថានឹងអាចប្រមូលផ្ដុំក្រុមហ៊ុនកូរ៉េឱ្យមកបណ្ដាក់ទុនរកស៊ីនៅក្នុងតំបន់តែមួយប្រកបដោយទំនុកចិត្ត និងភាពកក់ក្ដៅ។ ម្យ៉ាងទៀត ការប្រមូលផ្ដុំនូវក្រុមហ៊ុនរបស់កូរ៉េនានានៅលើទីតាំងតែមួយ នឹងអាចនាំមកនូវប្រសិទ្ធភាពខ្ពស់ ពីព្រោះក្រុមហ៊ុនទាំងនេះនឹងមានភាពងាយស្រួលក្នុងការប្រាស្រ័យទាក់ទងគ្នា និយាយភាសាតែមួយ ជាតិសាសន៍តែមួយ វប្បធម៌តែមួយ ងាយនឹងធ្វើការជាមួយគ្នា ហើយធ្វើឱ្យពួកគេមានអារម្មណ៍ថាខ្លួនកំពុងតែដាក់ទុនរកស៊ី បន្តប្រតិបត្តិការងារក្នុងទឹកដីកម្ពុជា ប៉ុន្តែដូចនៅប្រទេសរបស់ខ្លួន។

ទាក់ទិននឹងចំណុចនេះ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាក៏ធ្លាប់បានមាន​ប្រសាសន៍ផងដែរថា ការមានតំបន់សេដ្ឋកិច្ចពិសេសកាន់តែច្រើន នឹងធ្វើឱ្យសេដ្ឋកិច្ចប្រទេស​មួយអាចរីកចម្រើនបានយ៉ាងឆាប់រហ័ស។

អ្នកឧកញ៉ាបានបន្តឱ្យដឹងថា​ តំបន់សេដ្ឋកិច្ចពិសេសអាចជួយសម្រួលបានយ៉ាងច្រើននូវដំណើរការរត់​ឯកសាររបស់វិនិយោគិន ព្រមទាំងការដឹកជញ្ជូនផ្សេងៗ បូករួមជាមួយនឹងការអនុគ្រោះជាច្រើនផ្សេង​ទៀតពីសំណាក់រាជរដ្ឋាភិបាលកម្ពុជាផងដែរ។

គួរបញ្ជាក់ថា  តំបន់សេដ្ឋកិច្ចពិសេសដែលកំពុងដំណើរការនៅកម្ពុជាមានចំនួន ២៤ ជាមួយនឹងគម្រោង​វិនិយោគ ៥៦១ គម្រោង ដែលបង្កើតការងារបានជាង ១៦ម៉ឺនកន្លែង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ