សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីនីគីអាស៊ី បានរាយការណ៍ថា កំណើនសេដ្ឋកិច្ចរបស់ប្រទេសវៀតណាម នៅក្នុងត្រីមាសទី៣ ឆ្នាំ២០២៤នេះ បានកើនឡើង ៧,៤ ភាគរយ បើទោះជាខ្លួនបានជួបនឹងវិបត្តិដែលបង្កឡើងដោយគ្រោះខ្យល់ព្យុះកាលពីពេលកន្លងទៅថ្មីៗនេះក៏ដោយ។
កាលពីថ្ងៃអាទិត្យកន្លងទៅនេះ ទិន្នន័យផ្លូវការណ៍មួយបានបង្ហាញថា សេដ្ឋកិច្ចប្រទេសវៀតណាមបានកើនឡើង ៧,៤ ភាគរយនៅក្នុងត្រីមាសទី ៣ ធៀបនឹងឆ្នាំមុន និងលើសពីកំណើន ៦,៩៣ ភាគរយកាលពី៣ខែមុន។ ការកើនឡើងកំណើននៅត្រីមាសទី៣នេះ គឺផ្ទុយពីការរំពឹងទុកថានឹងធ្លាក់ចុះ ដោយសារវៀតណាមបានរងគ្រោះព្យុះទីហ្វុងដ៏អាក្រក់បំផុតក្នុងរយៈពេល ៧០ ឆ្នាំ ចុងក្រោយ ដែលបានបញ្ឈប់ប្រតិបត្តិការអាជីវកម្មជាច្រើន។
ការិយាល័យស្ថិតិជាតិបានចេញផ្សាយថា ទិន្នន័យផលិតផលក្នុងស្រុកសរុបបានកើនឡើងប្រចាំត្រីមាសដ៏ធំបំផុតចាប់តាំងពីអត្រា ១៣,៧ ភាគរយក្នុងត្រីមាសទី ៣ ឆ្នាំ ២០២២។ យ៉ាងណាក៏ដោយ ទោះបីជាព្យុះទីហ្វុង Yagi បានប៉ះពាល់ដល់សកម្មភាពរោងចក្រកាលពីខែកញ្ញាក៏ដោយ ប៉ុន្តែការនាំចេញបានកើនឡើង ១៥,៨ ភាគរយ បើធៀបនឹងត្រីមាសទី ៣ ឆ្នាំ ២០២៣ ខណៈដែលវិស័យកសិកម្មបានទទួលរងផលប៉ះពាល់ខ្លាំងបំផុតពីព្យុះស៊ីក្លូន មានអត្រា ២,៥៨ ភាគរយដែលធ្លាក់ចុះពី ៣,៣៤ ភាគរយពីត្រីមាសមុន។ កាលពីថ្ងៃទី ៧ ខែកញ្ញា ព្យុះនេះបានបោកបក់ប្រទេសវៀតណាមបណ្តាលឲ្យមនុស្សរាប់រយនាក់ស្លាប់ និងបង្កការខូចខាតលើផលិតកម្មកសិកម្ម និងសេវាកម្មផ្សេងៗ ដែលគិតជាទឹកប្រាក់ប្រមាណ ៣ ពាន់លានដុល្លារ។ នៅក្នុងគ្រោះធម្មជាតិនេះ យល់ឃើញថា វាគឺជាការរំខានបណ្ដោះអាសន្ន ប៉ុន្តែមូលដ្ឋានគ្រឹះក្នុងរយៈពេលវែងនៅតែមានប្រសិទ្ធភាព ដោយសារ GDP បានកើនឡើង ៦,៨២ ភាគរយក្នុងរយៈពេល ៩ខែដំបូងនៃឆ្នាំនេះ ដែលខិតជិតដល់កំណើនមុនពេលរាតត្បាត ៧,៣ ភាគរយ។
ក្រុមហ៊ុនអចលនទ្រព្យវៀតណាម Vinacapital បានមើលឃើញពីការថយចុះពីអតិថិជនអាម៉េរិក ដែលជាអតិថិជនដ៏ធំបំផុតរបស់វៀតណាម ដោយសារសេដ្ឋកិច្ចសហរដ្ឋអាមេរិកអាចនឹងបន្តធ្លាក់ចុះធ្វើឱ្យការបញ្ជាទិញពីប្រទេសវៀតណាមធ្លាក់ចុះដូចគ្នា។ មិនត្រឹមតែប៉ុណ្ណោះ ប្រសិនបើសេដ្ឋកិច្ចអាមេរិកកាន់តែយឺត នោះវាអាចនឹងកាត់បន្ថយតម្រូវការអ្នកប្រើប្រាស់របស់សហរដ្ឋអាមេរិកសម្រាប់ផលិតផលដែលផលិតនៅនៅវៀតណាមដូចជា កុំព្យូទ័រ ទូរស័ព្ទដៃ និងទំនិញផ្សេងទៀត។ បច្ចុប្បន្ននេះ ការជំរុញផលិតផលក្នុងស្រុកសរុបរបស់វៀតណាមកំពុងទទួលបានពីកំណើននៃការនាំចេញ ប៉ុន្តែវាអាចទំនងជានឹងធ្លាក់ចុះនៅឆ្នាំខាងមុខ។
ទន្ទឹមនឹងនេះ វិស័យបច្ចេកវិទ្យា គឺជាកត្តាជំរុញរយៈពេលវែងសម្រាប់សេដ្ឋកិច្ចវៀតណាម។ ការិយាល័យស្ថិតិបាននិយាយថា ការនាំចេញគ្រឿងអេឡិចត្រូនិកបានកើនឡើង ២០,៦ ភាគរយនៅក្នុងត្រីមាសទីបីធៀបនឹងឆ្នាំមុន។ លើសពីនេះ វៀតណាមកំពុងបន្ថែមគ្រឿងបន្លាស់បច្ចេកវិទ្យាខ្ពស់ទៅក្នុងសង្វាក់ផ្គត់ផ្គង់របស់ខ្លួន ចាប់តាំងពីគ្រឿងបន្លាស់បន្ទះឈីប Besi រហូតដល់កាមេរ៉ាស្មាតហ្វូន LG Electronics៕
Account
Security
Favourite Content