សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមប្រឹក្សាអភិវឌ្ឍន៍កម្ពុជា និងក្រុមហ៊ុន RMA រួមជាមួយក្រុមហ៊ុន Minebea នឹងរួមគ្នារៀបចំកិច្ចប្រជុំលើកទី៣ នៃក្រុមប្រឹក្សាផ្ដល់យោបល់ដែលជាវេទិកានៃភាពជាដៃគូរវាងរដ្ឋ និងឯកជន សម្រាប់ជួយតម្រង់ទិសយុទ្ធសាស្រ្តអភិវឌ្ឍន៍ និងផែនការសកម្មភាពនៃវិស័យយានយន្ត និងអេឡិចត្រូនិក។
ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា និងជាប្រធានលេខាធិការដ្ឋានដឹកនាំ និងសម្របសម្រួលការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជា (IDP) នាព្រឹកថ្ងៃទី១០ ខែមីនា ឆ្នាំ២០២៥ បានដឹកនាំសហការីទទួលជួបពិភាក្សាការងារជាមួយ លោក ងន សាំង នាយកប្រតិបត្តិក្រុមហ៊ុន RMA (Cambodia) និងជាសហប្រធានតំណាងវិស័យយានយន្តនៃក្រុមប្រឹក្សាផ្ដល់យោបល់ និងលោក Yasuyuki SUGAWARA អ្នកគ្រប់គ្រងគណនេយ្យក្រុមហ៊ុន Minebea (Cambodia) និងជាតំណាងសហប្រធានតំណាងវិស័យអេឡិចត្រូនិកនៃក្រុមប្រឹក្សាផ្ដល់យោបល់ ក្នុងគោលបំណងពិភាក្សាអំពីការងារសម្រាប់ត្រៀមរៀបចំកិច្ចប្រជុំលើកទី៣ នៃក្រុមប្រឹក្សាផ្ដល់យោបល់ ដែលគ្រោងនឹងរៀបចំក្នុងអំឡុងខែមេសា ឆ្នាំ២០២៥ ខាងមុខ។
គួរបញ្ជាក់ផងដែរថា ក្រុមប្រឹក្សាផ្ដល់យោបល់គឺជាយន្តការនៃភាពជាដៃគូរវាងរដ្ឋ និងឯកជន ដែលជួយតម្រង់ទិសយុទ្ធសាស្រ្តអភិវឌ្ឍន៍ និងផែនការសកម្មភាពនៃវិស័យយានយន្តនិងអេឡិចត្រូនិក។
ក្រោមការសម្របសម្រួលពីលេខាធិការដ្ឋាន IDP,សហប្រធានទាំង២ នឹងដឹកនាំកិច្ចប្រជុំជាមួយបណ្ដាក្រុមហ៊ុនក្នុងវិស័យទាំងពីរ ដើម្បីប្រមូលព័ត៌មាន បញ្ហាប្រឈម និងសំណូមពរនានា សម្រាប់រាយការណ៍ ក៏ដូចជាស្នើសុំដំណោះស្រាយក្នុងកិច្ចប្រជុំក្រុមប្រឹក្សាផ្ដល់យោបល់។ បន្ថែមលើនេះ អង្គប្រជុំបានពិភាក្សាអំពីកិច្ចសហប្រតិបត្តិការនានា ដែលអាចរៀបចំនាពេលអនាគតដូចជា កិច្ចពិភាក្សាលើការអភិវឌ្ឍជំនាញ និងសិក្ខាសាលាចែករំលែកបទពិសោធន៍ក្នុងវិស័យទាំងពីរជាដើម។
ឯកឧត្តម នុត អ៊ុនវ័ណរ៉ា បានថ្លែងអំណរគុណ និងវាយតម្លៃខ្ពស់ដល់តំណាងក្រុមហ៊ុនទាំងពីរ ដែលតែងសហការជាមួយរាជរដ្ឋាភិបាល ដើម្បីរួមគ្នាអភិវឌ្ឍវិស័យទាំងពីរនៅកម្ពុជា ជាពិសេសក្នុងក្របខណ្ឌផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិកកម្ពុជា៕
Account
Security
Favourite Content