សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមហ៊ុនអ្នកប្រតិបត្តិករ និងអភិវឌ្ឍកំពង់ផែដ៏ធំបំផុតមួយរបស់ចក្រភពអង់គ្លេសកាលពីពេលថ្មីៗនេះបានបង្ហាញអំពីផែនការវិនិយោគមួយដែលមានទំហំទុនប្រមាណ៥០០លានផោន ឬប្រហែលជាង ៦៨០លានដុល្លារក្នុងការកសាងកំពង់ផែសមុទ្រថ្មីមួយកន្លែងនៅក្នុងទីក្រុង Southampton ហើយក្រុមហ៊ុន Associated British Ports (ABP) ដែលកំពុងគ្រប់គ្រងផែប្រមាណ ២១កន្លែងនៅទូទាំងប្រទេសអង់គេ្លស ពោលគឺប្រមាណជា ២៥ភាគរយនៃពាណិជ្ជកម្មតាមផែសមុទ្ររបស់ប្រទេសគឺជាអ្នកដេញថ្លៃសម្រាប់វិនិយោគគម្រោងដ៏ធំមួយនេះ។
យោងតាមការចេញផ្សាយរបស់កាសែត The Telegraph នៅសប្តាហ៍នេះបានសរសេរថា គម្រោងពង្រីកផែសមុទ្រថ្មីនេះ គឺដើម្បីបង្កើនសមត្ថភាពក្នុងការស្តុកទុកនូវចំនួនរថយន្តអគ្គិសនីថ្មីពីប្រទេសចិន។
កាលពីប៉ុន្មានឆ្នាំមុន រថយន្តអគ្គិសនីធ្លាប់តែជាផលិតផលដែលមិនសូវមានសកម្មភាពពាណិជ្ជកម្មខ្លាំងឡើយនៅក្នុងទីក្រុង Southampton ប៉ុន្តែប៉ុន្មានឆ្នាំចុងក្រោយនេះវាត្រូវបាននាំចូលកាន់តែច្រើនឡើងជារៀងរាល់ឆ្នាំដល់ទៅរាប់សិបម៉ឺនគ្រឿង។ ដោយឡែក សម្រាប់ឆ្នាំ២០២៦ខាងមុខនេះ គេបានព្យាករណ៍ថា អង់គ្លេស នឹងកាន់តែមានកំណើនរថយន្តអគ្គិសនីពីប្រទេសចិនកើនឡើងទៅដល់១០ម៉ឺនគ្រឿង ឬប្រហែលជា២០ភាគរយនៃរថយន្តនាំចូលទាំងអស់។
កាលពីឆ្នាំកន្លងទៅ អាល្លឺម៉ង់ គឺជាប្រភពនាំចូលរថយន្តច្រើនជាងគេបំផុតទៅក្នុងទីផ្សាររបស់អង់គ្លេស ដែលគិតជាទឹកប្រាក់ប្រហែលជា ១៧ពាន់លានផោន ខណៈរថយន្តមកពីចិនឈរនៅលំដាប់លេខរៀងទី២ មានទំហំទឹកប្រាក់៤ពាន់លានផោន ដោយក្នុងនោះគេសង្កេតឃើញថា រថយន្តភាគច្រើនមានដូចជាក្រុមហ៊ុន BYD, Jaecoo, Omodaនិង Maxus។
តំណាងរបស់ក្រុមហ៊ុន ABP បានអះអាងថា ឃ្លាំងស្តុករថយន្តធំរបស់ខ្លួននៅផែសមុទ្ររបស់ Southampton ពេលនេះបានផ្ទុករថយន្តស្ទើរតែពេញទៅហើយ ៥៦០០០គ្រឿង ដោយបន្ថែមឃ្លាំងតូចមួយទៀតផ្ទុកបាន៦០០០គ្រឿងនៅខាងលិចផែធំនឹងត្រូវពេញដូចគ្នានៅឆ្នាំក្រោយ។ យ៉ាងណាក៏ដោយ ក្រុមហ៊ុនបានអះអាងថា ផែកការស្នើសុំអភិវឌ្ឍផែថ្មីនេះនឹងមិនត្រូវបានធ្វើឡើងភ្លាមនោះទេរហូតដល់ឆ្នាំ២០២៧ ដោយត្រូវការសិក្សា និងប្រឹក្សាច្បាប់ជាច្រើនដំណាក់កាលជាមុនសិន ហើយរំពឹងថានឹងអាចទទួលបានសិទ្ធិក្នុងការសាងសង់នៅក្នុងឆ្នាំ២០២៨៕
Account
Security
Favourite Content