សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមពិតទៅតំបន់ត្រើយខាងកើតទន្លេមេគង្គមិនឆ្ងាយពីរាជធានីភ្នំពេញប៉ុន្មាននោះទេ តែឧបសគ្គនៃការអភិវឌ្ឍតំបន់ប៉ែកខាងកើតមានភាពយឺតយ៉ាវជាងខាងលិចដោយសារតែមិនមានហេដ្ឋារចនាសម្ព័ន្ធតភ្ជាប់។ ថ្មីៗនេះ រដ្ឋាភិបាលនៃប្រទេសកូរ៉េខាងត្បូង និងកម្ពុជា បានប្រកាសពីការសាងសង់ស្ពានតភ្ជាប់ពីភ្នំពេញទៅអរិយក្សត្រ ហើយរំពឹងថាកំណើនប្រជាពលរដ្ឋនៅតំបន់ប៉ែកខាងកើតនឹងកើនឡើងខ្ពស់នៅពេលស្ពាននេះសាងសង់រួចរាល់។
លោក ប៉ូ អ៊ាវគង់ អគ្គនាយកនៃក្រុមហ៊ុន Advance បានឱ្យដឹងថា តំបន់ត្រើយខាងកើតវាមិនស្ថិតនៅឆ្ងាយពីរាជធានីភ្នំពេញប៉ុន្មាននោះទេ តែអ្វីដែលជាឧបសគ្គគឺការធ្វើដំណើរដោយឆ្លងដរ ឬសាឡាង ។ បើសិនជាតំបន់ទាំងពីរ(ភ្នំពេញ-អរិយក្សត្រ)នេះមានស្ពានតភ្ជាប់គ្នាប្រជាពលរដ្ឋអាចធ្វើដំណើរបានគ្រប់ពេលវេលានោះ វានឹងធ្វើឱ្យតំបន់ប៉ែកខាងកើតកាន់តែមានភាពអ៊ូរអរ មានមនុស្សទៅរស់នៅតំបន់នោះកាន់តែច្រើន ។
លោកបន្តថា ៖
“បច្ចុប្បន្ននេះតំបន់ខាងកើតមិនទាន់មានការអភិវឌ្ឍដូចខាងលិច ហើយមនុស្សក៏ពុំសូវចាប់អារម្មណ៍លើការរស់នៅតំបន់ខាងកើតដោយសារតែប្រព័ន្ធហេដ្ឋារចនាសម្ព័ន្ធនៅតំបន់នោះក៏មានតិចតួច មិនរីកចម្រើនដូចត្រើយខាងលិចទន្លេ។ នៅពេលមានស្ពានមិត្តភាពកម្ពុជា-កូរ៉េខាងត្បូង តភ្ជាប់ពីភ្នំពេញ ទៅអរិយក្សតសង់រួចរាល់នោះ នឹងមានពលរដ្ឋទៅរស់នៅតំបន់ខាងកើតកើនឡើងកាន់តែច្រើនបន្ថែមទៀត”
លោក ថាន់ ចាន់ណា អគ្គនាយកនៃក្រុមហ៊ុន ចាន់ណា លែន អភិវឌ្ឍន៍លំនៅឋាន ក៏បានបង្ហាញពីសុទិដ្ឋិនិយមចំពោះកំណើនប្រជាពលរដ្ឋទៅរស់នៅតំបន់ប៉ែកខាងកើតកាន់តែច្រើនក្រោយស្ពានតភ្ជាប់ពីភ្នំពេញទៅអរិក្សត្រសាងសង់រួចរាល់។
លោកបានបន្តថា ៖
“ពេលនេះ តំបន់ខាងកើតកាន់តែមានសក្ដានុពលក្នុងការអភិវឌ្ឍលំនៅឋានសម្រាប់ផ្គត់ផ្គង់តម្រូវការរបស់ប្រជាពលរដ្ឋ។ បច្ចុប្បន្ននេះ ខ្ញុំបានមើលឃើញថា មានវិនិយោគិនមួយចំនួនបានចាប់អារម្មណ៍លើការវិនិយោគនៅតំបន់ប៉ែកខាងកើតទន្លេមេគង្គ ជាពិសេស គម្រោងសហគ្រាសមួយចំនួនបានដំណើរហើយ និងមួយចំនួនទៀតបាន និងកំពុងត្រៀមដំណើរការ ។ កត្តាទាំងនេះនឹងនាំមនុស្សមករស់នៅ និងធ្វើអាជីវកម្មនៅក្នុងតំបន់នេះកាន់តែច្រើន”
លោកបន្ថែមថា ៖
“ទន្ទឹមនឹងកំណើនសហគ្រាស និងឧស្សាហកម្មកើនឡើង កំណើនលំនៅឋាននៅពេលឆាប់ៗនេះក៏នឹងកើនឡើងដូចគ្នាដែលជាឱកាសសម្រាប់អ្នកអភិវឌ្ឍន៍លំនៅឋានក្នុងការវិនិយោគទទួលបាននូវប្រាក់ចំណេញ”
សូមរំលឹកដែរថា ស្ពានតភ្ជាប់ពីភ្នំពេញទៅអរិយក្សត្រ ត្រូវបានសិក្សាចប់សព្វគ្រប់ហើយ ហើយស្ពាននេះដែរនឹងបើកការដ្ឋានសាងសង់នៅពេលឆាប់ៗនេះ ដោយមានស្ពានកំណាត់ទី១ តភ្ជាប់ពីភ្នំពេញ (ម្តុំផ្សាររាត្រី) ទៅជ្រោយចង្វារ (តំបន់សណ្ឋាគារសុខា ) និងកំណាត់ទី២ តភ្ជាប់ពីតំបន់សណ្ឋាគារសុខាទៅកាន់អរិយក្សត្រតែម្ដង ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
គម្រោងសាងសង់ស្ពានចំនួន២ តភ្ជាប់ពីរាជធានីភ្នំពេញ-ក្រុងអរិយក្សត្រ នឹងធ្វើឱ្យក្រុងថ្មីមួយនេះ កាន់តែទាក់ទាញ
ដំណឹងល្អ ! គម្រោងស្ពានភ្នំពេញ-អរិយក្សត្រ ត្រូវបានកូរ៉េសន្យាផ្ដល់ថវិកាសម្រាប់សាងសង់នៅក្នុងឆ្នាំ២០២៥នេះ
Account
Security
Favourite Content