សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រដ្ឋមន្ត្រីការបរទេសនៃសាធារណរដ្ឋតួកគីបាននិយាយបញ្ជាក់ទៀតថា ប្រទេសតួកគី នឹងធ្វើការប្រឆាំងដាច់ខាតនូវរាល់កិច្ចធ្វើអន្តរាគមន៍យោធាណាមួយពីបរទេសដែលប្រឆាំងទៅនឹងប្រទេសអ៊ីរ៉ង់ ដោយអំពាវនាវឱ្យរដ្ឋាភិបាលទីក្រុងតេហរ៉ង់ព្យាយាមដោះស្រាយបញ្ហាផ្ទៃក្នុងរបស់ខ្លួនដោយខ្លួនឯង។
យោងតាមការចេញផ្សាយរបស់ភ្នាក់ងារព័ត៌មាន Novinata បានសរសេរថា លោក Fidan រដ្ឋមន្ត្រីការបរទេសនៃសាធារណរដ្ឋតួកគី បានសង្កត់ធ្ងន់វិធីសាស្ត្រដែលអាចត្រួសត្រាយសេដ្ឋកិច្ចរបស់អ៊ីរ៉ង់ឲ្យកាន់តែរីកចម្រើន ដោយរដ្ឋាភិបាលទីក្រុងតេហរ៉ង់ ចាំបាច់ត្រូវតែអត់ធ្មត់ឱ្យបានក្នុងការដោះស្រាយបញ្ហាតានតឹងទាំងឡាយ ជាពិសេស បញ្ហានុយក្លេអ៊ែរជាមួយនឹងប្រទេសក្នុងតំបន់ដោយផ្ទាល់។
ជាមួយគ្នានេះដែរ លោកក៏បានអំពាវនាវដល់ភាគីអ៊ីរ៉ង់គួរតែដោះស្រាយបញ្ហារបស់ខ្លួនជាមួយបណ្តាប្រទេសនានាដែលកើតមាននៅក្នុងតំបន់ដោយសង្កត់ធ្ងន់លើចំណុចមួយចំនួនដូចជា ទី១, លុបបំបាត់បញ្ហារចនាសម្ព័ន្ធមួយចំនួនដែលនាំឱ្យមានការលំបាកផ្នែកសេដ្ឋកិច្ចអ៊ីរ៉ង់, ទី២ ត្រូវតែដោះស្រាយបញ្ហារបស់ខ្លួនទាក់ទងនឹងនុយក្លេអ៊ែរសកលតាមរយៈបណ្តាញការទូត ដោយមិនឲ្យខកខាននោះឡើយ។
លោក Fidan បានបញ្ជាក់ទៀតថា នៅពេលដែលប្រទេសមួយស្ថិតនៅក្នុងភាពឯកោ ឬនៅឆ្ងាយពីអន្តរជាតិ ការផ្តល់សេវាកម្មសេដ្ឋកិច្ចមួយចំនួនគឺមានកម្រិត។ ដោយឡែក សម្រាប់តែប្រទេសអ៊ីរ៉ង់ មានប្រជាជនច្រើន ដែលប្រាថ្នាចង់រស់នៅ និងចូលរួមក្នុងជីវិតសង្គមឱ្យបានច្រើន ជាពិសេសអាចទទួលបានការបណ្តុះបណ្តាលយ៉ាងល្អ ប៉ុន្តែនៅពេលដែលប្រទេសជាតិមានបញ្ហា ក្ដីប្រាថ្នា និងឱកាសមួយចំនួនត្រូវបានបាត់បង់ស្ទើរទាំងស្រុង ហើយវានឹងមានភាពច្របូកច្របល់ បង្កើតផលលំបាកដល់ប្រជាជន ដោយសារវិបត្តិសេដ្ឋកិច្ចក្នុងប្រទេសរបស់ខ្លួន ហើយអាចឈានទៅរកចលនាបះបោរមនោគមវិជ្ជា ប្រឆាំងនឹងរបបដឹកនាំរដ្ឋាភិបាលជាដើម។
យ៉ាងណាក៏ដោយ ផលលំបាកផ្នែកសេដ្ឋកិច្ចដែលបណ្តាលមកពីគោលនយោបាយ និងអសមត្ថភាពក្នុងការបន្ធូរបន្ថយបញ្ហាទាំងនោះ កំពុងនាំឱ្យមានបញ្ហាកាន់តែធ្ងន់ធ្ងរឡើង។ សម្រាប់តួគី គឺមិនចង់ឃើញមានកិច្ចអន្តរាគមន៍ពីសំណាក់ប្រទេសផ្សេងណាមួយឡើយសូម្បីតែសហរដ្ឋអាម៉េរិកក៏ដោយ៕
Account
Security
Favourite Content