សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាទូទៅខេត្តដែលនៅជាប់នឹងតំបន់ព្រំដែនរវាងកម្ពុជា និងប្រទេសជិតខាង គេឃើញមានសកម្មភាពវិនិយោគលើដីធ្លី និងអចលនទ្រព្យ មានការអភិវឌ្ឍគួរឱ្យកត់សម្គាល់។ ប៉ុន្តែសម្រាប់ខេត្តស្ទឹងត្រែង និងខេត្តបន្ទាយមានជ័យ ដែលស្ថិតនៅតំបន់ជាយដែនដូចគ្នា តែសម្រាប់សកម្មភាពវិនិយោគ និងអភិវឌ្ឍន៍នៅក្នុងវិស័យមួយនេះហាក់មានភាពស្ងប់ស្ងាត់បន្តិច។
លោក ជុំ វិចិត្រ ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តស្ទឹងត្រែងដែលជាខេត្តជាប់ព្រំដែនកម្ពុជាឡាវ បានឱ្យដឹងថា សកម្មភាពនៃការទិញលក់អចលនទ្រព្យ និងការវិនិយោគលើវិស័យនេះនៅក្នុងខេត្តស្ទឹងត្រែងមិនទាន់មានភាពទូលំទូលាយនៅឡើយ ហើយការអភិវឌ្ឍក្នុងវិស័យសំណង់ក៏មានចំនួនតិចតួចប៉ុណ្ណោះ។
លោកបន្តថា ៖
“ការអភិវឌ្ឍដីធ្លីនៅក្នុងខេត្តស្ទឹងត្រែងបច្ចុប្បន្ននេះ ភាគច្រើនគេសង្កេតឃើញមានត្រឹមតែជាអាជីវកម្មពុះដីឡូត៍តិចតួចប៉ុណ្ណោះ ហើយក៏មានត្រឹមតែនៅតំបន់ជុំវិញទីរួមខេត្តប៉ុណ្ណោះ ខណៈដែលអាជីវកម្មដីឡូត៍នេះក៏មិនទាន់មានការគាំទ្រខ្លាំងនៅឡើយ ព្រោះអ្នកទិញដីឡូត៍ភាគច្រើនគេជ្រើសរើសយកតែដីឡូត៍នៅជាប់ផ្លូវធំៗ ប៉ុន្តែសម្រាប់ដីឡូត៍នៅខាងក្នុងនៅមិនទាន់មានការទិញលក់ច្រើននោះទេ”
លោកបានបញ្ជាក់ថា បើទោះបីជាខេត្តនេះស្ថិតនៅក្នុងតំបន់ជាប់ព្រំដែនកម្ពុជា និងឡាវ ប៉ុន្តែការវិនិយោគភាគច្រើនមានតែប្រភេទដីកសិកម្ម ខណៈដែលមានការវិនិយោគក្នុងវិស័យពាណិជ្ជកម្មនៅមានកម្រិតនៅឡើយ។ ងាកទៅកាន់ខេត្តឧត្តរមានជ័យដែលស្ថិតនៅជាប់តំបន់ព្រំដែនកម្ពុជា-ថៃ ក៏មិនសូវមានសកម្មភាពវិនិយោគនៅក្នុងវិស័យអចលនទ្រព្យដូចគ្នា។
លោក រ៉ៃ ឬទ្ធី ប្រធានសាខានៃក្រុមហ៊ុន Century 21 Zillion Holding ប្រចាំខេត្តឧត្តរមានជ័យបានឱ្យដឹងផងដែរថា នៅក្នុងខេត្តឧត្តរមានជ័យ ការវិនិយោគ ឬអភិវឌ្ឍន៍អចលនទ្រព្យអាចមានត្រឹមតែជាប្រភេទកសិកម្ម និងកសិឧស្សាហកម្មប៉ុណ្ណោះ ហើយតាមការរំពឹងទុកនៅពេលអនាគតត្រឹម១០ឆ្នាំទៀត ខេត្តជាប់ព្រំដែននៃប្រទេសថៃមួយនេះអាចនឹងមានការផ្លាស់ប្តូរ។
លោកបន្តថា ៖
“ប្រជាពលរដ្ឋនៅក្នុងខេត្តនេះផ្ទាល់ ក៏ដូចជាខេត្តផ្សេងទៀត បានស្វែងរកទិញដីទុក ជាពិសេសនៅតំបន់ច្រកព្រំដែន ដូចជា អូរស្មាច់ជាដើម ដែលយើងអាចសន្និដ្ឋានបានថា នៅពេលឆាប់ៗខាងមុខនេះខេត្តឧត្តរមានជ័យនឹងមានការអភិវឌ្ឍប្លែក។ កត្តាដែលខ្ញុំហ៊ានអះអាងបែបនេះ ដោយសារខ្ញុំមើលឃើញពីផែនការរបស់រដ្ឋបាលខេត្តក៏ដូចជារដ្ឋាភិបាលទាំងមូលក្នុងការបើកច្រកព្រំដែនថ្មីៗជាបន្តបន្ទាប់ជាមួយនឹងប្រទេសថៃ ដើម្បីងាយស្រួលក្នុងការចេញចូល និងដឹកជញ្ជូនទំនិញ”
លោកបញ្ជាក់ថា ច្រកទាំងនោះនឹងមានសកម្មភាពស្រដៀងគ្នាទៅនឹងច្រកព្រំដែនសំខាន់ៗមួយចំនួនទៀតនៅតាមបណ្តាខេត្តដែលជាព្រំប្រទល់ជាមួយប្រទេសថៃ ប៉ុន្តែវាត្រូវការពេលវេលាបន្តិច ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content