សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានរៀបចំកម្មវិធីប្រកួតប្រជែង និងឈានដល់វគ្គពាក់កណ្តាលផ្តាច់ព្រ័ត្រនៃកម្មវិធី “ថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលម្ហូបអាហារ (CBI-Food) ដោយមានក្រុមនិស្សិតចំនួន ២០ក្រុម មកពីសាកលវិទ្យាល័យ និងវិទ្យាស្ថានចំនួន៦ ចូលរួមប្រកួតប្រជែង ដើម្បីចម្រាញ់យកក្រុមនិស្សិតឆ្នើមចំនួន៧ក្រុម សម្រាប់បន្តទៅវគ្គផ្តាច់ព្រ័ត្រ។
ការប្រកួតប្រជែងនេះ ជាផ្នែកមួយនៃគម្រោង “លើកកម្ពស់កិច្ចសហប្រតិបត្តិការផ្នែកសមត្ថភាពផលិតកម្ម តាមរយៈការពង្រឹងសមត្ថភាពសហគ្រាសធុនតូច និងមធ្យម និងកិច្ចសហប្រតិបត្តិការបច្ចេកទេស ក្រោមបរិបទឧស្សាហកម្មជំនាន់ទី៤ នៅប្រទេសឡាវ មីយ៉ាន់ម៉ា និងកម្ពុជា” ក្នុងក្របខ័ណ្ឌកិច្ចសហប្រតិបត្តិការមេគង្គឡានឆាង។
“ថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលម្ហូបអាហារ” គឺជាកម្មវិធីប្រកួតប្រជែងក្រុមនិស្សិតដែលមានគោលដៅលើកកម្ពស់ភាពច្នៃប្រឌិតក្នុងការអភិវឌ្ឍផលិតផលម្ហូបអាហារឱ្យមានគុណភាព សុវត្ថិភាព និងភាពប្រកួតប្រជែងទីផ្សារ ដោយផ្តោតលើការប្រើប្រាស់កសិផល និងវត្ថុធាតុដើមក្នុងស្រុក។
ឯកឧត្តមបណ្ឌិត ញឹម ខេមរា រដ្ឋលេខាធិការប្រចាំការនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា៖ កម្មវិធីនេះនឹងអភិវឌ្ឍសហគ្រិនជំនាន់ថ្មីក្នុងវិស័យម្ហូបអាហារ ដែលអាចប្រែក្លាយគំនិតឱ្យទៅជាផលិតផលអាហារដែលបំពេញតាមស្តង់ដារ ដើម្បីរួមចំណែកដល់កំណើនសេដ្ឋកិច្ចជាតិ។
ឯកឧត្តមបានបញ្ជាក់់ថា ថ្នាលបណ្តុះអាជីវកម្មកម្ពុជាសម្រាប់ការអភិវឌ្ឍផលិតផលម្ហូបអាហារ ត្រូវបានអនុវត្តក្រោមក្របខ័ណ្ឌកិច្ចសហប្រតិបត្តិការមេគង្គ-ឡានឆាង ក្នុងគោលដៅពង្រឹងប្រព័ន្ធអេកូឡូស៊ីវិស័យកែច្នៃម្ហូបអាហារ លើកកម្ពស់នវានុវត្តន៍ផលិតផលក្នុងស្រុក និងបំផុសគំនិតនិស្សិត និងនវានុវត្តន៍ករវ័យក្មេងឱ្យក្លាយជាសហគ្រិន និងអ្នកដឹកនាំនាពេលអនាគតក្នុងឧស្សាហកម្មម្ហូបអាហារ ដែលកំពុងរីកចម្រើនរបស់កម្ពុជា៕
Account
Security
Favourite Content