សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋមន្ត្រីក្រសួងសាធារណៈការ និងដឹកជញ្ជូន បានលើកឡើងនូវផលលំបាកមួយចំនួនដែលក្រសួងបានមើលឃើញក្នុងរយៈពេលនៃការដាក់ឱ្យសាកល្បងប្រើប្រាស់ផ្លូវល្បឿនលឿនពីភ្នំពេញ ទៅខេត្តព្រះសីហនុ។ ការលើកឡើងពីបញ្ហាផ្លូវល្បឿនលឿននេះធ្វើឡើងនាឱកាសសន្និសីទ សារព័ត៌មានស្ដីពី សមទ្ធិផលសម្រេចបាន៥ឆ្នាំ របស់ក្រសួងសាធារណៈការ និងដឹកជញ្ជូន នាព្រឹកថ្ងៃ ទី២៧តុលានេះ។
ឆ្លើយតបទៅនឹងសំណួររបស់អ្នកសារព័ត៌មានអំពីស្ថានភាពសាកល្បងប្រើប្រាស់ផ្លូវល្បឿនលឿន ភ្នំពេញ-ព្រះសីហនុ ប្រមាណជិត១ខែមកនេះ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន់បានលើកឡើងពីបញ្ហាសំខាន់ៗមួយ ចំនួនដូចជា ការកកស្ទះនៅកន្លែងបង់ប្រាក់ ដែលបញ្ហានេះភាគច្រើនកើតនៅចុងសប្ដាហ៍ ព្រោះតែប្រជាពលរដ្ឋក្នុងក្រុងភ្នំពេញចាកចេញទៅលេងខេត្តច្រើន។
ការមានសត្វពាហនៈរត់កាត់ផ្លូវដែលនាំឱ្យមានគ្រោះថ្នាក់ដល់អ្នកដែលកំពុងបើកបរក្នុងល្បឿនលឿន ហើយបញ្ហានេះផងដែរ គឺមកពីការលួចកាត់របាំងផ្លូវពីសំណាក់ប្រជាជនក្នុងតំបន់។ ឆ្លៀតក្នុងឱកាសនេះ ឯកឧត្តមក៏បានអំពាវនាវជាថ្មីទៅកាន់ប្រជាពលរដ្ឋសូមឱ្យបញ្ឈប់ការលួចកាត់របាំងផ្លូវ និងយកម៉ូតូ ឡើងប្រើប្រាស់ផ្លូវនេះ ព្រោះផ្លូវនេះប្រើសម្រាប់តែឡានតែប៉ុណ្ណោះ។
ឯកឧត្តមរដ្ឋមន្ត្រីបានបញ្ជាក់ថា ៖
“បញ្ហាមួយទៀតដែលសង្កេតឃើញគឺការឈប់ដោយមិនមានភាពចាំបាច់ គឺឈប់ថតរូប និងឈប់បន្ទោរបង់ជាដើម។ ត្រង់ចំណុចនេះ ឯកឧត្តមបានស្នើសុំកុំឱ្យឈប់តាមផ្លូវធ្វើដំណើរអ្នកប្រើប្រាស់ផ្លូវអាចឈប់បាននៅកន្លែងដែលមានបន្ទប់ទឹកទាំង៨កន្លែង ជៀសវាងគ្រោះថ្នាក់ជាយថាហេតុណាមួយ”
ចំណុចចុងក្រោយ ពាក់ព័ន្ធនឹងការខូចយានយន្ដនៅលើផ្លូវពេលកំពុងបើកបរ ឯកឧត្តមបានបញ្ជាក់ថា ម្ចាស់រថយន្ដអាចមានពេលកន្លះម៉ោងសម្រាប់ជួសជុល ឬដោះដូរកង់នៅលើផ្លូវនេះ។ ប៉ុន្តែក្នុងករណី ដែលមិនអាចជួលជុលបាន ត្រូវហៅភ្នាក់ងារឡានសណ្ដោងទៅដឹក ដើម្បីកុំឱ្យគ្រោះថ្នាក់ដល់អ្នកបើក បរផ្សេងទៀត។
រីឯបញ្ហាថ្លៃឈ្នួលខ្ពស់ពេកនៃការសណ្ដោងរថយន្ដចេញពីផ្លូវល្បឿនលឿននេះ ឯកឧត្តមនឹងពិនិត្យ សារជាថ្មី ដើម្បីរកលក្ខខណ្ឌណាមួយដែលអាចសម្រួលបានដល់ប្រជាជន។
គួរបញ្ជាក់ថាក្រសួងសាធារណៈការ និងក្រុមហ៊ុនវិនិយោគបានអនុញ្ញាតឱ្យសាធារណជនប្រើប្រាស់ផ្លូវល្បឿនលឿនពីភ្នំពេញ ទៅព្រះសីហនុដោយឥតគិតថ្លៃក្នុងរយៈពេលមួយខែពេញ ដោយ គិតចាប់ពីថ្ងៃទី១ ដល់ថ្ងៃទី៣១ ខែតុលា ឆ្នាំ២០២២។ ក្នុងរយៈពេលជិតមួយខែនៃការដាក់ឱ្យសាកល្បងនេះឃើញថាមានភាពចម្រូងចម្រាស់ជាច្រើនពីអ្នកដែលប្រើប្រាស់នៅក្នុងបណ្ដាញសង្គម ក៏ដូចជាមានការ ផ្ទុះការវែកញែកលើការបើកបរ និងសុជីវធម៌អ្នកប្រើប្រាស់ផ្លូវជាដើម៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រុមហ៊ុនដ៏ធំមួយរបស់សិង្ហបុរី ចាប់អារម្មណ៍ចង់វិនិយោគលើហេដ្ឋារចនាសម្ព័ន្ធតភ្ជាប់នៅកម្ពុជា
ក្រុមហ៊ុនចិនដែលវិនិយោគគម្រោងសាងសង់អាកាសយានដ្ឋានអន្តរជាតិតេជោ ចង់វិនិយោគបង្កើតតំបន់សេដ្ឋកិច្ចពិសេសថ្មីមួយទៀត
Account
Security
Favourite Content