សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រជាពលរដ្ឋដែលកំពុងទន្ទឹងរង់ចាំបើកបរលើផ្លូវល្បឿនលឿនដំបូងគេនៅកម្ពុជា ភ្នំពេញ-ក្រុងព្រះសីហនុ នៅពេលនេះរដ្ឋមន្ត្រីក្រសួងសាធារណការ និងដឹកជញ្ជូនបានបញ្ជាក់ច្បាស់ហើយថា នឹងដាក់ដំណើរការឱ្យពលរដ្ឋបើកបរនៅថ្ងៃទី០១ ខែតុលា ឆ្នាំ២០២២ខាងមុខ ហើយក្នុងរយៈពេល១ខែដំបូងផ្លូវនេះនឹងមិនយកលុយពីម្ចាស់យានយន្តដែលបើកឆ្លងកាត់ឡើយ។
ផ្លូវល្បឿនលឿនភ្នំពេញ-ក្រុងព្រះសីហនុ សាងសង់ដោយក្រុមហ៊ុន PPSHV Expressway Co.,Ltd និងក្រុមហ៊ុនបុត្រសម្ព័ន្ធនៃក្រុមហ៊ុនសាជីវកម្មស្ពានថ្នល់ចិន និងត្រួតពិនិត្យបច្ចេកទេសដោយក្រុមហ៊ុន MINCONSULT SDN.BHD ប្រើរយៈពេលសាងសង់៤៨ខែ ចំណាយថវិកាប្រមាណជាង២ពាន់លានដុល្លារអាមេរិក។ ផ្លូវនេះមាន៤គន្លង ២គន្លងទៅ២គន្លងមក ទទឹងផ្លូវ ២៤,៥ម៉ែត្រ មានផ្លូវបំបែកទិស៧កន្លែង មានកន្លែងឈប់សម្រាកចំនួន៣កន្លែង ចំណតរថយន្ត១កន្លែង មណ្ឌលប្រតិបត្តិការ និងថែទាំចំនួន៤កន្លែង ស្ពានធំ និងស្ពានមធ្យមចំនួន៤០កន្លែង ស្ពានតូចចំនួន៥កន្លែង ដែលឆ្លងកាត់រាជធានីភ្នំពេញប្រមាណ៨គីឡូម៉ែត្រ ខេត្តកណ្ដាលប្រវែង៩,១គីឡូម៉ែត្រ ខេត្តកំពង់ស្ពឺ ប្រវែង៨០,៨គីឡូម៉ែត្រ ខេត្តកោះកុងប្រវែង១,៩២គីឡូម៉ែត្រ និងខេត្តព្រះសីហនុប្រវែង ៨៩,៨៩គីឡូម៉ែត្រ សរុបជាង១៨៧គីឡូម៉ែត្រ ។
ឯកឧត្តម ស៊ុន ចាន់ថុល រដ្ឋមន្ត្រីសាធារណការនិងដឹកជញ្ជូន បានមានប្រសាសន៍ថា ផ្លូវល្បឿនលឿនភ្នំពេញ ក្រុងព្រះសីហនុ នឹងក្លាយជាផ្លូវដឹកជញ្ជូនដ៏សំខាន់រវាងភ្នំពេញ និងក្រុងព្រះសីហនុ ក៏ដូចជាបណ្ដាខេត្តផ្សេងទៀតទៅកាន់កំពង់ផែទឹកជ្រៅ ក្រុងព្រះសីហនុ ហើយវានឹងកាត់បន្ថយរយៈចម្ងាយនិងរយៈពេលសម្រាប់ការដឹកជញ្ជូននិងធ្វើដំណើរផងដែរ ។
លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជាបានថ្លែងប្រាប់ឱ្យដឹងផងដែរថា ក្រុមអ្នកដឹកជញ្ជូនកម្ពុជាបានត្រៀមខ្លួនក្នុងការប្រើប្រាស់ផ្លូវនេះ រួចរាល់ហើយទោះបីជាតម្រូវឱ្យបង់ប្រាក់ក្ដីពីព្រោះថាបើសិនជាពួកយើងប្រើប្រាស់ផ្លូវនេះ នឹងអាចឱ្យយើងចំណេញប្រេងសម្រាប់យានយន្ត ចំណេញពេលវេលា អាចបញ្ជូនទំនិញទៅដល់អតិថិជនបានទាន់ពេលវេលា និងបង្កើតបរិមាណដឹកជញ្ជូនរបស់យើងបានច្រើនជាងមុនផងដែរ ។
លោកឧកញ៉ាបន្តថា ៖
“កាលពីមុនយើងប្រើប្រាស់ផ្លូវជាតិលេខ៤ យើងត្រូវចំណាយពេលយូរ ដោយសារតែការកកស្ទះចរាចរ ហើយចំងាយផ្លូវក៏ឆ្ងាយជាងផ្លូវល្បឿនលឿន ដូច្នេះបើយើងគុណគូរនឹងការចំណាយថ្លៃប្រេងសាំងដែលត្រូវស្ទះ គឺយើងអាចយកលុយនោះមកបង់ថ្លៃផ្លូវល្បឿនលឿនហើយអាចដឹងតាមផ្លូវល្បឿន បានស្រួលទៀតផង ។ អ្វីដែលពិសេស យានយន្តយើងក៏មិនងាយខូចទៅទៀតពេលបើកបរលើផ្លូវស្រួល រត់ក្នុងល្បឿនថេរ”
លោកសង្ឃឹមថា រដ្ឋាភិបាលនឹងសាងសង់ផ្លូវល្បឿនលឿនជាបន្តបន្ទាប់ទៀតក្រៅពីផ្លូវល្បឿនលឿនភ្នំពេញ ក្រុងព្រះសីហនុដូចជាផ្លូវល្បឿនលឿនភ្នំពេញបាវិត ផ្លូវល្បឿនលឿន ភ្នំពេញទៅកាន់ប៉ែកខាងជើងប្រទេសជាដើម ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អគារជាប់គាំង ១០៣ គម្រោង មានតម្លៃប្រមាណ ២៥១០លានដុល្លារ នៅក្រុងព្រះសីហនុ ត្រូវបានដោះស្រាយ និងដំណើរការឡើងវិញ
គម្រោងអភិវឌ្ឍន៍ហេដ្ឋារចនាសម្ព័ន្ធចេញពីភ្នំពេញចំនួន ៤ខ្សែ មានទឹកប្រាក់រហូតដល់ជាង៦០០០លានដុល្លារអាមេរិក
Account
Security
Favourite Content