សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាសែត រ៉យទ័រ បានផ្សាយកាលពីពេលថ្មីៗនេះថា រដ្ឋាភិបាលអាមេរិកក្រោមការដឹកនាំរបស់លោក Donald Trump កំពុងគ្រោងដាក់ចេញនូវផែនការពិន័យដ៏សំខាន់មួយពាក់ព័ន្ធទៅនឹងច្បាប់និរទេសជនអន្តោប្រវេសន៍ខុសច្បាប់។
រដ្ឋបាលលោក Trump នឹងដាក់ពិន័យទៅលើជនអន្តោប្រវេសន៍ទាំងឡាយណាដែលមិនព្រមចាកចេញតាមកាលកំណត់ជាមួយនឹងទឹកប្រាក់ដល់ទៅ ៩៩៨ដុល្លារក្នុងមួយថ្ងៃ ហើយឈានទៅដល់ការរឹបអូសទ្រព្យសម្បត្តិរបស់ពួកគេថែមទៀតផងប្រសិនបើមិនព្រមធ្វើការទូទាត់ប្រាក់ពិន័យទាំងនោះ។
ការអនុវត្តច្បាប់អន្តោប្រវេសន៍បែបនេះធ្វើឡើងតាំងតែពីឆ្នាំ២០១៨មកម្ល៉េះ ពោលគឺនៅក្នុងអាណត្តិដំបូងរបស់រដ្ឋបាលលោក Trump ក្នុងនាមជាប្រធានាធិបតីលើកទី១។ សម្រាប់អាណត្តិថ្មីនេះ រដ្ឋបាលអាមេរិកនឹងបន្តសុពលភាពក្នុងការពិន័យនេះរហូតទៅដល់៥ឆ្នាំ ឬមានន័យថា អន្តោប្រវេសន៍ខុសច្បាប់ដែលមិនព្រមចាកចេញនៅពេលនេះអាចនឹងរងការពិន័យសរុបរហូតទៅដល់ជាង ១លានដុល្លារ។ ក្នុងនោះផងដែរ អាមេរិកក៏នឹងពិចារណាក្នុងការអនុវត្តការរឹបអូសទ្រព្យសម្បត្តិរបស់ជនអន្តោប្រវេសន៍ទាំងឡាយណាដែលគេចវេសមិនព្រមទូទាត់ប្រាក់ពិន័យទាំងនេះផងដែរ។
គួរឲ្យដឹងដែរថា ប្រធានាធិបតី Donald Trump បានចាប់ផ្តើមប្រតិបត្តិការបង្រ្កាបជនអន្តោប្រវេសន៍នៅទូទាំងប្រទេសបន្ទាប់ពីចូលកាន់តំណែងក្នុងខែមករា តាមរយៈការបង្កើនការចាប់ខ្លួន និងការនិរទេសចេញពីប្រទេស ហើយតាមការគ្រោងទុក ជនចំណាកស្រុកប្រហែល ១,៤លាននាក់ដែលត្រូវបានបញ្ជាឱ្យវិលត្រឡប់ទៅប្រទេសកំណើត ឬប្រទេសទី៣វិញ។
ដោយឡែក បើយោងតាមការរបាយការណ៍ដែលធ្វើឡើងដោយក្រុមតស៊ូមតិផ្នែកអន្តោប្រវេសន៍ ឬហៅកាត់ថា FWD.us បានប៉ាន់ប្រមាណថា ជនចំណាកស្រុកប្រហែល ១០លាននាក់បច្ចុប្បន្នដែលរស់នៅមិនស្របច្បាប់ ឬការការពារបណ្តោះអាសន្ន ឬកំពុងរស់នៅជាមួយពលរដ្ឋអាមេរិក។ ទោះបីជាយ៉ាងណាក្តី ចំពោះពេលវេលាដែលត្រូវកំណត់អនុវត្តច្បាប់ពិន័យនេះនឹងត្រូវចាប់ផ្តើមពីពេលណានោះ នៅមិនទាន់ប្រាកដនោះទេ៕
Account
Security
Favourite Content