សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឆ្នាំថ្មី ក្ដីសង្ឃឹមថ្មី ហាងឆេងដីធ្លីនៅក្នុងប្រទេសកម្ពុជាបានចាប់ផ្ដើមមានទីផ្សារឡើងវិញបន្តិចក្រោយពីវិស័យនេះបានរងផលប៉ះពាល់ និងថមថយសកម្មភាពទិញលក់មួយរយៈដោយសារតែវិបត្តិកូវីដ១៩ និងភាពមិនច្បាស់លាស់នៃសេដ្ឋកិច្ចពិភពលោក ។
អ្នកអភិវឌ្ឍន៍លំនៅឋាន និងអ្នកអភិវឌ្ឍន៍ដីធ្លីជាច្រើនបានលើកឡើងថា នៅក្នុងឆ្នាំ២០២៣នេះ តម្លៃដីធ្លីនៅក្នុងប្រទេសកម្ពុជា ជាពិសេសដីធ្លីនៅតំបន់ជុំវិញរាជធានីភ្នំពេញចាប់ផ្ដើមមានកំណើនឡើងវិញដោយតំបន់ខ្លះហក់ឡើងខ្លាំងតែម្ដង តែតំបន់ខ្លះទៀតកើនឡើងបន្តិចបន្តួច។ ចំណែកសកម្មភាពនៃការទិញលក់ និងការស្វះស្វែងរកទិញដីធ្លីពីសំណាក់អ្នកអភិវឌ្ឍន៍ក៏ឃើញថាមានសកម្មភាពកើនឡើងជាងឆ្នាំ២០២១ និងឆ្នាំ២០២២ផងដែរ ។
លោក ចេ សុន អ្នកអភិវឌ្ឍន៍ដីធ្លីមួយកន្លែងនៅប៉ែកខាងលិចរាជធានីភ្នំពេញបានឱ្យដឹងថា ដីធ្លីចាប់ផ្ដើមឡើងថ្លៃបន្តិចវិញ ហើយនៅក្នុងឆ្នាំ២០២៣ និងស្ទើរតែមិនគួរឱ្យជឿ ខណៈដីដែលធ្លាប់ទិញបានក្នុងតម្លៃទាបសោះស្រាប់តែហក់ឡើងខ្ពស់ភ្លាមៗក្រោយចូលឆ្នាំថ្មីភ្លាម។
លោកបន្តថា ៖
“ការងើបឡើងនៃតម្លៃដីធ្លីនេះ កើតឡើងក្រោយពេលមានសកម្មភាពទិញលក់ដីឡើងវិញ ហើយក៏ជាសញ្ញាវិជ្ជមានសម្រាប់វិស័យដីធ្លីក្នុងឆ្នាំ២០២៣នេះដែរ ។ ទាំងនេះក៏ដោយសារតែចុងឆ្នាំកន្លងទៅមានការវិនិយោគជាបន្តបន្ទាប់ ជាពិសេសទៅលើរោងចក្រ ឧស្សាហកម្មថ្មីៗ ជាក់ស្ដែងដូចក្រុមប្រឹក្សាអភិវឌ្ឍន៍កម្ពុជាបានចេញវិញ្ញាបនបត្រចុះបញ្ជីវិនិយោគជាបន្តបន្ទាប់ជូនក្រុមហ៊ុនទាំងនោះ”
ជាការកត់សម្គាល់ផងដែរ នៅចុងឆ្នាំ២០២២ និងដើមឆ្នាំ២០២៣នេះ រាជរដ្ឋាភិបាលកម្ពុជាបានចាប់ផ្ដើមអភិវឌ្ឍន៍គម្រោងដែលបានគ្រោងជាយូរមកហើយនោះ ជាបន្តបន្ទាប់ ។ តាមរយៈការអភិវឌ្ឍគម្រោងទាំងនោះដែរ បានជួយជំរុញឱ្យតម្លៃដីធ្លី និងសកម្មភាពនៃការទិញលក់ដីធ្លីនៅតាមតំបន់អភិវឌ្ឍន៍នានាមានកំណើនឡើង ។
គម្រោងធំៗមួយចំនួននៅជុំវិញរាជធានីភ្នំពេញ ក៏ជាកាលានុវត្តភាពមួយសម្រាប់ជួយឱ្យវិស័យដីធ្លីមានកំណើនជាងឆ្នាំចាស់ផងដែរ ក្នុងនោះគម្រោងសាងសង់ស្ពានឆ្លងកាត់ទន្លេចំនួន២ គឺពីភ្នំពេញទៅអរិយក្សត្រ ដែលស្ពានទាំងនេះនឹងជួយជំរុញឱ្យពលរដ្ឋទៅរស់នៅតំបន់អរិយក្សត្រ និងល្វាឯមកាន់តែច្រើននាពេលអនាគតដ៏ខ្លីខាងមុខនេះ ៕
Account
Security
Favourite Content