សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទួលគោក បានក្លាយជាតំបន់ពាណិជ្ជកម្មដ៏មមាញឹកមួយក្នុងរាជធានីភ្នំពេញ ដោយក្នុងនោះ តំបន់នៅជុំវិញអង់ទែនទួលគោក បាន និងកំពុងទាក់ទាញខ្លាំងលើអាជីវកម្ម និងពាណិជ្ជកម្មចម្រុះដ៏មានសក្ដានុពលបន្ថែមពីលើគម្រោងអភិឌ្ឍន៍សំណង់ខុនដូ និងអាផាតមិន ដោយក្នុងនោះគេឃើញថាតំបន់នោះមានធនាគារតូចធំប្រមូលម្ដុំគ្នាយ៉ាងច្រើនស្អេកស្កះ។ ក្រៅពីនេះក៏មានផ្សារទំនើបសហគមន៍ និងអាជីវកម្មជាច្រើនទៀត ដែលជំរុញឱ្យតំបន់នេះកាន់តែមានប្រជាប្រិយភាព។
បើតាមអ្នកជំនាញនៃវិស័យអចលនទ្រព្យកម្ពុជាបានឱ្យដឹងថា ទួលគោកបានក្លាយជាតំបន់ដ៏មានសក្ដានុពលក្នុងរាជធានីភ្នំពេញបន្ទាប់ពីតំបន់បឹងកេងកង ដោយអ្នកវិនិយោគទាំងក្នុង និងក្រៅប្រទេសបានចាប់អារម្មណ៍កាន់តែច្រើន ខណៈដែលវត្តមានសំណង់អគារពាណិជ្ជកម្មចម្រុះ ខុនដូ អាផាតមិន ផ្សារទំនើប អគារការិយាល័យ និងអាជីវកម្មផ្សេងទៀតកើតមានស្ទើរតែគ្រប់ទីកន្លែងទៅហើយ។
លោក ប៉ូ អ៊ាវគង់ អគ្គនាយកក្រុមហ៊ុន Advance បានមានប្រសាសន៍ថា ទួលគោកជាទីតាំងភូមិសាស្ត្រដ៏ល្អ ជាក់ស្ដែងតំបន់នេះ មានការតភ្ជាប់ទៅកាន់តំបន់នានាដូចជាការចេញចូលក្រុងភ្នំពេញមានភាពងាយស្រួល ។ ក្រៅពីនេះ ពលរដ្ឋចង់ចូលទៅតំបន់កណ្ដាលក្រុង មានផ្លូវខ្វាត់ខ្វែង ហើយពលរដ្ឋចង់ចេញទៅលេងតាមបណ្ដាខេត្តនានានាក៏ងាយស្រួលដែរ ដូច្នេះហើយទើបធ្វើឱ្យតំបន់ទួលគោកនេះកាន់តែមានភាពទាក់ទាញលើការវិនិយោគ។
លោកបន្តថា ៖
“ជាការកត់សម្គាល់ មួយរយៈចុងក្រោយនេះ តំបន់ទួលគោកកាន់តែមានភាពទាក់ទាញ និងក្លាយជាតំបន់ពាណិជ្ជកម្មយ៉ាងមមាញឹក ដោយក្នុងនោះដែរយើងឃើញផងដែរថា នៅជុំវិញតំបន់ផ្សារទំនើបសហគមន៍ TK Avenue មានប្រមូលផ្ដុំទៅដោយធនាគារ និងមីក្រូហិរញ្ញវត្ថុ ព្រមទាំងអាជីវកម្មជាច្រើនទៀត។”
គួររំលឹកផងដែរថា តាមការវាយតម្លៃរបស់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានបង្ហាញផងដែរថា តម្លៃដីធ្លីនៅតំបន់ទួលគោកបានហក់ឡើងជាបន្តបន្ទាប់ក្នុងរយៈពេលប៉ុន្មានចុងក្រោយនេះ ហើយក៏បានរក្សាតម្លៃល្អប្រសើរទោះស្ថិតនៅក្នុងវិបត្តិកូវីដ១៩ក៏ដោយ ពោលគឺមិនមានការធ្លាក់ចុះនោះឡើយ។ ហេតុផលនៅត្រង់ថា តំបន់នេះ ហាក់មិនខុសពីតំបន់នៅកណ្ដាលក្រុងដូចជាបឹងកេងកង និងតំបន់ដូនពេញប៉ុន្មាននោះទេ៕
Account
Security
Favourite Content