សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ខេត្តព្រះសីហនុ ត្រូវបានចាត់ទុកជាតំបន់ប៉ូលសេដ្ឋកិច្ចដ៏សំខាន់ក្នុងប្រទេសកម្ពុជា ហើយរាជរដ្ឋាភិបាលក៏បានបោះទុនវិនិយោគលើហេដ្ឋារចនាសម្ព័ន្ធក្នុងខេត្តមួយនេះរាប់រយលានដុល្លារអាមេរិកមកហើយ ក្រៅពីនោះក៏មានក្រុមហ៊ុនវិនិយោគឯកជនទាំងក្នុង និងក្រៅប្រទេសជាច្រើនបានបោះទុនវិនិយោគក្នុងខេត្តមួយរាប់រយពាន់លានដុល្លារអាមេរិកផងដែរ ។ អ្វីដែលពិសេសនោះ រាជរដ្ឋាភិបាលក៏មានផែនការមេក្នុងការអភិវឌ្ឍខេត្តមួយនេះទៅជាទីក្រុងធំមួយនៅអាស៊ាន ។
នៅក្នុងកិច្ចជុំលើកទី៣ នៃគណៈកម្មាធិការសម្របសម្រួលអន្តរក្រសួងរៀបចំផែនការដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពហុបំណង រាជរដ្ឋាភិបាលបានកំណត់ផែនការមេក្នុងការអភិវឌ្ឍជាអាទិភាព ដោយក្នុងនោះ ទី១. កែប្រែខេត្តព្រះសីហនុទៅជាច្រកទ្វារអន្តរជាតិរបស់ប្រទេសកម្ពុជា, ទី២. អភិវឌ្ឍន៍ខេត្តព្រះសីហនុទៅជាប៉ូលអភិវឌ្ឍន៍ជាតិ និងទី៣. អភិវឌ្ឍន៍ខេត្តមួយនេះទៅជាទីក្រុងធំមួយនៅក្នុងតំបន់អាស៊ាន ជាមួយនឹងកិត្តិនាមជាទីក្រុងគំរូបៃតងប្រកបដោយចីរភាពចម្រុះនៃវប្បធម៌ឆ្លាតវៃ ។
នៅក្នុងផែនការមេនេះដែរ រាជរដ្ឋាភិបាលក៏បានកំណត់ និងបែងចែកតំបន់នៃការវិនិយោគនៅក្នុងខេត្តព្រះសីហនុដើម្បីផ្តល់ភាពងាយស្រួលដល់វិនិយោគិនដែលចង់វិនិយោគទៅលើវិស័យណាមួយ ដូចជាតំបន់ណាសម្រាប់វិនិយោគលើទេសចរណ៍ តំបន់ណាសម្រាប់វិនិយោគលើឧស្សាហកម្ម និងតំបន់ណាសម្រាប់វិនិយោគលើលំនៅឋានជាដើម ។
អ្នកជំនាញនៃអចលនទ្រព្យបានមើលឃើញថា ខេត្តព្រះសីហនុគឺជាគោលដៅវិនិយោគមួយរបស់វិនិយោគិនក្នុង និងក្រៅប្រទេស ដោយតំបន់មួយនេះ មានហេដ្ឋារចនាសម្ព័ន្ធទាក់ទាញគម្រោងធំៗជាបន្តបន្ទាប់ ដូចជាគម្រោងសណ្ឋាគារ គម្រោងទីក្រុងរណបរាមស៊ីធី ឬ Bay Of Light ជាដើម ។
លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាធ្លាប់បានលើកឡើងថា ខេត្តព្រះសីហនុជាតំបន់មួយដែលមានការទាក់ទាញវិនិយោគិនក្នុង និងក្រៅប្រទេស ព្រោះនៅក្នុងខេត្តព្រះសីហនុ កំពង់ផែទឹកជ្រៅ មានអាកាសយានដ្ឋានអន្តរជាតិ មានផ្លូវល្បឿនលឿន មានផ្លូវថ្មីៗធំៗជាច្រើនខ្សែ និងកំពុងមានការអភិវឌ្ឍនូវគម្រោងជាច្រើនទៀត ។
លោកបន្តថា ខេត្តមួយនេះកំពុងមានការទាក់ទាញទាំងវិនិយោគិនក្នុងស្រុក និងក្រៅប្រទេស ហើយបើទោះបីជាស្ថានភាពនៃវិបត្តិដែលបណ្ដាលមកពីកូវីដ១៩ និងសង្គ្រាមរវាងរុស្ស៊ី និងអ៊ុយក្រែនក៏ខេត្តព្រះសីហនុនៅតែមានការទាក់ទាញ និងចាប់អារម្មណ៍ពីវិនិយោគិន ។
បើតាមរបាយការណ៍ពីរដ្ឋបាលខេត្តព្រះសីហនុ នាពេលកន្លងមកនេះបានបង្ហាញថា ពលរដ្ឋខេត្តព្រះសីហនុ ក្នុងមួយឆ្នាំ ជាមធ្យមអាចរកបានចំណូលប្រមាណ៥ពាន់ដុល្លារ និងក្លាយជាខេត្តដែលមានប្រជាពលរដ្ឋរកចំណូលបានជាមធ្យមខ្ពស់ជាងគេ៕
Account
Security
Favourite Content